Tímarit iðnaðarmanna - 01.10.1989, Blaðsíða 31

samstarfssamningi EB og
EFTA. Þetta er í samræmi
við ofangreinda
stefnumörkun.
Markmið íslendinga í
þessum
samningsumleitunum og í
aðlögun íslensks
atvinnulífs að hinum
breyttu skilyrðum á að
vera í höfuðatriðum
tvíþætt.
I fyrsta lagi að
tryggja óhindraðan og
frjálsan aðgang að
mörkuðum
Evrópubandalagsins fyrir
íslenskan útflutning hvort
heldur er á vörum eða
þjónustustarfsemi. Þetta
felur m.a. í sér kröfu um
fríverslun fyrir íslenskar
sjávarafurðir til EB, eins og
þegar hefur fengist innan
EFTA.
I öðru lagi að
skapa íslensku atvinnulífi
sambærileg starfsskilyrði
við það sem gerast mun í
öðrum hlutum Evrópu,
þannig að það geti annars
vegar staðið sig gagnvart
erlendri samkeppni og
hins vegar nýtt sér þá
möguleika sem hin nýja
skipan mun bjóða upp á.
Hér kemur margt til svo
sem samræming staðla,
gagnkvæm viðurkenning
prófana og vottorða,
samsvarandi
samkeppnisreglur,
sambærileg réttindi og
ámóta eða jafngóð
fjármagnsþjónusta,
samræmi í skattlagningu
og greiður aðgangur að
rannsóknar- og
þróunarverkefnum, svo
nokkur dæmi séu tekin.
Alþýðuflokkurinn telur að
stjórnvöld eigi að greiða
fyrir upplýsingaflæði til
íslensks atvinnulífs
varðandi þær gagngeru
breytingar sem
fyrirsjáanlega munu verða
á mikilvægustu
markaðssvæðum okkar.
Oddvitar íslensks
atvinnulífs og
vinnumarkaðar verða að
vera virkir aðilar í
skoðanaskiptum um það,
hvernig unnið verði að
aðlögun atvinnulífsins að
breyttum ytri skilyrðum.
SJÁLFSTÆÐIS-
FLOKKURINN
Sjálfstæðismenn eru
almennt þeirrar skoðunar
að aðild að EB sé ekki á
dagskrá um þessar
mundir. Hins vegar er það
ótvíræður vilji
sjálfstæðismanna að
íslendingar geti notið
ávinningsaf áætluninni um
aukið frelsi í samskiptum
ríkja. Við megum ekki
verða eftirbátar annarra
þjóða í Evrópu.
íslendingar hljóta að
vera áhugasamir um
samstarf við EB sem felur í
sér hagnað fyrir báða aðila.
í því sambandi þarf að
tryggja fyrirtækjum okkar
grundvöll til að taka þátt í
harðri alþjóðlegri
samkeppni og heimila
erlendum aðilum að
fjárfesta og taka þátt í
íslenskum fyrirtækjum
enda rennir það stoðum
undir fjölbreytt og öflugt
atvinnulíf. Það þarf að gera
ráðstafanir til að halda
verðbólgu í skefjum og
skapa fyrirtækjum í
skattalegu og fjárhagslegu
tilliti sömu aðstöðu og
gildir í þeim efnum í ríkjum
EB.
Viðræður EFTA-ríkjanna
með aðild íslands við
Evrópubandalagið eru
mjög mikilvægar í þeim
tilgangi að ná
ofangreindum mark-
miðum.
FRJÁLSLYNDIR
HÆGRIMENN
Fyrir land eins og ísland,
þar sem inn- og
útflutningur er óvenju
mikill og miklu stærra
hlutfall heldur en hjá
flestum öðrum
Evrópuþjóðum, er
spurningin um innri
markað
Evrópubandalagsins afar
mikilvæg. Afstaða
Frjálslynda Hægriflokksins
er og verður byggð á, hvað
telja verður best fyrir fólkið
í landinu. Nú þegar er í
gangi viðamikil vinna,
bæði á vegum Alþingis,
ríkisstjórnarinnar og
þingflokka. Jafnframt er
utanríkisráðherra landsins
formaður ráðherranefndar
EFTA, en aðal verkefni
þeirra samtaka núna er
einmitt samstarf og/eða