Vikan - 18.09.1952, Blaðsíða 7

VTKAN, nr. 36, 1952
7
SÓLSKINSANDLIT
OG SALAT - EÐA:
MÁÐURINN og telpan á forsíðumyndinni eru að borða salat. Það
getur meir að segja vel verið, að þau séu að borða kokteilsalat, en
það er eitt merkilegasta salat á Islandi. Þetta er þar á ofan rammís-
lenzkt salat (þó að nafnið gefi þar um litla visb&ndingu), búið til úr
nærri því öllum grænmetistegundunum, sem hér eru ræktaðar. En mað-
urinn, sem er að gæða sér á salatinu, er Benedikt Guðjónsson kennari,
Laugateig 44, og telpan við hliðina á honum er Jóhanna dóttir hans.
Forsíðumyndin og meðfylgjandi myndir eru teknar á fyrsta foreldra-
degi Skólagarða Reykjavíkur. Forstöðumenn þessa fyrirtækis efndu til
foreldradags í góðu veðri fyrir skömmu, og það var sjón að sjá krakk-
ana sýna foreldrum sínum árangur sumarstarfsins! Eintóm ljómandi sól-
skinsandlit! Og innan um sólimar urmull foreldra-andlita, stillilegra, íhug-
ulla andlita, eins og vera ber á fullorðnu fólki. Það er að segja fyrsta
kastið. Því að sólskinsandlit barna eru smitandi, og fljótlega voru þarna
eiginlega allir brosandi og margir hlæjandi, þetta var svo skemmtilegur
dagur.
Það voru um 300 gestir i Skólagörðunum á Miklatúni þennan foreldra-
dag. En þar hafa 150 börn (aldur: 11-—14 ára) starfað í sumar undir
stjórn Ingimundar Ólafssonar kennara. Ingimundur hefur verið yfirkenn-
ari við garðana frá byrjun, en Anna Rizt var aðstoðarkennari hans í
sumar. Sér til hjálpar hafa þau svo haft nokkra stálpaða unglinga, pilta
og stúlkur, sem kunna á þessu tökin, enda gamlir nemendur úr Skóla-
görðunum og Vinnuskóla bæjarins. Börnin eru auðvitað misjöfn við vinn-
una. Sum eru lagin og natin, önnur miður lagin og miður natin, alveg
eins og gengur, í heimi fullorðna fólksins. En nærri því öll eru þau feiki-
lega áhugasöm, og stolt þeirra er mikið, þegar þau lita yfir lönd sin og
búa sig undir að koma uppskerunni undir þak. En áberandi er það, segja
kennararnir, hversu misjafnlega börnin eru búin undir starfið. Sum hafa
augljóslega aldrei komið nálægt ræktun og gróðri. Önnur hafa talsvert
lært af foreldrum sínum. Og svo eru þau alveg sér í flokki þessi, sem
áður hafa unnið í Skólsgörðunum. Þau eru ekki aldeilis búin að gleyma
handtökunum frá því í fyrra!
Veizlan tókst prýðisvel. Kokteilsalatið var ágætt, grænmetið gómsætt,
stemningin mikil. Á myndinni hér neðra býður Auður Skúladóttir eimii
móðurinni að bragða á réttunum, á efri myndinni skoða foreldrarnir (og
nokkrar ömmur) garðana, svo er þarna mynd af veizluborðinu og loks
(neðst til hægri) Þóra litla Sumarliðadóttir, Skúlagötu 78, með foreldr-
um sínum, Sumarliða Ólafssyni og Kristjönu Óladóttur.
Foreidradagur
í Skólagörðum
Reyk javíkur.
BÖRNIN í Skólagörðunum borga 125 krónur i skólagjald. Auk kensl-
unnar, fá þau fyrir þessa peninga útsæði og aðrar sáðvörur, áburð,
garðyrkjutæki o. fl. Þá uppskeruna sína, en hjá duglegustu börnunum
er markaðsverð hennar sjö til átta hundruð krónur. Og loks er farið í
leiðangra um Reykjavik og nágrenni og í berjaferðir. Forstöðumaður
skólans er Edvald B. Malmquist, ræktimarráðunautur Reykjavíkur. Hann
er á efstu myndinni, þar sem Ásta Ólafsdóttir er að úthluta nellikum,
sem garðyrkjustöðin í Reykjahlíð sendi börnunum í tilefni dagsins. En
þetta var verulega stór dagur, því auk þess sem þetta var foreldradag-
ur, var hann einskonar afmælisdagur garðanna: þeir urðu fimm ára í
sumar. Jónasi B. Jónssyni fræðslufulltrúa og Malmquist var falið að
stofna skólann og byggja þar í aðalatriðum á tillögum þess síðarnefnda
til bæjarráðs um rekstur vinnugarða. Fimmtíu unglingar störfuðu i
görðunum fyrsta árið. En nú hefur sú tala þrefaldast.
Hvað er þá markmiðið með þessari starfsemi? Malmquist segir: Við
reynum að glæða sjálfsbjargarviðleitni barnanna með vinnunni og vekja
áhuga þeirra á nytsömum ræktunarstörfum. Við reynum að víkka sjón-
deildarhring barnanna og venja þau á reglusemi og góða umgengni. Og
við reynum að beita sem minnstum aga, viljum að börnin uppgötvi
það sem allra mest með sjálfstæðri vinnu, hvaða vinnuaðferðir gefi
bezta raun.
Skólahaldinu lýkur
um leið og uppsker-
unni lýkur. Þá fá
börnin skírteini með
vinnustundafjölda og
einkunn. Og þá byrj-
ar ný skólaganga hjá
nýjum kennurum í
nýjum skóla. Barna-
skólinn bíður og öll
hans flóknu viðfangs-
efni, og vetur fer í
hönd. Þá er gott að
hafa gengið sumar-
langt í stóra skólann
á Miklatúni, þar sem
skólastofurnar hafa
enga veggi og kenn-
ararnir hvorki kvarða
né kver.
Forsíðmnynd:
Haráldur Teitsson.