Ljósberinn - 01.11.1960, Blaðsíða 14

i
BI6LÍUSKÚLI
Sjálfsagt myndu ýmsir lesendur Ljósber-
ans þiggja það að fá að vera um tíma i
Biblíuskóla og hlusta á fræðandi og skemmti-
leg erindi um bók bókanna, Biblíuna, sem
öllum kristnum mönnum þykir vænt um. En
það er hvort tveggja, að Bibliuskólar eru
ekki á hverju strái, og svo eiga ekki allir
heimangengt til þess að dvelja í slíkum skól-
um.
Biblíubréfaskóli myndi gera hverjum, sem
er, fíert að vera þátttakandi, hvort sem hann
er ungur eða gamall og hvar sem hann býr
á la.idinu. Þá er námið stundað heima og
tekiíi í áföngum og á þeim tíma, sem nem-
andanum sjálfum kemur bezt.
Slíkur skóli hefur nú litið dagsins Ijós.
Hann nefnist Biblíubréfaskólinn LJÓS LÍFS-
INS, og hefur Ólafur Ólafsson, kristniboði,
einkum staðið fyrir framkvæmdum í sam-
bandi við bréfaskólann.
Biblíuskólinn býður nú hverjum þeim, sem
kynnast vill boðskap Biblíunnar á skemmt.i-
legan og auðveldan hátt, að gerast þátttak-
andi í stuttu námskeiði um eitt af guðspjöll-
um Nýja testamentisins, Jóhannesar guðspjall.
Með fyrsta bréfinu fylgir guðspjallið sérprent-
að á íslenzku og ensku. Geta þátttakendur
þannig haft tvöfalt gagn af lestri guðspjalls-
ins.
Landssamband KFUM hefur tekið að sér
að annast afgreiðslu bréfanna. Skólinn snýr
sér einkum til ungs fólks, en allir geta orð-
ið þátttakendur. Þó hafa börn innan 12 ára
tæpast gagn af honum.
Skrifið nú til Biblíubréfaskólans LJÓS
LÍFSINS, pósthólf 211, Reykjavík, og ykkur
verður sent fyrsta bréfið.
Það skal tekið fram, að þátttaka er ókeypis
og án allra skuldbindinga.
130
2>m
ttinn,
lijálpar
Æskuna leiddu Guð öruggt hér
með indælar dyggðir í hjarta sér,
og djörfung í trú svo að dafni nú
og daglega finni að sjálfur þú,
sért henni þá
sú hjálp, sem má
treysta með leiðsögn svo Ijúft þér frá.
Heilagan anda þíns hreina mátt
lát hana vel leiða svo vaxi brátt,
á menntabraut svo að hún minnist hér
að miskunn þín vakir, sem alltaf sér,
öll hjartans mál
í hug og sál,
lát hana fella ei lífsins tál.
Leið hana Drottinn um lífsins stig
svo lofað hún geti vel örugg þig,
sem freistinga sigrar mátt fyrir þá
er fullkomið traust þig setja á,
og biðja nú
svo blítt í trú,
Drottinn að hjálpir vel dag hvern þú.
Bœnin er uppspretta blessunar
öll beztu gæði við finnum þar,
við krossinn á heilögum kærleiks stig
því Kristur hann dó fyrir þig og mig,
og frelsa kann
hvert fótspor hann,
leiðir oss vel það líf mitt fann.
Drottinn hann leiðir mig dag hvern vel
og djörf ég honum því alltaf fel.
mitt hjarta því treysta ég honura má
sem hjálpar og stöðugt vill kraft mér Ijá,
og geymir mig
á gœfustig,
í trú ég Drottinn Guð treysti á þig.
Margrét Jónsdóttir
frá Búrfelli.
LJDSBERINN