Vikan - 13.03.1952, Blaðsíða 15

VIKAN, nr. 11, 1952
15
STARFSREGLUR
fyrir lánadeild smáíbúðarhúsa
Lánadeild smáíbúðarhúsa, sem stofnuð var með
lögum nr. 36 1952, er tekin til starfa og hafa til bráða-
birgða verið settar eftirfarandi starfsreglur:
1. Lánadeild smáíbúðarhúsa veitir einstaklingum í
kaupstöðum og kauptúnum lán, eftir því sem fé er
fyrir hendi í sjóði lánadeildarinnar hverju sinni, til
byggingar smárra sérstæðra íbúðarhúsa og ein-
lyftra, sambyggðra smáhúsa, er þeir hyggjast að
koma upp, að verulegu leyti með eigin vinnu sinni
og fjölskyldu sinnar. Engum veitist lán nema til
eigin íbúðar og ekki veitist lán til íbúða í sam-
byggingum, sem stærri eru en tvær íbúðir, annarra
en þeirra, sem getið er hér að framan.
2. Umsóknir um lán skulu senda félagsmálaráðuneyt-
inu, en tveir menn, er ríkisstjórnin velur, ráða lán-
veitingum. — Umsókn fylgi eftirtalin skilríki:
1. Lóðarsamningur eða önnur fullnægjandi skilríki
fyrir lóðarréttindum.
2. Uppdráttur af húsinu, sem reisa á, götunafn og
númer.
3. Upplýsingar um, hversu hátt lán hafi verið tekið
eða muni verða tekið út á 1. veðrétt í húsinu og
hvar það lán er eða verður tekið.
4. Umsögn sveitarstjórnar um húsnæðisþörf um-
sækjanda.
3. Landsbanki íslands annast, samkvæmt samningi við
ríkisstjórnina, afgreiðslu lána þeirra, sem veitt
verða, sér um veðsetningar og þinglýsingar og ann-
ast innheimtu vaxta og afborgana af veittum lán-
um. Umsóknareyðublöð fást afhent í afgreiðslu
Landsbankans (veðdeild).
4. Lán þau, sem lánadeildin veitir, skulu tryggð með
2. veðrétti í húseign'þeirri, sem féð er lánað til. Árs-
vextir eru 5'/2 af hundraði og lánstími allt að 15
árum. Eigi má veita hærra lán á eina íbúð en 30
þús. krónur og eigi má hvíla hærri upphæð á fyrsta
veðrétti smáíbúðar, sem lán er veitt til, en 60
þúsund krónur.
5. Eftirtaldir aðilar skulu sitja fyrir lánum til smá-
íbúðabygginga:
1. Barnafjölskyldur.
2. Ungt fólk, sem stofnar til hjúskapar.
3. Fólk, sem býr í heilsuspillandi húsnæði, er ekki
verður útrýmt samkvæmt III. kafla laga nr. 44
frá 1946, eða á annan hátt.
Þetta tilkynnist hér með þeim, sem hlut eiga að máli.
Félagsmálaráðuneytið, 29. febrúar 1952.
Steingrímur Steinþórsson
(sign.)
Jónas Guðmundsson
(sign.)
TILKYNIMING
frá Sölunefnd innflutningsréttinda
bátaútvegsins.
Með tilvísun til auglýsingar Fjárhagsráðs 5. jan. s.l.
er birtist i Lögbirtingarblaðinu 7. s. m. um framleng-
ingu á hinum skilorðsbundna frílista tilkynnist hér
með:
1. Nefndin mun framvegis annast sölu B-skírteina og
skulu skriflegar umsóknir sendar henni, þar sem
gefnar yrðu eftirfarandi upplýsingar:
a. Vörutegund.
b. Frá hvaða landi varan verður keypt.
c. Upphæðin í íslenzkum krónum (standi á heilli
krónu).
d. Hvaða dag skírteinið óskast gefið út.
2. Nefndin mun eftirleiðis annast skrásetningu skír-
teinanna hjá Landsbanka Islands.
3. Greiða skal skírteinin við pöntun, eða áður en þau
verða skrásett.
4. Áfhending skírteins fer fram daginn eftir skrá-
setningu og skulu þá sótt.
Afgreiðsla nefndarinnar er eins og áður í Hafnar-
hvoli, VI. hæð, pósthólf 1034, sími 6650.
Afgreiðslutími daglega kl. 10—12 og 13,15—16, laug-
ardaga 10—12.
Reykjavík, 29. febrúar 1952.
ORÐSENDING
til reykvískra og hafnfirzkra heimila
og fyrirtækja.
Hlutafélagið Raftækjatryggingar hafa byrjað starf-
semi sína. Félagið tryggir hverskonar raftœki og
rafvélar gegn öllurn bilunum. Tækið er sótt, því er
skilað og það er tengt við endurgjaldslaust. Enda þótt
tryggingin sé þannig óvenjulega víðtæk, eru iðgjöld
mjög lág. T. d. kostar árstrygging eldavélar kr. 45.00
aðeins, og er það lægra en aðrar tryggingar krefja
fyrir miklu takmarkaðri tryggingu.
Góðfúslega hafið samband við skrifstofu okkar,
Laugavegi 27, sem mun fúslega láta í té allar nánari
upplýsingar. Sími 7601.
Virðingafyllst,
Raftœkjatryggingar h.f.
Laugaveg 27 — Sími 7601.