Tímarit iðnaðarmanna - 01.10.1947, Síða 13

Iðnaðarritið 9. - 10. XX. 1947
Um síðari tillöguna er það að segja, að með henni
teljum við grundvellinum undan núverandi iðn-
löggjöf vera kippt burtu, ef hún verður að lögum.
Flestir unglingar myndu kjósa að vinna að iðn-
aði fyrir verkamannakaupi í nokkur ár, og leita
svo próts, þótt þeir fengju litla tilsögn, og ef ekki
fengjust unglingar í reglulegt iðnnám, myndu
meistararnir neyðast til þess að taka ólærða hjálp-
armenn á sama hátt og undanfarin styrjaldarár.
Núverandi iðnlöggjöf miðar að því, að ala upp vel
hæfa iðnaðarstétt, en með framannefndri breyt-
ingu myndi öll iðnkunnátta og tækni drabbast
niður í almennt „fúsk“.
2. Að fella niður breytingartillöguna á þingskjali 350
E. d.
Það er fullkomið öfugmæli og Alþingi lítt sæm-
andi að ákveða, að óþroskaðir unglingar, þótt
greindir og góðir menn væru, séu settir í yíir-
stjórn þess fræðslukerfis, sem verið er að byggja
upp til þess að kenna Þeim sjálfum undirstöðu-
atriði iðnmenntunar.
Iðnfræðsluráð á ekki eingöngu að vera yfirstjórn
þessarar undirstöðumenntunar iðnaðarmanna, held-
ur og íramhaldsmenntunar þeirra, og um fyrir-
komulag hennar eiga þessir unglingar, sem eru
á byrjunarstigi náms síns og þroska, að ráða sam-
kvæmt umræddu ákvæði.
3. Að bæta inn í frumvarpið, t. d. 18. gr., ákvæði um
að vinnustundir nemenda megi ekki vera færri en
1800 á ári að meðaltali á fyrirskipuðum námsára-
fjölda, til þess að tryggja það, að þeir hafi fengið
lágmarksæfingu í iðninni áður en náminu lýkur.
Viröingarfyllst
í milliþinganefnd iönfrœöslumála
Til iðnaðarnefndar neðri deildar Alþingis.
Auk þess sem að framan getur hefir stjórn Lands-
sambandsins í milliþinganefnd átt tal við iðnaðarnefndir
Alþingis, en eins og kunnugt er dagaði málið uppi.
11. Iðnskólafrumvarpið.
Á stjórnarfundi Landssambandsins 10. des. 1945, var
lagt fram bréf frá menntamálanefnd neðri deildar Al-
þingis, þar sem skýrt er frá því að nefndin hafi sent
frumvarp til laga um iðnskóla til milliþinganefndar í
skólamálum til umsagnar og að milliþinganefndin sjái
sér ekki fært á skömmum tíma að athuga frumvarpið
til hlýtar, en hafi hinsvegar ætlað sér að taka iðnfræðsl-
una til rækilegrar athugunar á næsta ári, og gera til-
lögur þar um.
Menntamálanefnd neðri deildar Alþingis, kveðst fús
til þess að taka frumvarpið til fyrirgreiðslu eftir að
milliþinganefndin hefur gert sínar tillögur um það.
Þar við situr og málið hefir ekki komið fram á Al-
þingi, en að sjálfsögðu mun stjórn Landssambandsins
fylgjast með málinu og ýta á eftir því.
II.
Erindi við ríkisstjórn og opinbera aðila.
12. Frumvarp til laga um iðnskóla í sveitum.
Frá iðnaðarnefnd efri deildar Alþingis, barst Lands-
sambandsstjórninni til umsagnar frumvarp til laga um
iðnskóla í sveitum.
Frumvarp þetta hefir vakið nokkuð umtal meðal
iðnaðarmanna og þykir því rétt að sambandsfélögin fái
vitneskju um afstöðu Sambandsstjórnarinnar til máls-
ins.
■Eins og að framan getur fékk Sambandsstjórnin írum-
varp þetta til umsagnar og svaraði því með svolátandi
bréfi dags. 7. febrúar 1946:
Háttvirt iðnaðarnefnd efri deildar Alþingis hefur
óskað umsagnar Landssambands iðnaðarmanna um
frumvarp til laga um iðnskóla í sveitum, og viljum vér
þar um leyfa oss að taka eftirfarandi fram:
Stjórn Sambandsins er sammála flutningsmanni frum-
varpsins um það, að það er langt frá því, að ástandið
í byggingamálum sveitanna sé viðunandi, og að því
valdi að miklu leyti þekkingarleysi á þessu sviði og
skortur kunnáttumanna til þess að sjá um smíði sæmi-
legra húsa. Rétt er þó í því sambandi að benda á, að
löggjafinn hefur ekki hingað til viljað ætla sveitunum
kunnáttumenn á þessu sviði, og að skortur kunnáttu-
manna stafar af því.
Ráðstaíana til úrbóta í þessum efnum er þvi þörf og
sennilegt að opinber skóli verði eina ráðið, er að gagni
kemur, enda séu kennarar skólans fulllærðir iðnaðar-
menn.
Stjórnin vill fyrir sitt leyti mæla með þeirri grund-
vallarhugmynd, sem frumvarpið byggist á, en leyfir
sér jafnframt að gera við frumvarpið eftirfarandi at-
hugasemdir.
1. Við 1. gr. og 5. gr.:
Rétt þykir að benda á, að verkstæði, sem rúmar
100 manns að vinnu við trésmíðar, (glugga, hurð-
ir, skápa og önnur húsgögn), ásamt geymslum fyr-
ir efni og smíðagripi, skólastofur, heimavistir og
íbúðir kennara, er feiknamikið bákn, og virðist
enda óþarflega stórt. Samkvæmt frumvarpinu virð-
ist nemendum skólans ætlað að hafa smíðarnar að
aðalatvinnu og ætti þá að nægja til að byrja með,
að skólinn rúmaði aðeins helming þess fjölda, sem
í frumvarpinu er neíndur, enda viðráðanlegra að
öllu leyti.
2. Við 3. gr.:
1 frumvarpinu er hvergi talað um að skólinn veiti
107