Tímarit iðnaðarmanna - 01.12.1978, Blaðsíða 11

Tímarit iðnaðarmanna - 01.12.1978, Blaðsíða 11
og áhöldum eftir þörfum, svo að hann tefjist ekki í náminu og nægt efni verður að vera til staðar svo ekki verði tafir sökum efnis- skorts. d) Kennsluefni, svo sem námsbækur, hand- bækur og vinnublöð verður að vera skipu- lagt þannig að unnt sé að fylgja námsskrá. 6. „Starfsmannakerfi verða að koma á og viðhalda eðlilegum skilyrðum um námslok." Starfsmenntun er fjölbreytt .Hún inniheldur margvíslega færniþætti og mörg þekkingaratr- iði. Tilgangur einnar starfsmannabrautar get- ur verið að kenna einstakling til starfa við bílaviðgerðir. Allt aðrir færniþættir og þekk- ingaratriði koma til greina fyrir starfsmennta- braut fyrir skrifstofufólk. Ef huganum er rennt yfir starfsheiti eins og þjónn, matreiðslu- maður, sölumaður, bókhaldari ,sjúkraliði, hjúkrunarkona, meinatæknir, útvarpsvirki og símvirki, skilst hin mikla breidd starfsmennt- unarinnar og þá áttar maður sig á því að hver starfsmenntabraut verður að setja skilyrði um námslok. Almennt talað verða námslok á starfsmenntabraut að mælast með verklegu prófi. 7. „innihald og kennsla á starfsmenntabrautum verður að hafa raunhæf tengsl við kröfur vinnumarkaðarins." Starfsmenntun hefur því aðeins gildi fyrir ein- staklinginn og þjóðfélagið að sá sem lært hefur til starfa geti fengið starf við hæfi og geti hald- ið starfinu. Nemandinn verður að hafa vilja til að geta unnið þau þjónustu- og framleiðslu- störf sem fáanleg eru á vinnumarkaðinum. 8. „Fjöldi þeirra sem menntaðir eru til starfa verður að vera í samræmi við vinnuaflsþörf í hinum ýmsu greinum þjóðlífsins." Samkeppni um tiltölulega fá störf, sem leiðir til atvinnuleysis nemenda, veldur efnahags- legu tapi fyrir þjóðfélagið og miklu álagi á nemendur og fjölskyldur þeirra. Vegna breytinga í þjóðfélaginu, breytast störf- in og ýmist fjölgar eða fækkar þeim sem vinna störfin. Af þessu verða starfsmannaskólar að taka mið og viðurkenna að menntakerfin geta orðið úr- elt. Það getur þurft að hætta við ákveðnar menntabrautir og byggja upp nýjar. Sérstök hætta er þegar stofnað er til verk- menntabrauta og ekki er tekið tillit til vinnu- framboðs, heldur óska sem byggjast á „tísku og tækni". Verkmenntabrautirnar verða þá leik- fang kennara og skólastjóra og óskabörn nem- enda, enda þótt námið geti endað í blindgötu og atvinnuleysi á sama tíma og fjárfestingu vantar í öðrum verkmenntabrautum og fyrir- tækin í þeim greinum vantar menntað vinnu- afl. 9. „í starfsmenntun verða að taka þátt ásamt skólunum, samtök vinnuveitenda og launþega, svo og önnur samtök þjóðlífsins og einnig stjórnvöld bæjarfélaga og ríkisins." Það er öllum ljóst að margir aðilar verða að taka þátt í samstarfinu svo starfsmenntunin verði hagkvæm. Það eru miklir erfiðleikar í framkvæmd slíks samstarfs. Hagkvæmni og markhittni starfs- menntunar ræðst að miklu leyti af því að hægt sé að koma á góðu samstarfi ofannefndra aðila og hin ýmsu vandamál séu leyst í því samstarfi. Helstu vandamálin eru: Meirihluti kennara og stjórnenda framhalds- skólanna hafa langa þjálfun og reynslu í námi á háskólastigi og síðan kennslu, en mikiðminni reynslu af því sem kalla má „veröld vinnunn- ar". Sem slíkum hættir þeim því til að skipu- leggja kennsluna frekar á bóklegu sviði en verklegu. Það er einnig erfitt að finna staði þar sem starfslið skólanna getur fengið kennslu og þjálfun í skipulagningu verknáms. Upplýsingar um vinnumarkaðinn eru yfirleitt ekki þannig að skólakerfið geti grundvallað ákvarðanir sínar um innihald starfsmenntunar og fjölda nemenda á þeim. Erfitt er fyrir skóla að afla nægra upplýsinga um nema, svo unnt sé með nokkurri vissu að ráðleggja honum að velja eina námsbraut fram yfir aðra. Einn stærsti þátturinn varðandi starfsmennt- un er afstaða almennings til hennar. Þessari afstöðu er oft lýst sem „menntun handa hin- um, en ekki fyrir mig og mína". Háskóla- menntun er þá talin fyrsta flokks, en starfs- menntun á framhaldsskólastigi sem annars eða þriðja flokks. Mörg dæmi finnast þar sem nemum með góð- an námsárangur er ýtt inn í háskólanám, án tillits til áhugasviðs hans, foreldrar sýndu á- huga á starfsmenntabrautum í sínum skóla, þar til kom að því að velja eigin börnum námsbraut o. s. frv. Vandamál í gerð og vali námsbrauta fyrir starfsmenntabrautirnar eru erfið viðfangs. Oftast er nægt framboð á námsgögnum fyrir bóknámsbrautir á framhaldsskólastigi, en öðru máli gegnir með starfsmenntabrautir, sérstak- lega fámennari starfsgreinar. Þá veldur oft erf- iðleikum að kennarar í starfsmenntun koma beint úr atvinnulífinu og skortir þjálfun í vinnubrögðum við gerð kennslubóka og ann- arra námsgagna. Framh. á bis. 25. TIMARIT IÐNAÐARMANNA

x

Tímarit iðnaðarmanna

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Tímarit iðnaðarmanna
https://timarit.is/publication/365

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.