Tímarit iðnaðarmanna - 01.10.1989, Blaðsíða 33
ALÞÝÐU-
BANDALAGIÐ
Alþýöubandalagiö telur
aðild íslands að
Evrópubandalaginu ekki
vera á dagskrá. Svo lengi
sem núverandi krafa
Evrópubandalagsins um
aögang aðildarþjóða að
fiskimiðum landsins er
uppi, er útilokað að ísland
geti gengið í EB. Ýmsir
aðrir þættir gera aðild að
EB lítt fýsilega fyrir
íslendinga, sérstaklega
það valdaframsal sem
aðild felur í sérá mörgum
sviðum. Auk þess er hætt
við að aðild gæti orðið
(slendingum dýr og mikil
áraun á íslenska
stjórnkerfið í formi mikilla
og tíðra fundarstarfa um
allt milli himins og jarðará
vegum EB. Þannig starfa
t.d. um 3.000 nefndir og
starfshópar á vegum
framkvæmdastjórnar EB.
Sú þróun sem nú á sér
stað inrian EB er á ýmsan
hátt athyglisverð og getur
verið jákvæð fyrir
íslendinga á mörgum
sviðum. Sem dæmi má
nefna að staðlar að ýmsu
tagi verða samræmdir,
þannig aö svipaðar reglur
gildi um útflutning til allra
aðildarlanda EB, en nú
þurfa útflytjendur oft að
leggja ómælda vinnu í að
kynna sér og uppfylla
mismunandi kröfur í
mismunandi löndum.
Ávinningur af auknu
viðskiptafrelsi getur þannig
dreifst til viðskiptaþjóða
EB sem þó standa utan
þess. Einnig er samvinna
innan EB í mennta- og
menningarmálum og á
sviði rannsóknar- og
þróunarstarfsemi á margan
hátt jákvæð.
Þróunin sem nú á sér
stað innan EB, og miðarað
því að gera EB að einum
markaði með vörur,
þjónustu, fjármagn og
vinnuafl, kallar á viðbrögð
frá öllum viðskiptalöndum
EB. Alþýðubandalagið
telurað íslendingar
bregðist best við þessari
þróun með eftirarandi
hætti:
Unnið verði að umbótum
á margvíslegum sviðum á
heimavettvangi, sem miða
að því að auka hagkvæmni
og samkeppnishæfni
íslensk atvinnulífs og búa
þjóðfélagið allt undir það
sem koma skal. í því
sambandi er mjög
mikilvægt að vinna að
umbótum á sviði
sjávarútvegsmála sem
miða að því að vinda ofanaf
þeirri offjárfestingu sem átt
hefur sér stað í greininni
um leið og verslun með og
vinnsla þess fisks sem
veiddur er á íslandsmiðum
er í ríkari mæli flutt inn í
landið. Halda verður áfram
að styrkja og þróa innlent
bankakerfi og
fjármagnsmarkað og gera
hann hæfan til að standast
stóráfallalaust erlenda
samkeppni.
Reynt verði að ná
hagstæðum samningum
við EB um aðgang að
markaði þess. Nú er unnið
að þessum málum með
viðræðum EFTA og EB,
sem miða að því að koma á
fót hinu svokallaða
evrópska efnahagssvæði
og felur í sér að EFTA og
EB verði nánast einn
markaður, án þess að
EFTA-löndin verði beinir
aðilarað EB. íslendingar
hljóta að leggja
höfuðáherslu á fríverslun
með fisk í þeim viðræðum.
í þeim viðræðum er einnig
mikilvægt að sérstöðu
íslands verði gætt,
sérstaklega varðandi
hömlulausa
fjármagnsflutninga,
erlendar fjárfestingar í
atvinnurekstri og frjálsa
flutninga vinnuafls. í
þessum efnum tekur
Alþýðubandalagið í
meginatriðum undir þá
fyrirvara sem
forsætisráðherra gerði á
fundi leiðtoga EFTA-
ríkjanna í Osló 15. mars
1989.
Samhliða nauðsynlegum
viðbrögðum við þróuninni
innan EB verði hugað að
öðrum kostum varðandi
utanríkisverslun
íslendinga, svo sem
fríverslunarsamningum
við Bandaríkin og Kanada
og viðskiptum við
Suðaustur-Asíu, einkum
Japan, Suður-Ameríku og
Austur-Evrópu. Með
greiðum aðgangi að fleiri
markaðssvæðum er
líklegra að hægt verði að
ná eins góðum
viðskiptakjörum í
útflutningsverslun
íslendinga og kostur er.