Tímarit iðnaðarmanna - 01.12.1966, Blaðsíða 22

Vandamál skipasmíðastöðvanna rccdd með alvöruþunga. F. v.:
Þorgeir Jósefsson, Akranesi, Þorsteinn Danielsson, Reykjavík og
Bjarni Einarsson, Ytri-Njarðvík.
Reykjavík. Guðni Magnússon, Keflavík, taldi rétt að
milliþinganefndin starfaði áfram. Hann taldi að
sveinafélögin hefðu sagt skilið við Landssambandið
fyrst og fremst vegna kostnaðarins og lagði til að
reynt yrði að liðka til fyrir þeim, með því að bjóða
þeim aðild að Landssambandinu fyrir lægra gjald.
Þorgeir Jósefsson kvaðst hafa setið á Iðnþingum frá
1939 og sagði að Iðnþingin væru vettvangur, þar sem
sveinar og meistarar ættu að geta rætt um sameiginleg
hagsmunamál, fyrst og fremst iðnréttindamál. Hann
sagði, að því yrði að fara rólega í allar breytingar á
Landssambandinu.
Tómas Vigfússon ræddi einnig um málið. Hann
sagði að unnið væri að því að finna leiðir til lausnar á
þessum málum, en áður hefðu komið fram svipaðar
tillögur en þær mætt mikilli mótspyrnu. Þá sagði hann,
að í ráði væri, að framkvæmdastjóri Landssambands-
ins færi til Norðurlandanna til að kynna sér skipulag
þessara mála og starfsemi samtakanna þar, og á næsta
þingi yrði væntanlega betri aðstaða til að gera sér
grein fyrir ástandi þessara mála. Sigurður Kristinsson
lagði fram breytingatillögu við álit skipulagsnefndar,
þar sem milliþinganefndinni er falin áframhaldandi
rannsókn í málinu í samráði við stjórn og fram-
kvæmdastjóra Landssambandsins. Siguroddur Magnús-
son tók einnig til máls og sagði, að þetta væri eitthvert
merkilegasta mál þingsins og kvaðst hafa grun um, að
þarna væri á ferðinni ýmislegt, sem menn hefðu ekki
gert sér grein fyrir hvað væri í raun og veru.
Ingólfur Finnbogason kvaðst vilja taka undir orð
Þorgeirs Jósefssonar um að það þyrfti að skapa betri
grundvöll fyrir sveina innan Landssambands iðnaðar-
manna. Hann kvaðst algjörlega vera á móti tillögunni
um breytt skipulag og sagði að Landssambandsstjórn
hefði unnið að því að treysta hag Landssambandsins.
Bjarni Einarsson tók aftur til máls og kvaðst telja eðli-
legt, að nefndin fengi að starfa áfram, því að halda
yrði áfram að finna leiðir til þess að styrkja samtökin.
Þá bar stjórnin fram svohljóðandi tillögu: „28. Iðnþing
Islendinga samþykkir, að kosin verði fimm manna
milliþinganefnd til þess að fjalla um skipulagsmál
Landssambands iðnaðarmanna og geri hún grein fyrir
störfum sínum á næsta Iðnþingi."
Ennfremur tóku til máls þeir Eggert Ólafsson, Árni
Brynjólfsson og að lokum Garðar Björnsson. Síðan
var tillagan borin undir atkvæði og samþykkt sam-
hljóða og fundi síðan slitið.
Fundi var fram haldið kl. 14.20 síðdegis. Fyrstur
tók til máls Vigfús Sigurðsson, forseti Landssambands
iðnaðarmanna. Hann sagði, að stjórn Landssambands-
ins hefði orðið ásátt um að mæla mcð því að tveir
iðnaðarmenn yrðu sæmdir heiðursmerki iðnaðarmanna
úr silfri á þessu Iðnþingi, þeir Kristinn Vigfússon,
húsasm.m. á Selfossi og Anton Sigurðsson, húsasm.m.
í Reykjavík. Síðan rakti forseti helztu æviatriði þess-
ara manna. Þá var atkvæðaseðlum útbýtt og fór fram
atkvæðagreiðsla um þessa tillögu Landssambands-
stjórnar og var hún samþykkt með samhljóða atkvæð-
um.
Þá var tekið fyrir álit nefnda. Vigfús Sigurðsson
hafði framsögu fyrir áliti fjármálanefndar um Iðn-
lánasjóð, og minnti á að daginn áður hefði komið
fram viðbótartillaga, sem vísað hafði verið til fjár-
málanefndar og hefði fjármálanefnd orðið ásátt um að
leggja til, að viðbótartillagan yrði felld, þar sem ríkis-
framlagið væri enn ekki orðið jafn hátt framlagi iðn-
aðarins til Iðnlánasjóðs, og væri því ekki ástæða til að
íþyngja iðnaðarmönnum mcir að svo komnu máli. Ás-
grímur P. Lúðvíksson tók einnig til máls, en síðan var
viðbótartillagan borin undir atkvæði og felld með
yfirgnæfandi meirihluta. Síðan var álit fjármálanefnd-
ar borið undir atkvæði og samþykkt samhljóða.
Þá tók til máls Ingvar Jóhannsson og ræddi um að-
stöðugjald á iðnfyrirtækjum og lagði fram tillögu um
það mál. Samþykkt var að vísa málinu til fjármála-
nefndar.
Þá var tekið fyrir erindi Garðyrkjuverktakafélags Is-
lands og Félags garðyrkjumanna, framsögumaður var
Tómas Vigfússon. Hann rakti sögu þessa máls, sem
komið hefur fram á Iðnþingum hvað cftir annað á
undanförnum árum, og sagði að á síðasta Iðnþingi
hefði stjórn Landssambandsins verið falið að athuga
málið og skila áliti á þessu þingi. Fundir og viðræður
hefðu farið fram um málið og hefðu garðyrkjumenn
m. a. verið beðnir um að afmarka skrúðgarðyrkju frá
annarri garðyrkju. Tómas rakti einnig fyrirkomulag
um lögvernd iðnaðar á öðrum Norðurlöndum. Að lok-
um tíndi hann fram ýmis rök, sem mæla gegn því að
ckrúðgarðyrkja verði gerð að iðngrein og taldi að hún
væri landbúnaður.
Að loknu kaffihléi hófust almennar umræður um
erindi Garðyrkjuverktakafélagsins. Sigurður Kristins-
son ræddi um meðferð stjórnarinnar á málinu. Hann
taldi að skrúðgarðyrkja væri það skýrt afmarkað svið,
78
TÍMARIT IÐNAÐARMANNA