Tímarit iðnaðarmanna - 01.10.1989, Blaðsíða 77

ferð til Bandaríkjana í
desember s.l., sem
Iðntæknistofnun íslands,
Útflutningsráð og
Iðnþróunarsjóður stóðu
að. Var markmið
ferðarinnar að kynnast
aðstæðum og viðhorfum
frumkvöðla,
áhættufjármagns-
fyrirtækja, tæknimiðstöðva
og tæknigarða í tengslum
við háskóla. Einnig
skipulagi og hugmyndum
á bak við verkefni um
tæknisamvinnu. Hefur
hópurinn, sem í þessaferð
fór haldið nokkra fundi til
þess að ræða um með
hvaða hætti mætti nýta þá
þekkingu sem fékkst í
þessari ferð.
Sýningaþátttaka og
fundir
Til þess að kynna
félagsmönnum
aðildarfélaganna og
fyrirtækjum svo og
opinberum aðilum og
almenningi stefnu sína í
hinum ýmsu málaflokkum,
leitast Landssambandið
við að halda
kynningarfundi um
stefnumál sín. M.a. hafa
jafnan verið haldnir
fundir með
þingflokkunum að
loknum Iðnþingum. Að
þessu sinni var bryddað
upp á þeirri nýjung að
kynna stefnumál
Landssambandsins fyrir
iðnaðarnefndum beggja
deilda Alþingis. Þá reynir
Landssambandið eftir því
sem hægt er að taka þátt í
ýmsum fundum eða
ráðstefnum um
atvinnu og
efnahagsmál.
Þá er leitast við að kynna
Landssambandið og
aðildarfélög þess með því
að taka þátt I sýningum
og kynningum, sem
haldnar eru hér á landi og
henta vel í því skyni.
Þannig tók
Landssambandið þátt í
Iðnskóladegi vorið
1988 hjá Iðnskólanum í
Reykjavík.
Landssambandið stóð
myndarlega að þátttöku og
var með kynningarefni,
myndir, myndbönd og
veitingar í boði ásamt
getraun um
Landssambandið með
veglegum vinningum,
sem mörg aðildarfyrirtæki
Landssambandsins lögðu
til. Þátttaka var með
ólíkindum og getraunin
gerði mikla lukku.
Landssambandið hefur
skipulagt heimsóknir
erlendra gesta sem
staddir hafa verið hér á
landi, í iðnfyrirtæki. Sem
dæmi má nefna, að í
janúarmánuði 1988 tók
Landssambandið á móti
40 manna hópi úr
færeyskum
byggingariðnaði og
skipulagði kynningarfund
vegna ferðar þeirra til
íslands. Var hér um að
ræða byggingameistara,
verkfræðinga og arkitekta,
sem komu til að skoða
Steinullarverksmiðjuna á
Sauðárkróki og var þeim
kynntur íslenskur
byggingariðnaður í
leiðinni. Þá stóð
Landssambandið í
samvinnu við
Útflutningsráð, að
mótttöku 12 fulltrúa
fyrirtækja úr málmiðnaði
og sjávarútvegi í Kananda
í apríl sl. Haldinn var
kynningarfundur hjá
Landssambandinu, þar
sem fulltrúar margra
íslenskra fyrirtækja kynntu
fyrirtækin og vörur þeirra.
Síðan var farið með þá í
fyrirtæki bæði í Reykjavík
og úti á landi. Fjölbreytni
og framleiðslugæði
íslensku fyrirtækjanna og
hátt tæknistig þeirra kom
verulega á óvart.
Landssambandið leitast
auðvitað einnig við að
kynnaýmsum innlendum
aðilum starfsemi sína, og
má í því efni nefna
iðnráðgjafa landshlutanna,
sem leitast hefur verið við
að hafa gott samstarf við.
------------------------------------------------'n
Iðntæknistofnun
Iðntæknistofnun Islands vinnur
að tækniþróun og aukinni
framleiðni í íslensku atvinnulífi.
Á stofnuninni eru stundaðar
hagnýtar rannsóknir, þróun,
ráðgjöf, gæðaeftirlit, þjónusta,
fræðsla og stöðlun.
Áhersla er lögð á náin tengsl
við atvinnulífið.
V____________________________________)