Vikan - 22.05.1952, Page 9

VIKAN, nr. 20, 1952
9
Tveir óeirðarseggir, sem ekki kemur saman í Trieste-deilunni,
réðust hver á annan i upphlaupi, sem nýlega varð í Róm. Það
er nú aftur orðið rólegt í höfuðborg Italiu, eftir að Bandaríkin
hafa samþykkt, að hefja samninga, þar sem Italiu verður leyft
að taka þátt í stjórn A hernámssvæðisins í Tríeste, ásamt Eng-
landi og Bandaríkjunum.
FRÉTTAMYNDIR
Dr. John J. Wild (til vinstri) frá háskólanum í Minnesóta sýnir
hér aðferð til að finna krabbamein á frumstigi. Hann notar tæki,
sem kalla mætti bergmálsritara, en John Reid (til hægri) teiknaði
tækið og bjó það til. Tækið er lítið og hentugt og beitir endurvörp-
uðum hljóðöldum til að finna krabbann. Það var reynt á 211 sjúkl-
ingum og sýndi það krabbameinið undantekningarlaust.
Fyrri hluta árs gekk mislingafaraldur í New York, svo að til vand-
ræða horfði. 1 janúar voru 3.710 sjúkdómstilfelli, en ekki nema 282 um
sama leyti í fyrra. Þessvegna voru upp teknar almennar bólusetningar
gegn mislingum, og á 90 dögum voru þannig 14.000 manna verndaðir
gegn þessum hvimleiða sjúkdómi. Á myndirfni sést ungur læknir sprauta
tíu ára stúlku gegn mislingum, hún er tekin í Rósveltspítalanum l
New York.
Hermenn „árásarhersins" svífa til jarðar á heræfingu nálægt Ft. Hood
í Texas (efri myndin). Á neðri myndinni sést einn af fallhiifarmönnum
82. flugdeildarinnar berjast við að ná niður fallhlífinni, eftir lendinguna.
Þetta er stærsta heræfingin, sem gerð hefur verið síðan í síðustu styrjöld.