Tímarit iðnaðarmanna - 01.10.1989, Blaðsíða 30
Stefna
stjómmálaflokkanna
Xímarit iðnaöarmanna fór
þess á leit við
stjórnmálaflokkana að þeir
skýrðu frá stefnu sinni
varðandi samskipti íslands
við Evrópubandalagið í
stuttu máli. Hér á eftir fara
þau svör sem bárust
blaðinu.
BORGARA-
FLOKKURINN
1 ■ Borgaraflokkurinn
telur, að miðað við
núverandi aðstæður hljóti
íslendingar að kjósa að
standa utan
Evrópubandalagsins. Hins
vegar er nauðsynlegt, að
íslendingar haldi góðu
sambandi við stjórn
Evrópubandalagsins bæði
beint og gegnum
samstarfið innan EFTA.
Með þeim hætti geta
íslendingar gert grein fyrir
sérstöðu sinni bæði hvað
varðar einkarétt okkar á
fiskimiðunum umhverfis
landið og hversu
efnahagslíf okkarer
veikburða í samanburði
við þjóðir
Evrópubandalagsins.
Þannig eiga íslengingar að
geta samið um hagstæð
viðskiptakjör við EB og
jafnvel rýmri aðgang að
fiskmörkuðum
bandalagsins en hin
sterkari ríki innan EFTA
eins og t.d. Norðmenn.
Enn fremur verðum við að
semja um viðurkenningu á
þeirri staðreynd, að
iðnaður okkar verður ætíð
það smár í sniðum, að
erfitt verður að ætla honum
að standa í fullri samkeppni
við iðnað EB-landanna á
jafnréttisgrundvelli. í
þessum skilningi er ísland
sambærilegt við hin
vanþróuðu svæði innan
EB, sem njóta víðtækra
styrkjatil uppbyggingar
atvinnu-
fyrirtækja.
2a (slendingar verða að
horfa til allra átta. Landið er
í þjóðbraut verzlunar og
viðskipta milli Ameríku og
Evrópu og í seinni tíð hefur
opnaztfyrir beina
loftflutninga milli Asíulanda
og Evrópu með viðkomu á
íslandi. Því er mikilsvert að
leita eftir samstarfi á sviði
verzlunar og viðskipta við
þjóðir vestan hafs og í
Asíulöndum. Einkum væri
athyglisvert að þreifa fyrir
sér um samstarf á sviði
iðnaðar tengdum
sjávarútveg við þessi lönd.
Mikilvægt er að leita eftir
mörkuðum og samstarfi
við þjóðir í heimshlutum,
sem við höfum lítið sinnt
fram til þessa, svo sem í
Arabalöndum og
miðausturlöndum.
Sérþekking okkar á
hátæknifiskveiðum og
vinnslu sjávarafurða er
verðmætari en okkur
grunar. Hvað varðar sjálfan
EB-markaðinn væri
eðlilegt að
útflutningsfyrirtæki leituðu
í ríkara mæli eftir því að
eignast hlut í sölu- og
dreifingarfyrirtækjum
innan EB til að ná betri
fótfestu á markaðnum þar.
3. Með tilkomu hins
sameiginlega markaðar
EB-ríkjanna 1992 mun
samkeppnin harðna, og
hætta er á, að
rekstrarskilyrði íslenzkra
fyrirtækja versni í
samanburði við EB-löndin.
Þess vegna er
nauðsynlegt, að löggjöf
um gjaldeyrisviðskipti
íslenzkra útflutnings- og
samkeppnisfyrirtækja
verði rýmkuð, m.a. með
því að heimila slíkum
fyrirtækjum að leita eftir
beinum erlendum
bankaviðskiptum og
afnema skilaskyldu á
gjaldeyri. Gengisskráning
verður að taka mið af
afkomu
útflutningsfyrirtækjanna
og því markmiði að
viðhalda jákvæðum
viðskiptajöfnuði svo og að
koma í veg fyrir, að
fjármunir skili sér ekki til
landsins. Það verður að
leggja mikla áherzlu á að
breyta viðhorfi ráðamanna
og almennings til
útflutningsverzlunarinnar.
Hún verðurað vera frjálsari
en nú er og gert hærra
undir höfði en
innflutningsverzluninni,
þótt ekki megi horfa fram
hjá þeirri staðreynd, að
íslendingar verða ávallt
háðir því að flytja inn vörur
í miklu magni og því
nauðsynlegt, að það verði
gert á sem hagkvæmastan
hátt.
ALÞÝDU-
FLOKKURINN
Akvörðun
Evrópubandalagsins um
óskiptan innri markað sem
nái til vöru, þjónustu,
vinnuafls og fjármagns
mun hafa mikil áhrif á
efnahagslíf í öllum löndum
Evrópu, bæði meðal þeirra
sem eru í bandalaginu og
hinna sem utan þess
standa.
Ríkisstjórn og Alþingi
hafa markað þá stefnu að
ísland skuli ekki stefna að
aðild að
Evrópubandalaginu heldur
skuli unnið að aðlögun
íslensks efnahags- og
atvinnulífs að hinum nýju
skilyrðum og þá
einkanlega gegnum EFTA.
Alþýðuflokkurinn er aðili
að þessari stefnumörkun.
Á vegum EFTA fer nú fram
umfangsmikil könnun á
möguleikum á