Vikan - 27.11.1958, Blaðsíða 24
Dagbók frá LitSa-DratsiBa
Framhald af bls. 18.
22/6 Sunnudagur þessi rann
upp Pjartur og fagur,
baðaður geislum glitrandi sólar. Enda
þótt náttúran skartaði nú sínu feg-
arsta hið ytra, var sannarlega ekki
og er ekki sól í mtnu sinni, þvi allt
það sem ég hefi vonað og trúað á í
sambandi við þennan sunnudag brást
og ég er á góðum vegi með að verða að
sálsjúkum aumingja, og svo lengi sem
ég hfi mun ég reyna að forðast að
svo verði, enda þótt ég þurfi
til þess að strjúka úr þessu djöfuls
bæli. Ég get varla sagt að ég hafi
lengur trú á þeim Z . . og K .- takist
að losa mig, svo mjög finnst mér allt
þeirra atferli dauft og rotið.
23/6 Dagur þessi var svo sem
allir aðrir í þessu and-
lausa búri, þrautleiðinlegur. Mér finnst
nú sem vistin hér sé næsta óbæri-
leg. Þetta mun ekki hvað síst koma
til af hinum mikla spenningi er ég
stöðugt lifi í, vegna þeirra frelsis
vona er mér hafa verið gefnar. Ég
hefi þó einhvern veginn fengið það
inn á heilann að allt þetta tal um
náðun mér til handa, sé einungis ætl-
að til þess að friða mig um sinn.
Ef ég ekki frétti neitt fastákveðið
nú um mánaðamótin, mun ég taka
til hverra þeirra ráða er ég tel að
geti gefið mér frelsi, jafnvel þótt
ekki væri nema um stuttan tima.
Sálarástand mitt er nú dag hvern
mjög bágt, enda vart við öðru að bú-
ast, því þessi meðhöndlun hentar alls
ekki mínu eðli og því miður má
segja hið sama um marga aðra hér
í fangelsinu.
24/6 Þessi dagur var frábrugð-
in öðrum hér að því leyti
til að nokkuð var um ölvun á meðal
fanganna. Vegna þessa kom til nokk-
urra óspekta innan fangahópsins og
var einn fangi borinn inn í öngviti,
eftir að hafa lent í ryskingum við
samfanga sinn. .Það er mér sem og
fleirum hér nokkur ráðgáta hvernig
slíkt getur átt sér stað. Dagur þessi
var að öðru leyti þrautleiðinlegur,
Veður var að vísu mjög gott, glamp-
andi sólskin og hiti og naut ég þess
að nokkru þrátt fyrir þungt skap.
25/6 1 dag er ég innilokaður
ásamt sjö föngum öðrum,
innilokun þessi er vegna vínmálsins
frá 1 gær og er nú verið að grafast
fyrir um tilkomu þessa brennivíns-
dropa. Einn fanganna hefir borið það
að einn af fangavörðunum hafi út-
vegað honum vín. Þetta gerir málið
allt nokkru erfiðara, þvi komi ekki hið
rétta í ljós getur svo farið að þessi
fangavörður missi stöðu sína. Mér
finnst að enda þótt ýmsum kunni að
falla miður vel við þennan fangavörð,
sé ekki rétt að bera á hann að því
er mér virðist saklausan, svo alvar-
legt brot sem hér um ræðir. Ég hefi
það sem af er dagsins ýmist sofið eða
mókt eða þá að ég hef verið að lesa
mér til dægrastyttingar. En því mið-
ur á ég orðið mjög erfitt með lestur
þvi hugurinn er sifellt á sveimi ann-
arsstaðar. Um mannskapinn sem hér
dvelur nú má að sjálfsögðu margt
segja, flestir fanganna eru að mín-
um dómi fjarri því að vera slæmir
menn, hafa allflestir lent hér sök-
um of mikillar neyzlu áfengis. Flest-
ir eru þeir mjög dagfarsgóðir og sam-
komulag fanga á milli verður að telj-
ast gott. Einn fanganna hefur hér
veitt mér marga ánægjustund, þ. e.
S.., mér finnst því leitt að missa af
félagsskap hans, en fyrst og fremst
ber mér þó að gleðjast yfir því að
hann skuli nú vera að losna. En svo
sannarlega mun ég sakna félagsskap-
ar hans, því hann er einn hinn fjöl-
hæfasti og skemmtilegaati maöur sem
ég hefi kynnst. Dagur er nú að kveldi
og brennivínsmálið að mestu upplýst
og allir nema þrír fangar lausir úr
innilokun. Enn berast mér engar frétt-
ir af losun á mér, enda þótt mér berist
annað veifið bréf frá mínu fólki, þar
sem mér er ávallt sagt að ég sé í
þann veginn að losna. Ég er raunar
hættur að marka þetta losunarhjal.
26 /6 Engar fréttir berast mér
enn frá þeim er með mál
mín hafa að gera. Mér finnst svo sem
allt sé þetta mál mitt mjög torvelt,
það hefur að minnsta kosti tekið allt
of langan tíma að fá fulla vitneskju
um hvort ég muni losna héðan í bráð
eður ei. Ég er mjög slæmur á taug-
um nú sem stendur og veldur þvi ekki
hvað sízt hin stöðuga óvissa er ríkir
um dvöl mína hér. Mér kæmi betur
að fá að vita ákveðið hvenær ég má
gera mér vonir um lausn. Veður er
þessa dagana fremur gott, hlýtt en
þó að mestu sólarlaust, gróðri fer
fremur seint fram. Ég uni starfi mínu
sem gangaþvottamaður fremur vel, það
er mjög hægt og frjálst og gefur mér
góðan tíma til hverskyns þankabrota.
26/6 Skap mitt hefur í dag ver-
ið mjög bágt, ég hefi
reynt að lesa og skrifa en hvergi
náð að festa hugann, aðeins hið tukt-
húseinkennandi ráf fram og aftur og
sífelldir þankar um framtíðina og lausn
frá þessum miður skemmtilega stað.
Ég er nú fyrir alvöru farinn að hugsa
um að strjúka héðan, ef mér ekki ber-
ast neinar fréttir nú í bráð. Mér
finnst svo sem þessi dvöl mín hér
ætli að verða mér fullkomin ofraun
svo mjög orkar hún á allt mitt sálar-
líf. Hér skeður sem fyrr fátt frétt-
næmt, nema hvað dómsmálaráðherra
ku vera kominn í sumarleyfi og því
lítil von til þess að menn losni á
meðan hann er i burtu. Ég hefi
nú ákveðið að fara í Bréfaskóla S.l.S.
og nema þar Bragfræði, sálarfr. og
Esperanto. Nú að kvöldi þessa dags
sit ég og hlusta á útvarpið, það er
verið að leika vögguvísur eftir Brahms.
Það ásamt hinu fagra veðri úti fyrir
orkar svo á mig, að við liggur að
ég vikni, fyrir hugskotssjónum mínum
speglast myndir hins liðna og glataða,
framundan er sennilegast ekkert nema
áframhaldandi fangelsisdvöl, eymd og
vesöld glataðrar sálar.
28/6 I dag er hér hið bezta veð-
ur, sól og molluhiti. Ég
eyddi degi þessum, að mestu í að ráfa
hér um lóðina. Ég er þessa dagana
mjög slæmur á taugum og hefi ekki
eirð til neins.
29/6 Vaknaði snemma morguns,
við að stormur og regn
buldu á klefagluggann og hélzt veður
svo fram eftir degi, en er nú aftur orðið
milt og gott, enda þótt sól hafi ekki
náð að brjótast fram. Ég varði því
mestum hluta dagsins í svefni og svo
þessu sífellda rápi um húsið. Margir
fangar fengu í dag heimsóknir vina og
ættmenna, þannig að menn dvöldu
flestir í klefum sínum á spjalli við
gesti. Mér finnst sem þessir sunnudag-
ar séu allra daga hvimleiðastir hér á
þessum stað, því þá eru menn allir iðju-
lausir og vill þá talið oft berast að
náðunum og ýmsu því er síst er fallið
til umræðna hér. Allt slíkt tal tekur
mjög á taugar mínar og reyni ég því
oftast að forða mér þá er um það er
rætt. Ég bíð og vona, enda þótt mér
virðist allt benda til þess að ekki muni
ég losna í bráð.
Framhald á bls. 26.
VORUBtFREIÐ AST JO RAR
ATVINNUREKENDUR
Hafið eftirfarandi í huga þegar þér ákveðið um
kaup á vörubifreið:
FORD-verksmiðjurnar
hafa á boðstólum vörubifreiðir með diesel og benzín
hreyflum á mjög hagstæðu verði:
Frá Ameríku:
Vörubifreiðir
með allt að
13.000 kg. burð-
arþoli. Gerð F
600 — m/8 cyl.
vél, burðarþol 5.500 kg. á grind. Áætlað útsöluverð
kr. 96.500.00
Gerð F 700, m/8 cyl. vél, burðarþol á grind 6985 kg.
Áætlað útsöluverð kr. 117.500.00
Gerð F 750 — m/8 cyl. vél, burðarþol á grind 7175
kg. Áætlað útsöluverð kr. 148.500.00
Vörubifreið
með allt að 6000
kg. burðarþol á
grind.
Gerð G 600 —
Frá
Vestur-Þýzkalandi
m/6 cyl. Diesel vél. Burðarþol 4.400 kg. á grind. Áætl-
að útsöluverð kr. 118.000.00.
Gerð G700 — m/6 cyl. Dieselvél. Burðarþol 6065 kg.
á grind. Áætlað útsöluverð kr. 128.000.00.
Frá Bretlandi:
Vörubifreiðir
með allt að
8325 kg.
burðarþol á
grind.
Gerð Tham-
es Trader 50
m/6 cyl. Dieselvél. Burðarþol á grind 6325 kg. Áætl-
að útsöluverð kr. 96.500.00
Gerð Themes Trader 70 m/6 cyl. Dieselvél. Burðar-
þol á grind 8325 kg. Áætlað útsöluverð kr. 113.500.00.
Leitið nánari upplýsinga hjá oss.
Sveinn Egilsson h.f.
r
FORD umboð
Laugavegi 105. Sími 22466 — 5 línur.
24
VIKAN