Vikan - 07.02.1952, Page 2
2
VIKAN, nr. 6, 1952
PÓSTURINN »
Svar til Ljótunnar:
Ingrid Bergman er fædd í Stokk-
hólmi 29. ágúst árið 1915. Hún
stundaði nám í
leiklistarskóla þar
og kom fram á
leiksviði í mis-
munandi hlutverk-
um áður en hún
lék í kvikmynd í
fyrsta skipti, en
það var árið 1934.
Hún fór fíá Sví-
þjóð árið 1938 og
dvaldist um eins
árs skeið i Þýzka-
landi, þaðan fór
hún til Bandaríkj-
anna og varð brátt
íremst allra kvikmyndaleikara þar
á hennar aldri. Árið 1948 fór hún til
Englands og 1949 til Italíu og lék þar
í kvikmyndinni Stromboli, sem Gamla
bió sýndi hér á dögunum. Það var
síðasta kvikmyndin sem hún leikur í,
að sinni. Vorið 1949 tilkynnti hún að
hún mundi hætta leikstörfum um
tíma, hvort sem hún mun hefja þá
starfsemi á ný eða ekki.
2. Bezt mun að þvo þau úr snarp-
heitu vatni og Luxsápuspónum, skola
þau vel og breiða því næst á hand-
klæði.
3. Eftir lýsingunni að dæma, hefur
búningur þinn verið hinn sómasam-
legasti og litasamsetning hin smekk-
legasta að okkar dómi. Við erum því
ekki sammála vinstúlku þinni. Ekki
er þar með sagt, að hún hafi verið
með þessar aðfinnslur af öfund.
Ekkert er sennilegra en hún hafi ánn-
an smekk en þú, að öðrum kosti gæt-
irðu tæpast kallað hana vinstúlku
þína.
4. Þú ert að vísu há, en ekki sjá-
um við annað en þú megir vel við
una. Það ætti ekki að vera amarlegt
að vera há, grönn og beinvaxin. Láttu
það því ekki á þig fá þótt einhverjar
kerlingar (eins og þú sjálf kemst að
orði) í sveitinni þinni séu að amast
við hæð þinni. Og fyrir alla muni
taktu ekki upp á því að fá minni-
máttarkennd út af því, það væri blátt
áfram hlægilegt. Annars er ekki laust
við, að okkur þyki þú harla ánægð
með sjálfa þig eftir bréfinu að dæma,
enda gott í hófi. Þú ættir því alveg
að geta lagt útlitið á hilluna þ. e. a. s.
þú þarft ekki að gera þér neinar
óþarfa grillur út af því.
5. Grámað grænt, blágrænt, blátt
og bláfjólublátt; dauft eða dþkk
fjólublátt; smávegis af rauð-gulrauðu
og gulrauðu; svart og hvítt. Allt eru
þetta litir, sem þú ættir að geta not-
að.
/~.........■■■■•■.........
Tímaritið SAMTÍÐIN |
Flytur snjallar sögur, fróðlegar |
greinar, bráðsmellnar skopsögur, E
iðnaðar- og tækniþátt o. m. fl. 1
10 hefti árlega fyrir aðeins 35 kr. |
Eitstjóri: Sig. Skúlason magister. [
Áskriftarsimi 2526. Pósthólf 75. E
^MMMMMMMMMI»»MM»MMMM*«MMMMM«MMM»*MM**MIMMM**^
6. Þú átt að vera 64.30 kg. að
þyngd.
7. Skriftin er ekki sem bezt, rétt-
ritunin heldur bágborin og ættirðu
að reyna að bæta hana og það sem
allra fyrst.
Svar til „Stínu Karls“: Þú verður
að reyna að skilja, að með því að
hefta frelsi þitt, eins og þú kallar
það, eru foreldrar þínir aðeins að
framkvæma það, sem þau telja að sé
þér fyrir beztu, og víst er, að þau
eru, sakir lífsreynslu sinnar, dóm-
bærari um það en átján ára stúlka.
Seinni spurningin styður þessa skoð-
un, því að ekki virðist vandséð hvað
stjórnar hegðun piltsins. Augljóst er,
að þegar hann fékk ekki vilja sinn
gagnvart hinni stúlkunni vill hann
taka upp þráðinn, sem niður féll í
fyrra vetur, og þar sem þú kærir
þig ekki um það, virðist einsýnt, að
þú látir hann sigla sinn sjó og hafir
ekki meira saman við hann að sælda.
En umfram allt: reyndu að taka
sanngjarnt tillit til foreldra þinna.
Kæra Vika!
Af því að ég hef orðið var við,
að fólk hefur lagt fyrir Vikuna
spurningar varðandi ýmislegt, þá
leyfi ég mér hér með að leggja fyrir
hana eina spurningu, og vegna þess
að ég er kaupandi Vikunnar, þá von-
ast ég til að hún svari henni.
Hver er orsök þess, að menn fá
skalla, og hver er helzta lækning-
in við honum ? Kær kveðja.
Iþróttamaður.
Svar: Skalli á karlmönnum er alla-
jafnan eðlislægt fyrirbrigði, sem
rekja má til starfsemi lokuðu kirtl-
anna í líkamanum, einkum kynkirtl-
anna. Óhætt mun að fullyrða, að eng-
in lækning sé til við skalla af slíku
tagi. 1 sumum tilfellum kann að vera
hægt að tefja fyrir skallamyndun-
inni, ef samfara henni er flasa eða
önnur ódöngun í hársverði, og er
undir öllum kringumstæðum sjálfsagt
að ráða bót á slíku.
Kæra Vika!
Við erum hérna tvær vinkonur.
Okkur langar að komast til Sviþjóð-
ar, en vitum ekki hvert við eigum
að leita eftir upplýsingum til að fá
einhverja vinnu. Og nú vildum við
biðja þig, kæra Vika, að segja okk-
ur hvort séu nokkrar ráðningarskrif-
stofur hér eða í Svíþjóð, sem við get-
um leitað til.
Með fyrirfram þökk fyrir svarið, —
vonum, að það lendi ekki í ruslakörf-
unni, eins og hitt. Virðingarfyllst.
Snúlla og Túlla.
Svar: Snúið ykkur til sænska sendi-
ráðsins, Fjólugötu 10, Reykjavík, eða
Norræna félagsins, simi 2503; á öðr-
um hvorum staðnum getið þið sjálf-
FRÍMERKJ ASKIPTI
Sendið mér 100 íslenzk frí-
merki. Ég sendi yður um hæl
200 erlend frímerki.
Gunnar H. Steingrímsson
Nökkvavogi 25 — Reykjavik
sagt fengið þær upplýsingar, sem
ykkur vantar.
Svar til „Diddu Stínu“: Bezt er
fyrir þig að skrifa skrifstofu fræðslu-
málastjóra, Arnarhvoli, Reykjavík.
Þar muntu fá allar nauðsynlegar upp-
lýsingar.
Halló vitra Vika!
Viltu svara fyrir mig eftirfarandi
spurningum.
1. Hvað á ég að gera til að ná
biropenna-bleki úr hvitum jafa?
2. Og svo eilífðarspurningin:
Hvernig er skriftin ?
Ein fáfróð.
Svar: 1. Blekblettum má ná með
sítrónum. Sá hluti efnisins, þar sem
bletturinn er, er lagður yfir disk,
sundurskorin sítróna er sett á blett-
inn og látin vera þangað til blettur-
inn er uppleystur eða með öllu horf-
inn. Þetta getur tekið nokkuð lang-
an tíma, sólarhring eða meira. Ef svo
er, þá er bezt að skera sítrónuna í
sneiðar og skipta oft um sneið. Þegar
bletturinn hefur leystst upp er oftast
hægt að þvo hann alveg úr upp úr
mildu sápuvatni.
2. Skriftin er fremur stirðleg og
stafirnir óreglulegir.
Svar til Lilju:
1. Námskeið og námsgreinar bréfa-
skóla S.l.S. hafa verið nákvæmlega
auglýstar í útvarpi og blöðum, ef þú
þarft að fá frekari upplýsingar en
þar eru gefnar mun auðveldasta leið-
in að skrifa skólanum. Utanáskriftin
er Bréfaskóli S.I.S., Reykjavik. Þú
gætir einnig hringt þangað, símanúm-
er Sambandsins er 7080 og biður þú
þá sérstaklega um Bréfaskólann und-
ir þvi númeri.
2. Því miður getum við ekki sagt
þér, hve þung þú átt að vera, þar sem
aldurinn vantar.
Kæra góða Vika!
Ég þakka þér kærlega fyrir allar
þær ánægjustundir, sem þú hefur
veitt mér. Viltu nú gjöra svo vel að
svara fyrir mig þessum spurningum.
1. Er Björn R. Einarsson giftur?
2. Hvað er hann gamall?
3. Finnst þér það nokkuð vera
hneykslanlegt að fara í kirkju upp i
sveit í síðbuxum að vetrarlagi, þegar
maður þarf að fara gangandi langa
leið?
Þú fyrirgefur þetta Vika mín.
Hvernig er skriftin og réttritunin?
Með kærri þökk fyrir svörin
þín Dísa i Botni.
Svar: Já, hann er giftur. — 2.
Hann er fæddur 16. maí árið 1923 og
er því 28 ára að aldri. — 3. Við álít-
um það síður en svo hneykslanlegt,
hvort heldur er að vetrar- eða sumar-
lagi. — Skriftin er fremur viðvan-
ingsleg en vel læsileg; réttritunin er
óaðfinnanleg, en þú ættir að gefa
gaum að greinarmerkjum, t. d. á að
.. III...........II III....III..IIIMMIIIIIIIII
1 Vil komast í samband við frí- E
E merkjasafnara yngri og eldri víðs- [
E vegar um landið, með hliðsjón af E
I viðskiftum. Sendið vöntunarlista. 1
E FrímerkjasaJan Frakkastíg 16, É
Sími 3664, Reykjavík.
1111 ll IIIIIIMIIIIMIMMMMMIIMI ■111111111111IIIIIIIIIIIIIIIIII lllllllllll Z
vera punktur á eftir raðtölu og
spurningarmerki á eftir spurningu.
Bréfasambönd
Birting á nafni, aldri og heimilis-
fangi kostar 5 krónur.
Elsa Ásbergsdóttir (við pilta eða
stúlkur 20—25 ára), Þvergötu 5,
Isafirði.
Bogga Helgadóttir (við pilta eða
stúlkur 20—25 ára), Vallaborg,
Isafirði.
Agnes Jóhannesdóttir (við pilta eða
stúlkur 20—25 ára), Silfurgötu 3,
Isafirði.
Brynjólfur Aðils Aðalsteinsson (við
stúlkur 17—20 ára), Brautarholti,
Haukadal, Dalasýslu.
Þorlákur Sigurðsson (við stúlkur og
pilta 16—20 ára), Grímsey.
Mrs. E. C. Glass, 1272 Fay Avenue,
Lakewood 7, Ohio, U.S.A.
Miss Edna Frances Lawrence, 230’
West 99th Street, New York 25.
N. Y., U.S.A.
Hanna Carla Proppé (við pilt eða
stúlku 13—15 ára), Skagabraut 5,
Akranesi.
Guðrún Árnadóttir (við pilta 18—22
ára), Búðarhóli, Ólafsfirði.
Kristín Árdal (við pilta 18—22 ára),
Ytri-Á, Ólafsfirði.
Hörður Bjarnason (við pilt eða
stúlku 15—17 ára), Grundargötu
18, Siglufirði.
Guðný Antonsdóttir (við pilt eða
stúlku 17 -21 árs), Fjarðarstræti
9, Isafiiði.
Guðmunda S. Gestsdóttir (við pilt
eða stúlku 17—21 árs), Tangar-
götu 32, Isafirði.
Stefán S. Kristinsson (við stúlkur
15—20 ára),
Gunnar Alberts (við stúlkur 15—20
ára) og
Sigurjón Ú. Björnsson (við stúlkur
13—18 ára), allir að Skagaströnd,
Austur-Húnavatnssýslu.
Lilja Hjartardóttir (við pilta eða
stúlkur 17—25 ára), Asparvík, pr.
Kaldrananes, Strandasýslu.
Jóhann Björgvinsson (við stúlkur
18—22 ára), Urðaveg, Vestmanna-
eyjum.
Truxahjónin sýna á vegura
Sjómannadagsráðs.
Hingað til landsins kom fyrir
skömmu töframaðurinn Truxa, ásamt
konu og aðstoðarmanni, að nafni
Willy Asmark. Það var Sjómanna-
dagsráð, sem réði þau hingað til sýn-
inga, en allur ágóði af sýningunum
streymir í sjóð dvalarheimilis aldr—
aðra sjómanna.
Frumsýningu hafði fólk þetta
þriðjudaginn 29. janúar, í Austur-
bæjarbíó. Sýningaratriðin skiptu tug-
um og fjölbreyttnin að sama skapi.
Var ekki hægt að sjá annað, en
Truxa stæði við heit það, sem hann
gaf áður: að láta undrunarefnin bera
að svo brátt að enginn hefði tíma til
að hugsa, enda er óvarlegt að vera
með svoleiðis kjánaskap á sýningum
sem þessum.
Að tíu dögum liðnum. fara Truxa-
hjónin í ferðalag út um land og koma
við á Akranesi, Isafirði, Akureyri og
Vestmannaeyjum. Er ekki að efa
þeim verði þar vel fagnað.
tJtgefandi VTKAN H.F., Reykjavík. — Ritstjóri og ábyrgðarmaður: Jón H. Guðmundsson, Tjamargötu 4, sími 5004, pósthólf 365.