Vikan - 24.04.1952, Blaðsíða 3

VIKAN, nr. 16, 1952
3
LEIKSKÖLINN DRAFNARBORG
Myndirnar hér að ofan eru frá leikskólanum Drafnarborg.
„Aðsóknin er svo mikil,“ sagði Bryndís Zöega forstöðukona,
þegar við áttum tal við hana um daginn, „að mikill vandi
er að greiða úr svo öllum liki. Það eru alltaf einhverjir að
spyrja um pláss.“ — 1 Drafnarborg eru nú um 100 börn.
Tveggja og þriggja ára börn eru fyrir hádegi frá 9—12. Þau
eru um 40 að tölu. Frá 1—6 eftir hádegi eru börn þriggja
til fimm ára. Þau eru 60 að tölu. Flest börnin eru þó um
þriggja ára aldur. Börnin leika sér ýmist úti eða inni eftir
því sem viðrar. Inni við una þau sér við ýmiskonar föndur,
mála með vatnslitum, lesa bækur, móta leir, byggja úr kubb-
um og fleira. Á veggjum heimilisins eru fjölmargar vatnslita-
myndir, sem börnin hafa gert: það eru skærar og fjölbreyti-
legar litasamsetningar. Úti við leika börnin sér í sandköss-
um, rólum og grindum. Sömuleiðis er þarna aflóga skekta,
svo ekkert er hægara er bregða sér í dálitla sjóferð. Þegar
vel viðrar er farið í göngufeðir. Leikskólinn er vel settur
í bænum, því bæði er skammt að fara út úr bænum sem og
niður í hjarta hans. Til dæmis er farið niður á Náttúrugripa-
safn, oft og einatt niður í f jöru að tína skeljar, og meira segja
kom stundum fyrir í fyrrasumar að farið væri út í Örfirisey
og síðdegismjólkin drukkin þar í góða veðrinu. Það vou líka
stærstu atburðir sumarsins. (Ljósm.: Hjálmar R. Bárðarson).
Starfsemi Sumargjafar 1951.
(Vikan fór þess á leit við Boga Sig-
urðsson framkvæmdastjóra Sumargjafar
að fá leyfi til að birta skýrslu um starf-
semi félagsins, og fer hún hér á eftir).
Félagið starfrækti barnaheimili allt
árið, eða 365 daga. Starfsemin var í 7
húsum og 11 deildum, eins og hér segir:
1. Grœnaborg: Sumarleikskóli frá 2. júní
til 9. sept. Starfsdagar 84. Dvalar-
dagar 5288. Barnafjöldi 128.
2. Vesturborg: Ársstarfsemi, vistar-
heimili. Starfsdagar 365. Dvalardag-
ar 6130. Barnafjöldi 45.
3. Tjarnarborg:
1. Dagheimili: Ársstarfsemi alla
virka daga (sumarfrí frá 17. júlí
til 3. ágúst). Starfsdagar 290.
Dvalardagar 17927. Bamafjöldi
138.
2. Leikskóli: Starfaði alla virka daga
frá 2. jan. til 1. júní og frá 1. okt.
til 31. desember. Starfsdagar 200.
Dvalardagar 8277. Barnaf jöldi 107.
4. Suðurborg:
1. Dagheimili: Ársstarfsemi alla
virka daga. (Heimilinu lokað frá
14. júlí til 30. júlí. Sumarfrí).
Starfsdagar 290. Dvalardagar
14060. Barnafjöldi 138.
2. Leikskóli: Starfaði alla virka daga
frá 2. janúar til 1. júní og frá 1.
október til 31. des. Starfsdagar
209. Dvalardagar 5963. Barna-
fjöldi 98.
3. Vöggustofa: Ársstarfsemi. Starfs-
dagar 365. Dvalardagar 6027.
Barnafjöldi 38.
5. Steinahlíð:
1. Leikskóli: Starfaði alla virka daga
frá 2. jan. til 15. febr. Starfsdagar
49. Dvalardagar 708. Barnafjöldi
23.
2. Dagheimili: Alla virka daga frá
15. febr. til 31. des. Starfsdagar
264. Dvalardagar 7537. Barna-
fjöldi 79. Breytt var um rekstur
í Steinahlíð á árinu. Eins og sést
á því, sem hér að framan er skráð
var leikskóli í Steinahlíð frá 2.
jan. til 15. febr. Þá var breytt um
rekstur og stofnað dagheimili,
sem þar hefur verið starfrækt
síðan.
6. Drafnarborg: Leikskóli starfaði allt
árið. Starfsdagar 301. Dvalardagar
22096. Barnafjöldi 265.
7. Barónsborg: Leikskóli starfaði þar
allt árið. Starfsdagar 300. Dvalardag-
ar 25510. Barnafjöldi 350.
Starfsdagar stofnana félagsins urðu
þannig á árinu samtals 2.717 (í fyrra
2.403). Á árinu komu alls 1.409 börn á
heimili félagsins (1.123 í fyrra). Börn
þessi voru frá eins mánaðar til átta ára.
Dvalardagar barna á árinu urðu samtals:
120.390 (81.874 í fyrra).
Dvalardagatalan er þannig um V3
hærri í ár en hún var í fyrra. Þessi aukn-
ing kemur hér um bil öll fram á leikskóla-
starfsemi félagsins og er fyrst og fremst
hinum nýju húsum, Drafnarborg og Bar-
ónsborg, að þakka, en þar var nú í fyrsta
skipti rekinn leikskóli allt árið.
Helzta og mikilvægasta breyting á
rekstri félagsins varð sú, að bærinn tók
við þeim vistarheimilisbörnum, sem verið
hafa í Vesturborg, frá 31. des. 1951 að
telja, svo að frá ársbyrjun 1952 getur
félagið ráðstafað húsinu Vesturborg til
annars reksturs. Þetta er fyrsta heila
starfsár hinna nýju leikskóla í Drafnar-
borg og Barónsborg. Verður ekki annað
sagt en að rekstur þessara stofnana hafi
gengið vel.
Heilsufar barnanna var frekar kvilla-
samt á árinu. I Vesturborg gengu misling-
ar yfir fyrri part ársins og upp úr þeim
fengu nokkur börn lungnabólgu.
Árið 1951 er 14. árið, sem félagið starf-
rækir vistarheimili og jafnframt næst-
seinasta árið, því að samkvæmt skýlausu
loforði bæjaryfirvalda Reykjavíkur verð-
ur félagið losað við rekstur vistarheim-
ila að fullu og öllu hinn 1. maí 1952, og
er þá fyrst komið í það horf, sem félag-
ið hefur stefnt að undanfarin ár, að bæj-
arfélagið sjái um rekstur vistarheimila,
en Sumargjöf annist frekar dagstarfsem-
ina. Þetta er 12. árið, sem félagið starfræk-
ir leikskóla, 12. árið, sem það starfrækir
dagheimili og 6. árið sem Uppeldisskóli
Sumargjafar starfar. Var hann til húsa í
Steinahlíð sem fyrr. Úr skólanum hafa
verið brautskráðar 30 námsmeyjar. Und-
anfarin ár hefur skólinn verið með sér-
stakt og aðskilið reikningshald og sérstaka
fjárhagsáætlun, en þar sem Sumargjöf
hefur ætíð greitt reksturshalla skólans og
hann er rekinn á ábyrgð félagsins í einu
og öllu, þótti nú rétt að sameina rekstur
hans bókhaldslega öðrum rekstri félags-
ins. Frá því félagið hóf starfsemi sína
1924 og til ársloka 1951 munu hafa kom-
ið á barnaheimili félagsins í Reykjavík
kringum 9.165 börn.
Fjárhagsafkoma félagsins í heild var
slæm á árinu. Á árinu veitti bæjarsjóður
félaginu 140 þúsund kr. aukaframlag
vegna síaukins kostnaðar við vistarheim-
ilisreksturs, sem félagið hefur að undan-
förnu rekið fyrir bæjarfélagið.
Félagsmenn voru um áramót 836.
Kjörorð félagsins í framtíðinni skal
vera það sama og hingað til: Fleiri dag-
heimili. Fleiri leikskóla. Fjarlægjum smá-
börnin slysahættu götunnar.
Gleðilegt sumar.