Nýtt kirkjublað - 01.05.1908, Blaðsíða 3

NÝTT KIRKJUBLAÐ
99
prestsefnis. Og ðnnur eins klausa fær rúm, athugasemdalaust,
í höfuðmálgagni hins vesturíslenzka kirkjufélags!
Mundi liöf. eiginlega vita, hvað hann er að fara? Það
er lítt hugsandi. Það er lítt hugsandi, að nokkur sem þekkir
Nýja testamentið viti ekki, að Kristur og postular lians leggja
einmitt megináherzlu á þetta atriði, að kristindómurinn sé fyrst
og fremst líf. Það er lítt hugsandi, að nokkur sem þekk-
ir sögu kristninnar viti ekki, að einmitt þá er kristnin var
fegurst og hreinust var sá sannleikur hvað áþreifanlegastur,
að kristindómurinn sé fyrst og fremst líf. Og svo er gefið í
skyn, að þetta sé óskynsamleg kenning, og ósönn kenning,
sem aldrei takist að gera sanna! Nei, eg endurtek það, hr.
Guttormur veit ekki, hvað hann er að fara. Hann er svo
blindaður af „rétttrúnaði" sínum, að hann veit ekki, að hann
er að stritast við að gera Krist og postula hans að — Farí-
seum! Því það var, eins og líklega flestir vita aðrir en höf.,
eitt af aðaleinkennum Farísea, að þeir álitu átrúnaðinn vera
samsafn af kenningum, og sanntrúaðan þann einn, sem viður-
kendi þessar kenningar — tryði þeim. Því fer svo fjarri, að
höf. hafi nokkra hugmynd um, að þetta var einmitt eitt af
þeim höfuðatriðum Farísea-lífsskoðunarinnar, sem Jesús var
að berjast á móti, að hann miklu fremur eignar Jesú og
postulum hans sömu skoðunina hvað kristindóminn snertir.
Slík fjarstæða finst honum þessi kenning, að kristindóm-
urinn sé fyrst og fremst líf og kristinn fyrst og fremst sá, er
lifir lífi Jesú Krists, að hann spyr í einlægni: „Hvernig getur
kristindómurinn verið fyrst og fremst líf?“
Hefir hr. Guttormur aldrei heyrt nefnda „endurfæð-
ingu“ og þá um leið verið á það bent, að endurfæðing væri
fæðing til nýs guði helgaðs lífs? Hefir hann aldrei heyrt
talað um kristindóminn sem „líf í guði“ eða sem „lífssam-
félag við guð fyrir Jesúm Krist“? Hefir hann aldrei rekið
sig á að Kristur tali um sjálfan sig sem lífið eða lesið það,
að „hver sem hafi soninn hafi lífið11 ? Hr. Guttormur segir, að
Páll hafi vitað það vel, að hann hefði ekki lifað lífi Jesú
Krists, enda sé það „breyskum manni ómögulegt“! Hvort
eru þau þá eftir alt saman ósönn orðin postulans: „Eg liíi
— þó ekki framar eg, heldur lifir Kristur í mér,“ — eða var