Vikan - 23.10.1958, Qupperneq 34
Húsgögnin vinsælu frá
Valbjörk h.f.
Ná stöðugt meiri útbreiðslu.
ÚTSÖLUSTAÐIR :
Akureyri, Siglufirði,
Isafirði, Reykjavík.
HUSGAGNAVERKSMIÐJAN
VALBJÖRK H.F.
Sjávargötu 7, Akureyri. Sími 1797. P.O. Box 206.
„Þar sá hún
eiginmann
sinn .
Framhald aff bls. 31.
Nú líSa ein 3 ár. Þá fór Z, sem
nú var orðin kona Halls, norður til
Akureyrar í heimsókn til systur
sinnar er þar bjó. Dvaldi hún þar
nokkuð lengi og var í ráði að eigin-
maðurinn sækti hana síðar meir. Nú
verður það til tíðinda að Finnur L.
kemur til Akureyrar á ferð sinni og
gistir á Hótel KEA. Þar hittir hann
fyrrverandi konu sína af einskærri
tilviljun og er ekki að orðlengja
það að ástin blossar upp milli þeirra
af þvíliku afli að þau ráða sér ekki.
Höfðu þau ekki sézt síðan skilnað-
urinn varð. Gerir hann nú hlé á ferð
sinni og flytur konan til hans á
gistihúsið, og takast með þeim heit-
ar ástir.
Þá kemur að því að Hallur T.
kemur til Akureyrar að sækja konu
sína eins og um var samið en finn-
ur hana hvergi, fréttir aftur á móti
hvernig komið sé. Leitar hann um
allan bæ eins og grenjandi ljón en
finnur þau skötuhjúin hvergi. Lolcs
hittast þau þó öll þrjú af tilviljun
á götu og verður fátt um kveðjur.
Ekki varð þó úr áflogum né illind-
um meðal þóirra en karlmennirnir
taka tal saman og ræða helzt um
veðrið, daginn og veginn. Verða þeir
brátt mestu mátar, slóu saman í
eina flösku og settust að sumbli.
Endaði fylleríið með því að þeir fé-
lagar fóru suður í mesta bróðerni
en skildu konuna eftir fyrir norðan
og varð hún af þeim báðum. Varð
hún öðru sinni að sækja um skilnað,
fékk hann og hefur forðast hjóna-
bandið síðan.
★
Þá er hér frásögn af fráskildum
sölumanni, þritugum að aldri, sem
kynntist ungri stúlku, tæplega tví-
tugri. Hann bauð henni á dansleiki og
bíó en sýndi annars engin merki
þess að hann væri sérlega hrifinn af
henni. Móðir stúlkunnar var ekkja,
41 árs að aldri. Hún greip nú í
taumana og beitti sér fyrir því að
sölumaðurinn kvæntist dótturinni.
Lét hann tilleiðast, mest fyrir áeggj-
an ekkjunnar. Er ekki að orðlengja
það að stúlkan og sölumaðurinn
gengu í heilagt hjónaband. Húsnæð-
isvandræði voru mikil í Reykjavík
eins og oftast og bauð þá ekkjan
ungu hjónunum að búa í húsi sinu
og varð það úr.
Sölumaðurinn varð oft að fara
í löng ferðalög út um sveitir lands-
ins og þá ekki vitað með vissu hve-
nær hann kæmi heim. Einnig vildi
það oft til að hann kom heim góð-
glaður, einkum ef hann hafði gert
hagkvæm viðskipti. Vildi það enn-
fremur verða svo að konan hans
væri ekki heima þegar hann sneri
heim úr ferðalögum sinum; hún
hafði ekki átt von á honum á nein-
um tilsettum tima og hafði því oft
farið í kunningjaheimsóknir. Leið
svo fram um langa hríð.
Þá er það nótt eina að unga eigin-
konan kemur seint heim, hafði verið
hjá vinstúlku sinni og ekki átt von
á eiginmanninum á ákveðnum tíma
frekar en endranær. Bregður henni
heldur en ekki i brún er hún kem-
ur að eiginmanni sínum og móður
sinni í einu rúmi. Verður þeim einn-
ig harla hvert við. Það kom í ijós að
þau höfðu haft þennan hátt á um
lengri tíma.
Enginn láði ungu konunni þótt
hún sækti um skilnað frá manninum
enda var það fljótfengið. Sölumað-
urinn giftist fljótlega þriðju konu
sinni en þær mæðgur bjuggu áfram
einhleypar.
★
Það er ekki langt síðan hjóna-
skilnaður varð af nokkuð óvenju-
legum orsökum hér í Reykjavik.
Tvenn ung hjón höfðu ákveðið að
verja sumarleyfi sínu saman og fóru
burt úr bænum til dvalar í 10 daga
úti á landi. Báðir eiginmennirnir
voru í fastri vlnnu í höfuðstaðnum
og urðu því að vera komnir heim
aftur á tilsettum tíma.
Að liðnu sumarleyfinu fóru hjónin
aftur í bæinn, hress og endurnærð
eftir sveitadvölina og mennirnir hófu
vinnu sína á ný. En ekki líður á
löngu áður en önnur húsfreyjan
verður þess vör að bóndinn er orðinn
henni fráhverfur og sýnir henni full-
komið kæruleysi hvort heldur sem
er á nóttu eða degi. Verður konan
hugsjúk af þessum sökum og kref-
ur mann sinn skýringa, hann fer
undan í flæmingi og veitir ógreið
svör.
Nokkru seinna kom konan að máli
við kunningjakonu þeirra hjóna, þá
er áður er nefnd og skýrir henni frá
því hversu maður sinn sé orðinn
furðulegur í háttum. Kemur þá á
daginn að kunningjakonan hefur ná-
kvæmlega sömu sögu að segja, kvað
hún sinn eiginmann einnig orðinn
afhuga henni og vildi hann enga
skýringu gefa á því þótt fast væri
á hann gengið. Ræddu þær vinkon-
urnar þessi mál fram og aftur en
komust ekki að neinni niðui’stöðu og
fór svo fram um hríð.
Þá bar það við að kona sú er fyrr
var frá greint fær mann sinn til að
koma á dansleik. Þar neytti maður-
inn víns og varð hreyfur vel. Gerð-
ist hann þá lausmáll og gripur kon-
an tækifærið, gengur fast á hann
og skorar á hann að segja sér hvers-
vegna hann hafi svo breytst í við-
móti við hana. Hann segir henni þá
berum orðum að hann kæri sig ekki
hætishót um hana lengur, því hann
sé farinn að halda við kunningja
sinn, þann er fór með þeim hjónum
í sumarleyfið.
Þegar í ljós kom hvernig væri i
pottinn búið, sóttu báðar konurnar
um skilnað og var hann auðsóttur.
34
VIKAN