Tímarit iðnaðarmanna - 01.12.1966, Blaðsíða 14
mæli framfæri sitt af iðnaði. Þó er talið að árin 1964
og 1965 hafi iðnaðarframleiðslan í heild ekki aukizt
svo neinu nemi, og stafi það af aðlögunarerfiðleikum
af völdum frjálsari viðskipta og harðari samkeppni er-
lendis frá. Þetta er vissulega íhugunarefni, þar sem
iðnaðurinn verður að mestu að taka við fólksfjölgun-
inni í landinu.
Það er margrætt mál að iðnsýningar þyrftu að vera
oftar en raun ber vitni um, svo oftar gefist kostur á að
sýna landsfólkinu hvar iðnaðurinn stendur, hvaða iðn-
aðarvörur eru framleiddar í landinu og hvernig þær
eru að gæðum.
Húsnæðisskortur hefur löngum ráðið mestu um að
ekki hefur verið hægt að halda iðnsýningar, en þó
hefur jafnan verið gripið tækifærið, þegar stórbygg-
ingar hafa verið í byggingu, svo var t. d. 1952, þegar
Iðnskólinn í Reykjavík var í byggingu, þá var haldin
þar iðnsýning.
Nú hefur þannig skipast, að til framtíðar er það mál
leyst, þar sem samvinna tókst milli forráðamanna
Reykjavíkurborgar og Sýningarsamtaka atvinnuveg-
anna um byggingu og nýtingu á íþróttahöllinni í Laug-
ardal. Sýningarsamtökin hafa afnotarétt af þessu glæsi-
lega húsi 5 mánuði yfir sumartímann á hverju árí.
Fyrir nokkuð löngu var ákveðið að halda iðnsýning-
ar í þessu húsi eins fljótt og aðstæður frekast leyfðu.
Þessi ákvörðun hefur nú orðið að veruleika, þar
sem Iðnsýningin stendur nú yfir og var opnuð af iðn-
aðarmálaráðherra 30. ágúst s.l.
Sýning þessi ber vissulega vott um snilldarhand-
bragð iðnaðarmannsins og smekklegt útlit og gæði
fjölmargra iðnaðarvara, sem þar eru. Mun það ekki
ofsagt, að mest af þeirri vöru, sem þar er sýnd, standi
fyllilega jafnfætis því bezta erlendis.
Ef við lítum á sýninguna í heild ætti að vera óhætt
að álíta, að framundan sé blómaskeið í íslenzkum iðn-
aði.
f trausti þess að svo verði vil ég, um leið og ég segi
þetta 28. Iðnþing íslendinga sect, !ýsa þeirri ósk minni,
að þetta Iðnþing eigi eftir að marka spor í sögu Lands-
sambandsins og baráttu iðnaðarmanna í heild fyrir
bættum kjörum iðnaðarim.
Ferðalag
Eins og fram kemur í frásögn af 28. Iðnþinginu, fór fram-
kvæmdastjóri Landssambands iðnaðarmanna í kynnisferð til iðn-
sambandanna í Noregi, Svíþjóð og Danmörku í október og nóvem-
bermánuði s.l. og kynnti sér starfsemi og skipulag samtakanna.
Ennfremur heimsótti hann ýmis faggreinafélög og iðnaðarmanna-
félög. Nánar verður skýrt frá ferðalaginu og því, sem fram-
kvæmdastjórinn varð vísari, í næstu heftum Tímaritsins.
FRAUÐSTEYPA
til einangrunar á
GÓLFUM
VEGGIUM
LOFTUM
ÞÖKUM
o. fl. í hvers konar
byggingum
KOSTIR FRAUÐSTEYPU:
Þolir allt að 600° c. hita
Er ólífræn og rotnar ekki
Drekkur ekki í sig vatn
Þolir frost og veðrast ekki
Er naglræk og sníðanleg.
ALMENNA
BYGGINGAFÉLAGIÐ HF
Suðurlandsbraut 32 . Simi 38590
7°
TÍMARIT IÐNAÐARMANNA