Nýtt kirkjublað - 01.05.1908, Blaðsíða 8
104
NÝTT KIRKJUBLAÐ
ekki. Full viðurkenning verður að eiga sér stað á báðar
hliðar.
Enginn „ógildingardómur“ hefir enn verið kveðinn upp,
og þá heldur ekki enn um það að ræða, að þetta verði til að
gera „djúpið eun þá meira“ milli Vestur- og Austur-íslendinga.
Manni gæti enda komið til hugar af orðalaginu, að séra
Jóni væri orðið ósárt um það, þó að strjáluðust andlegu sam-
göngurnar yfir djúpið breiða milli vor samlanda beggja megin
hafsins? En þess getur hann aldrei orðið sér vitandi. Viljað
það — getur hann ekki. Æfistarf hans hefir verið að varð-
veita íslenzkt þjóðerni og íslenzka tungu vestan hafs. Sú verð-
ur söguminningin um hann liðinn. Þó að honum í bili kunni
að líka eitthvað miður í aodlegum stefnum og straumum héð-
an að heiman, þá má hitt meira, lífsstarfið hans góða og göf-
uga. En það er úti um það ef andlegu samgöngurnar hald-
ast ekki.
Eg hygg að oss varði það engu minna hér heima á gamla
Fróni, en bræður vora vestra, að andlega samlífið beggja meg-
in hafsins eflist og glæðist. Og þessvegna eru það, beint frá
voru sjónarmiði, engir smámunir, ef íslenzka kirkjan hérheima
sýndi systurkirkjunni vestra þá óvirðing, sem um ræðirí „Sam“.
Séra J. B. og landar vestra verða að treysta því, að slíkt
geti eigi koinið fyrir.
Vér þurfum að skiftast á mönnum, fá menn að láni um
stund, hverir hjá öðrum. Það kunna að vera nokkrir örðug-
leikar á því með kennara, þar sem ríkislög skipa fyrir um
og binda, og mætti þó sennilega eitthvað við ráða. Hægara
er að skiftast á um kennimenn til lengri eða skemri dvalar.
Helztu höfundar vorir þyrftu og að bregða sérvesturum
haf, meðan þeir enn eru ungir, og listamenn vestan hafs, sem
einmitt sækja efni sitt í íslenzkan jarðveg, ættu þá eigi síður
að geta verið hér í íslenzkri náttúru, |)ótt eigi væri nema
sumarlangt.
Það er fyrir utan efni þessarar greinar að ræða um þelta
frekar. En ekki væri það nema nokkur greiðsla á allstórri
skuld, þótt vér Heima-íslendingar bindumst samtökum að bjóða
einum slíkum landa að vestan til kynnisfarar hingað,
Hvaðan koma forgöngumenn þess?