Tímarit iðnaðarmanna - 01.10.1973, Blaðsíða 16
Stefán Rafn Þórðarson, húsgagnasmíðameisctari, Hafnarfirði.
Þá var haldið áfram umræðum um mál á málaskrá og
tekið fyrir eftirfarandi mál: SamkeppnisaðstaSa inn-
lendra verktaka á innlendum markaði og hafði Þórður
Gröndal, verkfræðingur, framsögu. Nokkrar umræður
urðu um málið en því var síðan vísað til allsherjarnefnd-
ar. Innkaup opinberra aðila. Karl Maack, húsgagnasmíða-
meistari, hafði framsögu og var málinu vísað til alls-
herjarnefndar. Verðlagsmál iðnaðarins. Guðjón Tómas-
son, framkvæmdastjóri, hafði framsögu og var þessu máli
síðan vísað til fjármálanefndar. Lög um tcsknimenntaðar
heilbrigðisstéttir. Otto Schopka framkvæmdastjóri hafði
framsögu, en málinu var vísað til löggjafarnefndar.
Breyting á reglugerð Almenns lífeyrissjóðs iðnaðarmanna.
Eyþór Þórðarson hafði framsögu um þetta mál. Hann
skýrði jafnframt frá vexti sjóðsins og starfsemi hans, en
hann hafði þá starfað í tæp 10 ár.
Er hér var komið fundi kynnti forseti iðnþingsins
iðnþingsfulltrúa, en síðan var fundi frestað og var iðn-
þingsfulltrúum boðið að skoða nokkur iðnfyrirtæki í
Hafnarfirði. Fyrirtækin sem skoðuð voru, voru Rafgeym-
ir hf., Glerborg hf. og Húsgagnaverzlun Hafnarfjarðar.
Þágu gestirnir góðar veitingar í tveim síðast töldu fyrir-
tækjunum. Síðdegis þennan dag var eiginkonum iðn-
þingsfulltrúa boðið að skoða Sælgætisgerðina Mónu í
Hafnarfirði og í heimsókn í klaustur Karmelitu-systra í
Hafnarfirði.
Föstudaginn 28. september var fundur settur kl. 10
árdegis og stjórnaði 2. varaforseti, Ingólfur Jónsson,
fundi. Tekin voru fyrir eftirfarandi mál: Iðnlöggjöfin.
Framsögu hafði Ólafur Pálsson, húsasmíðameistari, Hafn-
arfirði. Nokkrar umræður urðu um málið en því var
síðan vísað til löggjafarnefndar. Niðurfelling iðngreina.
Álit löggjafarnefndar og hafði Sigursteinn Hersveinsson,
framsögu fyrir áliti nefndarinnar. Álit og tillögur skipu-
lagsnefndar. Framsögu hafði Gunnar Björnsson. Miklar
umræður urðu um þetta mál, en gerðar voru tillögur
um breytingar á nokkrum greinum laga Landssambands-
ins. Tillögur nefndarinnar voru síðan lesnar og bornar
undir atkvæði að loknum umræðum og samþykktar með
samhljóða atkvæðum. Síðan voru lög Landssambands
iðnaðarmanna í heild með áorðnum breytingum borin
undir atkvæði og samþykkt samhljóða. Samkeppnisað-
staða skipasmíðaiðnaðarins. Jón Sveinsson, forstjóri hafði
framsögu, en málinu var síðan vísað til allsherjarnefndar.
Var nú komið að hádegi og gert fundarhlé, en iðn-
þingsfulltrúar sátu hádegisverðarboð bæjarstjórnar Hafn-
arfjarðar í Skiphóli. Þar fluttu ávörp Stefán Gunnlaugsson,
forseti bæjarstjórnar, og tilkynnti hann þá ákvörðun bæj-
arstjórnar Hafnarfjarðar, að afhenda félagssamtökum iðn-
aðarmanna í Hafnarfirði lóð undir byggingu félagsheim-
ilis í nýju iðnaðarhverfi í Hafnarfjarðarbæ, sem á að rísa
norðan Reykjanesbrautar. Sigurður Kristinsson, forseti
iðnþingsins, þakkaði bæjarstjórn Hafnarfjarðar höfðing-
legt boð og fyrirheit um lóð til félagssamtakanna.
Fundi iðnþings var fram haldið kl. 2.10 síðdegis. í
upphafi fundar kvaddi sér hljóðs Ingólfur Finnbogason,
forseti Landssambandsins, og ræddi fyrirkomulag stjórn-
arkosninga eftir nýjum lögum Landssambandsins. Gaf
hann þá yfirlýsingu að hann mundi ekki gefa kost á sér
aftur sem forseti Landssambandsins. Síðan var haldið
áfram að ræða mál á málaskránni. Fjáröflun ríkissjóðs.
Ingvar Jóhannsson hafði framsögu um málið og var álit
fjármálanefndar samþykkt samhljóða. Útgáfa meistara-
bréfa til erlendra ríkisborgara. Haraldur Sumarliðason
hafði framsögu fyrir áliti löggjafarnefndar og var það
samþykkt samhljóða eftir nokkrar umræður. Ingólfur
Finnbogason varpaði fram þeirri hugmynd, að iðnþingið
ætti að gera ályktun um landhelgismálið og var samþykkt
að vísa málinu til allsherjarnefndar Lög um tceknimennt-
aðar heilbrigðisstéttir. Sæmundur Sigurðsson, málara-
meistari, hafði framsögu fyrir áliti löggjafarnefndar og
var það samþykkt samhljóða. Breyting á reglugerð lífeyr-
issjóðs. Haraldur Sumarliðason hafði framsögu fyrir áliti
löggjafarnefndar og var það samþykkt samhljóða. Tolla-
mál iðnaðarins. Guðjón Tómasson hafði framsögu fyrir
áliti fjármálanefndar og var það samþykkt samhljóða án
umræðna. Erindi Félags íslenzkra snyrtisérfrceðinga. Sig-
ursteinn Hersveinsson hafði framsögu um álið en af-
greiðslu þess var frestað og því vísað aftur til nefndar.
Iðnþróunarácetlunin. Bjarni Einarsson, skipasmíðameist-
ari, hafði framsögu um álit allsherjarnefndar, en það var
síðan samþykkt samhljóða. Innkaup opinberra aðila.
Stefán Rafn Þórðarson hafði framsögu um málið og var
álit allsherjarnefndar samþykkt samhljóða. Iðnlöggjöfin.
TÍMARIT ISNAÐARMANNA
16