Nýtt kirkjublað - 01.09.1908, Blaðsíða 2

Nýtt kirkjublað - 01.09.1908, Blaðsíða 2
194 ^^^NtTT^RKJIQBLAÐ^ lýðing trúarinnar fyrir mannfélagið. Fáir munu gæta þess og enginn, ef til vill, gjöra sér fulla grein fyrir því, hve víðtæka þýðingu trúin hefir fyrir félagslíf manna. Ef til vill er það engum manni fullljóst, hve rmkill- ar næringar hið siðferðilega og félagslega líf nýtur frá þeirri uppsprettulind. Ef samvizka manns hefði ekki styrk og stuðn- ing af trúnni á guð, hve magnlaus og þýðingarlítil mundi hún þá verða. Ef trúin á guðlegá gæzku glæddi ekki góð- vildina í hjarta manns, hve lítið mundi þá verða í hana var- ið. Ef hugsjónin um œðstu veru, um sjálfsábyrgð og um annað líf hyrfi algjörlega úr hugum manna, hve voðaleg umrótun mundi þá steypa félagslífi manna í vonlausa eyði- leggingu! Hugsum oss, að maðurinn þættist vita það með vissu, að tilvera hans væri ekkert annað en leikur tilviljunarinnar, að engin æðri vizka hefði afskifti af nokkrum lilut. að engin hul- in hjálparhönd væri til, sem styrkti hinn vanmáttuga og rétti hluta hins undirokaða, að engin umbunarvon væri fyrir það, að fórna sjálfum sér vegna sannleikans, eða vegna almennings- heilla, að dygðin ætti engan vin, sem áreiðanlega mætti treysta, að eiðar hefðu engan ósýnilegan áheyranda, að leynilegir glæpir hefðu engan sjónarvott • annan en fremjandann, að þetta líf væri alt og sumt, sem nokkurs væri vert, en að allar fram- farir og yfir höfuð alt, sem verulegt er við manninn, væri úti í dauðanum. Hugsum oss í stuttu máli, að allir menn út- rýnii frá sér allri trú, hver getur myndað sér yfirlit yfir allar þær skelfingar, sem þá fylgdu á eftir? Þó vér vildum gjöra oss von um, að borgaraleg lög og náttúrleg samhygð manna gæti samt haldið félag^lífinu við. þá mundi það reynast líkt og að gera sér von um, að framleiða mætti Ijós og yl og frjóvgun jarðar með kyndlum og kveiktum eldi þó sólin hyrfi af himni. Hvað hefir maðurinn það við sig, sem gæti áunn- ið honum aðlaðan og virðingu, el' hann er ekki annað enn verndarlaus dæguríluga. Og annað væri hann þó ekki, ef guðneitunarkenningin hefði rétt að mæla. Án trúar á Guð og lotningar fyrir honum mundi eigin- girni og nautnafýst ná algjörðum yfirráðum yfir manninum.

x

Nýtt kirkjublað

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Nýtt kirkjublað
https://timarit.is/publication/364

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.