Tímarit iðnaðarmanna - 01.12.1966, Blaðsíða 39

Hinn ii. desember á s.l. ári náðust tveir allmerkir á-
fangar í sögu íslenzkra hagræðingarmála. Þennan dag
var undirskrifað í Iðnaðarmálastofnun íslands sam-
komulag milli heildarsamtaka vinnumarkaðarins um
leiðbeiningar um undirbúning og framkvæmd vinnu-
rannsókna. Með samkomulaginu marka aðilar vinnu-
markaðarins m. a. með sér sameiginlega yfirlýsta stefnu
í framleiðni- og hagræðingarmálum, sem mun verða
jafnt launþegum sem vinnuveitendum leiðarljós og
hvatning til þess að fara inn á nýjar brautir í vinnu-
brögðum og starfsskipulagi og jafnframt greiða götu
hvers konar hagræðingaraðgerða.
Þennan sama dag voru brautskráðir sjö menn, sem
höfðu hlotið tæplega árs þjálfun í ýmsum greinum hag-
ræðingartækni og ráðnir höfðu verið hjá nokkrum sam-
tökum vinnumarkaðarins. Var hér um að ræða fyrsta
hóp hagræðingarráðunauta, sem luku námi samkvæmt
áætlun um stuðning ríkisvaldsins við samtök vinnu-
markaðarins til að taka í þjónustu sína kunnáttumenn
á þessu sviði.
Fram að þeim tíma, að áðurnefnt samkomulag var
gert, má segja, að samskipti hagsmunaaðila vinnumark-
aðarins hafi svo til eingöngu verið á vettvangi kjara-
baráttu og kjarasamninga. Yfir langt árabil höfðu
starfsaðferðir samtakanna litlum breytingum tekið,
enda hafði þróun í stjórntækni íslenzks atvinnurekstrar
vart gefið tilefni til þess.
Nú má segja, að ný viðhorf og ný verkefni hafi skap-
azt hjá hagsmunaaðilum vinnumarkaðarins, sem felast
í því, að samtökin líta svo á, að auk hins sígilda hlut-
verks sem samningsaðila um kaup og kjör, beri þeim
einnig að stuðla að því að ryðja braut nýjungum, sem
eiga að verða til þess að hinir ýmsu þættir framleiðsl-
unnar, svo sem vinnuafl, hráefni og fjármagn, nýtist
svo vel sem verða má, með öðrum orðum, að stuðla
að aukinni framleiðni í atvinnulífinu .
Á þessu hausti, eða nánar tiltekið hinn 12. október
s.l. hófst í Iðnaðarmálastofnuninni nám annars hóps
hagræðingarráðunauta, sem standa mun yfir upp undir
eitt ár og fara fram að hálfu leyti erlendis, en að hálfu
leyti hér heima. Þennan sex manna hóp skipa þeir Guð-
jón Tómasson, ráðinn hjá Meistarafélagi járniðnaðar-
manna, Gunnar Guttormsson, ráðinn hjá Málmiðnað-
ar- og skipasmíðasambandi Islands, Ivar Baldvinsson,
ráðinn sameiginlega hjá Alþýðusambandi Norðurlands,
Fulltrúaráði verkalýðsfélaganna á Akureyri og Verka-
lýðsfélaginu Einingu, Magnús Gústafsson, ráðinn hjá
Vinnuveitendasambandi íslands, Sigurður Auðunsson,
ráðinn hjá Landssambandi iðnaðarmanna og Þórður
Gíslason, ráðinn hjá Sambandi byggingamanna. Eru
þessir menn nýfarnir utan og munu dveljast vetrarlangt
í Skandinavíu við nám, lengst af við Statens Teknolog-
iske Institutt í Oslo. Er ráðgert að þeir taki til starfa á
vegum samtaka sinna haustið 1967. Þar með verða hag-
ræðingarráðunautar samtaka vinnumarkaðarins orðnir
þrettán, en samkvæmt áðurgreindri áætlun verður
Talið frá vinstri: Þórður
Gislason, Gunnar Guttorms-
son, Sigurður Auðunsson,
ívar Baldvinsson, Magnús
Gústafsson og Guðjón Tómas-
son.

r il
f É -' í mi
"k , f
mw
TÍMARIT IÐNAÐARMANNA
95