Nýtt kirkjublað - 15.01.1914, Qupperneq 8

24
NÝTT KIRKJUBLAÐ
um margt fara óskráð í gröfina, er geyma mætti til íróðleiks og
gamans. Vekur nýskeð máls á því við mig sira Ólafur í Arnar-
bæli, hvað bann sjái eftir þvi, að hafa eigi ritað ýmislegt úr sögu
Selvogs efdr Gísla bónda Gíslasyni í Stakkahlíð, er andaðist í
sumar sem leið. Gisli var kvæntur sonardóttur Hallgríms kenn-
ara Schevings og bar siðan það nafn, var Gísli stakur fróðleiks og
greindarmaður, og hafði dregið alt saman er mátti, í sinn minnis-
sjóð, af sögu bygðar sinnar. En vera má að hann hafi og ritað.
Bruni Undirfellskirkju.
Sóknarpresturinn síra Bjarni Pálsson ritar svo um brunann:
A annan í jólum, 26. des. síðastl. var margt fólk komið til
Undirfellskirkju. Hafði eins og venja er til að vetrinum verið
lagt í kirkjuofninn um morguninn, þó eigi meira en svo, að ekki
mátti tæpara standa, að sæmilega gæti talist heitt í kirkjunni, er
guðsþjónustan hófst.
Þegar nokkuð leið fram i guðsþjónustuna fóru menn að veita
því athygli, einkum þeir sem uppi á kirkjuloftinu voru, að reykjar-
eim lagði um kirkjuna. Brugðu þá nokkrir menn skjótt við og
fóru að athuga um ofninn. Var það hvorttveggja að reykurinn fór
hraðvaxandi, enda gengu menn skjótt úr skugga um, að ekki var
alt með feldu hvað reyk þennan snerti. Guðsþjónustunni var þeg-
ar hætt, og snerust menn til rannsóknar á þessu. Sást þá skjótt
að kviknað var i kirkjuveggnum milli þiljanna, út frá ofninum eða
múrpípunni. Hafði enginn hugmynd um hvernig þetta gat orsak-
ast, og oft hafði ofninn miklu meira verið kyntur. Söfnuðurinn
stóð sem einn maður í viðleitni sinni að afstýra þessu slysi. í>au
verkfæri og áhöld notuð sem til voru, og sent á bæi eftir mann-
hjálp og verkfærum, en þar sem kirkjuveggirnir voru stoppaðir
með tróspónum, var það á svipstundu að eldurinn læ3ti sig um
vegginn. Var það og jafnsnemma að stór norðan hríð brast á.
Var það hið mesta fárviðri. Eylgdist þar að veðurhæð og fann-
koma. Þegar það þannig gat engum dulist að kirkjunni var óbjarg-
andi, tóku menn að bjarga öllu því sem hægt var. Var yfir höfuð
öllu bjargað sem niðri var í kirkjunni, og orgelinu sem var uppi á lofd
Á tiltölulega mjög skömmum tima brann svo kirkjan til
kaldra kola.
N. Kbl., IX. ár 1914. Verð 2 kr. — í Ameríku 75 oent.
Eldri árgangar fást enn fyrir hálfvirði.
Sýnisblöð send svo sem óskað er og bent til af vinum blaðsins.
Rifstjóri: ÞÓRHALLUR BJARNARSON.
F élagsprentsmið j an.