Tímarit iðnaðarmanna - 01.10.1973, Blaðsíða 6

F ramkvæmda-
stjóraskipti
Þórleifur Jónsson
Um síðustu áramót lét Otto Schopka af störfum hjá
Landssambandi iðnaðarmanna og tók við starfi viðskipta-
legs framkvæmdastjóra Kassagerðar Reykjavíkur. Hann
hóf störf hjá Landssambandi iðnaðarmanna 1963 að loknu
prófi í viðskiptafræði frá Háskóla íslands. Hann hefur á
þessum árum unnið mikið starf fyrir sambandið og verið
í nánum tengslum við iðnaðarmenn um land allt og hvar-
vetna hafa menn lokið lofsorði á störf hans. Um leið og
stjórn Landssambandsins þakkar honum margvísleg vel
unnin störf árnar hún honum heilla í nýju starfi.
Við framkvæmdastjórastarfi Landssambands iðnaðar-
manna tók Þórleifur Jónsson, viðskiptafræðingur. Hann
er Ólafsfirðingur, sonur hjónanna Jóns E. Sigurpálssonar,
fyrrv. skipstjóra Ólafsfirði og Unnar Þorleifsdóttur. Hann
er fæddur 25. janúar 1945, stúdent frá Verzlunarskóla
íslands 1966. Próf í viðskiptafræði 1971 og hóf starf hjá
Iðnaðarráðuneytinu strax að prófi loknu og hefur unnið
þar til síðustu áramóta. Kona hans er Elísabet F. Eiríks-
dóttir, kennari, og eiga þau tvö börn. z
Stjórn Landssambandsins býður Þórleif velkominn til
starfa og væntir góðs af samstarfi hans og iðnaðarmanna
á komandi árum.
Sigurður Kristinsson
Otto Schopkt