Ljósberinn - 01.02.1957, Blaðsíða 4
Verksmiðjustúlkan, sem fór til Afrfku + Myndasaga um Mary Slessor + 1
Fyrir meira en 100 árum
fæddist i skozkum verksmiðju-
bæ telpa, sem hlaut í skírninni
nafnið Mary. Faðir hennar var
skósmiður að iðn og móðir
hennar var góð og guðhrædd
kona. Mary litla reyndist mynd-
arstúlka, er hún óx upp. Hún
var oft í skólaleik. Þá þóttist
hún vera að kenna svörtum
börnum. Það var líklega vegna
þess, að móðir hennar sagði
henni svo oft frá svörtu heið-
ingjabörnunum. 1 nágrenninu
bjó gömul og guðhrædd kona.
Hún safnaði oft inn til sín
börnunum af götunni, talaði
við þau um Jesúm og sagði
þeim sögur. Þar var Mary oft.
Móðir hennar vann í vefnaðar-
verksmiðju. Þegar Mary var
11 ára, fékk hún vinnu þar
lika og fór að læra að vefa.
Þegar hún kom heim með
fyrstu vinnulaunin sín, komst
mamma hennar við. Hún
geymdi þá peninga og kallaði
þá heilaga gjöf. Mary vann í
12 stundir í verksmiðjunni. En
auk þess varð hún að hjálpa
til heima. Hún varð að fara á
fætur snemma á morgnana og
vann oft langt fram á kvöld
við heimilisstörf. — Hún var
þyrst í allan fróðleik og lét
bækurnar sínar liggja opnar á
bekknum hjá sér við vefstólinn,
svo að hún gæti lesið við vinn-
una. Stundum las hún líka úti
á götu og gætti þess þá ekki
alltaf að vara sig á forarpoll-
unum. Á hverjum sunnudegi fór
hún í sunnudagaskólann. Þar
fylgdist hún með af áhuga. Ef
hún skildi ekki eitthvað, sem
um var talað, spurði hún
mömmu sína um það, er hún
kom heim. Hún gat alltaf greitt
úr öllum vanda.
L J DSBERINN
2