Vikan - 01.05.1952, Blaðsíða 13
VIKAN, nr. 17, 1952
13
Lærisveinn
galdra-
mannsins
Allt í einu varð honum ljóst, að þetta var allt andstyggi-
legur draumur.
Og hann hljóp glaður af stað til að sækja vatn og lofaði
sjálfum sér, að hann skyldi aldrei framar sofna, þegar hann
ætti að sækja vatn.
Endir.
BiBLÍUMYNDIR
1. mynd: Páll boðaði til sin öldunga
safnaðarins og minnti þá á að hann
hefði alltaf verið trúr trú sinni, en
nú væri hann á förum til Jerúsalem
og hann vissi ekki hvað biði hans
þar.
2. mynd: Hermennirnir björguðu
Páli frá fjöldanum, sem ætlaði að
lífláta hann, og því næst staðnæmd-
ist hann á tröppum fangelsisins og
sagði fólkinu frá fyrra lífi sínu, sam-
ræðum sínum við Krist og predik-
unum sínum um Jesúm Krist.
3. mynd: Eftir að hafa hlustað á
vörn Páls frá fangelsiströppunum,
hrópaði fólkið: „Burt með slíkan
mann af jörðinni, því að eigi hæfir
að hann lifi“. Og þeir æptu upp og
köstuðu af sér klæðum sínum og jusu
mold í loft upp.
4. mynd: Hersveitarforinginn batt
Pál og ætlaði að láta húðstrýkja
hann, þegar hann spurði hvort það
væri löglegt að húðstrýkja rómversk-
an mann og það ódæmdan. Þá urðu
þeir hræddir og ieystu hann úr bönd-
unum.
Pósturinn
Framh. af bls. 2.
E.s. Hvernig er skriftin ?
Svar: „Eg kom á eftir honum“ er
tvímælalaust réttara, og undrar okk-
ur, að þið skulið vera í vafa. For-
setningin „eftir“ stýrir þágufalli,
nema þegar um tíma er að ræða, t.
d. eftir brúðkaupið, eða þegar hún
táknar geranda: kvæði eftir einhvern.
Kæra Vika!
Heldurðu að þú vildir gjöra svo
vel að segja mér, hvert ég eigi að
snúa mér til þess að komast í bréfa-
samband við einhvern erlendis og
hvað það muni kosta? Einnig lang-
ar mig til þess að spyrja þig að ei-
lífðarspurningunni: „Hvernig er
skriftin“ ?
Með fyrirfram þökk fyrir svarið.
Þ. G.
Svar: Þú getur skrifað Skolenes
Brevklubb, Drammensvegen 19, Oslo.
Skriftin er heldur óþjál, en gæti
orðið góð við meiri þjálfun.
Svar til Öllu:
Hvernig væri að vera meira undir
beru lofti ? Fórstu á skíði um pásk-
ana? Ef ekki, reyndu þá að fara um
Hvítasunnuna verði einhver snjór.
Fyrst læknar segja þér, að fölvinn
stafi ekki af blóðleysi, trúum við ekki
öðru en hann stafi af því, sem kall-
ast má innivera og hreyfingar-
leysi.
Kæra Vika!
Við þökkum þér fyrir allar ánægju-
stundirnar. Við ætluðum að biðja þig
að svara nokkrum spurningum, sem
okkur er kappsmál að fá svar við.
1. Hvað kostar farið til Kanada,
flugleiðis fram og til baka, og hvað
tekur það langan tíma?
2. Hvort er talið snúa fram á hand-
snúinni hakkavél. Það er mjög áríð-
andi að þessu sé svarað, og þessvegna
biðjum við þig að henda þessu bréfi
ekki í ruslakörfuna.
Hvernig er skriftin okkar beggja
fyrir sig?
Litla og Stóra.
Svar: Við fengum þær upplýsingar
að flugleið til Kanada lægi gegn-
um London og mundi því fargjald frá
Reykjavík til Montreal í Kanada
nema 13842,30 krónum. Annars mun
líka hægt að fljúga til Gander á Ný-
fundnalandi, en erfitt mun komast
þaðan og áfram. Erfitt er að segja
um tímann.
2. Það er ómögulegt að segja hvað
er fram og aftur á hakkavél, ekki
fremur en á öðrum vélum, t. d.
saumavél.
Þið virðist hafa ósköp svipaða rit-
hönd, snotra en óþjálfaða.
Látiö börnin hjálpa til á
heimilinu.
Eftir G. C. Myers, Ph. D.
Þegar ég kom heim laugardags-
kvöld nokkurt siðasta haust, sá ég
einn nágranna minn uppi á ekki mjög
háu þaki, þar sem hann var að festa
síðustu röðina af þakhellum, með
hjálp drengjanna sinna. Drengirnir
virtust 13 og 10 ára gamlir.
Við konan mín urðum hrifin af
því að drengirnir skyldu vera að
negla hellurnar, í staðinn fyrir að
bera þær að og horfa á. Venjulegur
íaðir mundi hafa álitið að þessir ungu
drengir gætu ekki unnið slíka vinnu,
en að hann einn væri fær um að
vinna hana rétt. Þessi faðir var ekki
hræddur við að lofa þeim að halda
áfram og þeir gerðu það undarlega
vel.
Þessir drengir og faðir þeirra
vinna margt saman á litla mjólkur-
búinu þeirra, þar sem d'rengirnir
leysa af hendi, ekki of erfiða eða
þunga vinnu, en vinnu, sem aðeins
unglingar leysa venjulega af hendi,
og þeir hafa náð undraverðri tækni.
Þar að auki þykir þeim og föður
þeirra gaman að sameiginlegum fé-
lagsskap.
Á heimilinu.
Sumar mæður eru þannig. Þær láta
drengi og stúlkur, á þeim aldri þeg-
ar flestar mæður álíta þau of ung,
leysa af hendi á heimilinu allskonar
vinnu, sem unglingar gera venjulega
— elda og bera fram morgunverð-
inn fyrir fjölskylduna, ákveða og sjá
um máltíðir fjölskyldunnar, og jafn-
vel kaupa það sem til þess þarf.
Og þegar barnið er vant slíku er
móðirin ekki taugaóstyrk og skjálf-
andi yfir mistökunum, sem það muni
gera ,eða barnið hrætt við slíkt. Hún
býst ekki við fullkomnun, að minnsta
kosti ekki til að byrja með. Þó hún
viti að hún geti gert það betur og
fljótar sjálf, er hún þolinmóð og
skilningsrik á framfarirnar.
Samt sem áður hvetur slík móðir
barnið ekki til að gera það, sem hún
veit að er of erfitt fýrir það. Hún
lætur það ná nægilegri kunnáttu og
öryggi smátt og smátt. Léti hún það
aldrei gera lítil og einföld störf, sem
því finnst vera fyrir fullorðna, mundi
. það varla hafa ánægju af því sem
erfiðara er. Ef það hefur t. d. aldrei
reynt að búa til mat, sem krefst lít-
illar þekkingar og fylgir uppskrift-
inni, getur tilraun til að búa til heila
máltíð fyrir fjölskylduna valdið mikl-
um mistökum og vonbrigðum.
Drengir og byssur.
Ef við snúum okkur aftur að
drengjum nágranna míns — hvor um
sig á byssu og skýtur skógarhænur,
íkorna og kanínur um veiðitímann
og er mjög góð skytta. Foreldrarnir
fylgja drengjunum, þegar þeir fara
með byssu, og láta eldri drenginn
smátt og smátt skjóta einan. For-
eldrarnir skjóta líka oft í mark með
drengjunum. En drengirnir hafa ver-
ið vel vandir, svo þeir fara vel eftir
reglunum og fara ekki með byssu
eða trana þeim fram þegar aðrir
drengir eru viðstaddir.
Ég vil grátbæna foreldra, sem
hafa vanið börn sín á að nota byssu
örugglega, um að kenna þeim líka
að sýna aldrei öðrum börnum, sem
ekki eru eins æfð, byssuna. Mörg
börn sem æfð hafa verið undir hand-
leiðslu foreldra sinna til að nota
byssu, eru svo hrifin af yfirburðum
sínum yfir önnur börn, að þau leggja
þessi börn í mikla hættu. Óvanur
drengur getur, þegar annar drengur
sem kann að nota byssu, sýnir hon-
um hana, skyndilega þrifið byssuna
og skotið einhvern með henni.