Fréttablaðið - 14.11.2009, Síða 10

10 14. nóvember 2009 LAUGARDAGUR
SJÁVARÚTVEGUR Einar Kr. Guð-
finnsson, fyrrverandi sjávar-
útvegsráðherra og þingmað-
ur Sjálfstæðisflokksins, segir
að nýtt lagafrumvarp sjávarút-
vegsráðherra um sölu á skötu-
selskvóta, aukna veiðiskyldu og
fleira brjóti leikreglur sem sjáv-
arútvegsráðherrann sjálfur og
oddvitar ríkisstjórnarinnar hafi
nýlega lýst yfir að eigi að gilda
um endurskoðun fiskveiðistjórn-
unarkerfisins.
Einar minnti á að ríkisstjórn-
in hefði í sumar skipað fjölmenna
nefnd til að fara yfir stærstu
drætti sjávarútvegsmála og leit-
ast við að skapa sátt um sjávar-
útveginn og góð rekstrarskilyrði
til langs tíma. „Maður hefði hald-
ið að ríkisstjórn mundi bíða þess
að nefndin lyki störfum áður en
hún legði fram tillögur í stórum
og umdeildum málum.“
Með frumvarpinu sé tekið fram
fyrir hendur á nefndinni og geng-
ið gegn tveggja vikna gömlum
yfirlýsingum sjávarútvegsráð-
herra, forsætisráðherra og fjár-
málaráðherra. Jón Bjarnason
hafi á aðalfundi LÍÚ fyrir hálfum
mánuði sagt að nefndin mundi fá
það svigrúm sem hún þyrfti án
íhlutunar af sinni hálfu. Oddvitar
ríkisstjórnarflokkanna hafi um
sama leyti gefið þá yfirlýsingu
vegna viðræðna um stöðugleika-
sáttmálann að engin breyting
hafi orðið „varðandi þann sátta-
farveg sem endurskoðun fisk-
veiðistjórnunarinnar var sett í“
með skipun téðrar nefndar. Nú sé
búið að brjóta þessar leikreglur
með þessu frumvarpi.
Jón Bjarnason lagði áherslu
á að ákvæði um viðbótarkvóta
fyrir skötusel væri tímabundin
tilraunaaðgerð, sem ekki ætti að
draga of víðtækar ályktanir af.
Meginatriði frumvarpsins kæmi
fram í áherslum á að sá afli sem
mætti veiða á fiskveiðiárinu yrði
veiddur og færður til löndunar á
Íslandi.
Þór Saari, þingmaður Hreyf-
ingarinnar, lýsti ánægju sinni
með ákvæði frumvarpsins um
sölu viðbótarkvóta á skötusel
með þessum orðum: „Þetta er
lítið skref fyrir einn mann en
stórt fyrir alla Íslendinga.“ Von-
andi yrði þessi regla frumvarps-
ins útfærð nánar þannig að „hætt
verði að afhenda þessa mikilvægu
auðlind ókeypis til útvalinna og
að hún verði gerð að tekjustofni
fyrir ríkissjóð í framtíðinni“.
peturg@frettabladid.is
Frumvarp um
skötusel sagt
brjóta reglur
Bráðabirgðaákvæði frumvarps um tímabundna sölu
á skötuselskvóta varð tilefni stórra yfirlýsinga á Al-
þingi í gær. Fyrrverandi sjávarútvegsráðherra segir
frumvarpið brjóta leikreglur sem stjórnin setti.
SJÁVARÚTVEGSRÁÐHERRA Áform Jóns Bjarnasonar um að heimila sölu á viðbótar-
kvóta á skötusel til allra útgerða sem vilja, í stað þess að úthluta viðbótinni til þeirra
sem fyrir eiga kvóta, voru ræddar á Alþingi í gær. FRÉTTABLAÐIÐ/GVA
BANDARÍKIN, AP Khalid Sheikh
Muhammed og fjórir fangar aðrir
verða fluttir frá Guantanamo-
búðunum á Kúbu til New York.
Þar verða haldin opin réttarhöld í
málum þeirra.
Khalid Sheik Muhammed er tal-
inn hafa skipulagt árásir hryðju-
verkamanna á Bandaríkin haust-
ið 2001. Hinir fjórir fangarnir eru
taldir hafa tekið þátt í skipulags-
vinnunni.
Í yfirheyrslum í Guantanamo
hafa þeir viðurkennt þetta, en
óvíst er hvort þær játningar verða
teknar gildar í réttarhöldunum
vegna hörkunnar sem beitt var við
yfirheyrslurnar.
Að auki verða fimm aðrir fangar
frá Guantanamo dregnir fyrir her-
dómstól, líklega í Suður-Karólínu.
Fangarnir, sem undanfarin ár
hafa verið geymdir án dóms og
laga í herbúðum Bandaríkjahers
á Kúbu, voru upphaflega fluttir
þangað til þess að mál þeirra kæmu
hvorki fyrir borgaralega banda-
ríska dómstóla né hefðbundna
herdómstóla.
Barack Obama, sem tók við for-
setaembætti í byrjun þessa árs,
hefur sagt að ekkert ætti að vera
því til fyrirstöðu að rétta í málum
þeirra í Bandaríkjunum, ekki frek-
ar en annarra hryðjuverkamanna
sem þar hafa hlotið dóm. - gb
Fimm fangar frá Guantanamo verða fluttir til Bandaríkjanna innan fárra mánaða:
Réttarhöld verða í New York
KHALID SHEIKH MUHAMMED Meintur
höfuðpaur árásanna 11. september
verður fluttur til New York. FRÉTTABLAÐIÐ/AP
TYRKLAND, AP Tyrkneska
stjórnin kynnti í gær víðtæk-
ar réttarbætur handa Kúrdum,
sem hafa áratugum saman
mátt þola mismunun í landinu.
Meðal annars verður öllum
hömlum létt af notkun kúrd-
nesku auk þess sem kúrd-
nesk nöfn á þorpum og bæjum
verða tekin upp á ný.
Stjórnin vonast til þess að
þar með ljúki uppreisnarhern-
aði Kúrda sem kostað hefur
tugi þúsunda lífið síðan 1984.
Ekkert er þó minnst á almenna
sakaruppgjöf, sem Kúrdar
hafa krafist.
Stjórnin ætlar meðal annars
að stofna nefnd, sem fær það
hlutverk að spyrna við mis-
munun. Einnig verður óháð
skrifstofa sett á laggirnar til
að afgreiða kvartanir út af
framkomu lögreglu og hers.
Stjórnarflokkur Receps Tay-
yips Erdogan forsætisráðherra
hefur mjög rúman meirihluta
á þingi og ætti að eiga auðvelt
með að fá þingið til að sam-
þykkja þessar breytingar.
Takist stjórninni að sættast
við Kúrda styrkir það mjög
stöðu Tyrklands gagnvart
Evrópusambandinu, sem
hefur árum saman hikað við
að hefja aðildarviðræður við
Tyrkland. Kúrdar vonast
til þess að stjórnvöld hætti
nú að beita hernum gegn
uppreisnarsveitum Kúrda. - gb
Tyrknesk stjórnvöld:
Heita réttarbót
Húsfélagaþjónusta Kaupþings
sparar þér tíma og fyrirhöfn
Nánar á www.kaupthing.is/husfelag
Ekkert mánaðargjald
Einföld innheimta
Öflugur netbanki
Fullkomið rekstraryfirlit
Félagatal og greiðslustaða
Þinn þjónusturáðgjafi
Komdu í viðskipti með húsfélagið þitt. Sendu fyrirspurn á husfelag@kaupthing.com
– hringdu í síma 444 7000 eða komdu við í næsta útibúi. Starfsfólk Kaupþings tekur
vel á móti þér og veitir allar nánari upplýsingar.
113kg.
240VAC, einfasa.
Stillanlegur
Báðar áttir.
300mm.
600-6000mm.
Aukahlutir mögulegir.
Spantech á Íslandi • Sími: 561 5114 • Email: spantech@simnet.is • www.spantechllc.com
HÁGÆÐA FÆRIBÖND
Fjölskylduspil
á frábæru
tilboði!
Vr. A825 85060692
Fullt verð 5.990 kr.
3.990 kr.
auk 1.000 punkta
x2
TI
LB
O
Ð