Veðrið - 01.09.1977, Blaðsíða 23

fr;i sunnan Skælings eða vestan Dyrfjalla, vilji maður ekki láta telja sig ófor-
betranlegan lygalaup.
Það getur vel verið að einhver vildi segja sem svo: Vestanrok er mikið loft
sem kemur úr vestri og flýtir súr allt livað af tekur til austurs. Þetta er að vísu
allgóð skýring svo langt sem hún nær. En að mínu viti er hún hvergi nærri
fullnægjandi, vegna þess að vestanrok er annað og meira en beinn verknaður.
Það er einnig liugmyndafræði.
Ef til vill væri réttara að segja að utan um vestanrokið hafi vaxið heilt hug-
myndakerfi, sem síðan leiðir af sér röð af atvikum og þessi atvik eru algerlega
óaðskiljanleg sjálfu rokinu. Þannig er það hér á Borgarfirði. Væri ég beðinn að
skilgreina ástandið „vestanrok" yrði sú skilgreining eitthvað á þessa leið:
1. stig: Menn hafa þungar svefnfarir með stórum draumum um stygga hesta
og ástleitið kvenfófk.
2. stig: Kattarkvikindið sézt klóra í vestur og menn segja: — Nú, já, já. Ælli
draumurinn minn fari ekki bráðum að koma fram.
3. stig: Veðurfregnir greina frá djúpri og krappri lægð út af Vestfjörðum og
spáin er: Vestan stinningskaldi á Norð-Austurlandi og Austfjörðum.
4. stig: Menn rjúka til og líta á barómetið til að vita hversu mikið það hafi
fallið. Hafi það ekki fallið nóg, berja menn gjarnan dálítið í það lil þess að fá
það til að falla meira. Dæmi ertt Lil þess að menn hafi brotið glerið á barómetinu
með þessum aðgerðum.
5. stig: Menn rjúka út og hýsa hænsnin. Sú athöfn gengur ekki alltaf liljóða-
laust af og kennir hvor aðilinn hinum um það scnt miður fer.
6. stig: Hann er farinn að kalda.
7. stig: Menn koma á eldhúsgluggann og skipa konunni að ná krökkunttm í
bæinn og sjá sfðan til þess að þeir sleppi ekki út.
8. stig: Hann er farinn að taka sköfur á firðinum.
9. stig: Menn sækja sér stiga og hlera gluggana áveðurs og skipa krökkunum
að halda sig hinum megin í húsinu.
10. stig: Menn gaumgæfa hlöðuvindaugu, heystakka, og fjárhússþök. Aðrir
njörfa niður báta, heyvagna, hjólbörur og annað lauslegt. Enn aðrir klöngrast
upp á jtakið á íbúðarhúsinu og binda annan endann á forógnarlega sverum kaðli
utan um reykháfinn en hengja nokkur hundruð kíló af blágrýti í hinn endann
niðri við jörð, til jtess að losna við að sækja þakið niður í fjöru þegar lygnir.
11. stig: Menn koma saman austanundir húsveggjum eða annars staðar jtar,
sem skjól er að finna, og ræða ástandið. Þeir rifja upp veðrið það í hitteðfyrra,
þegar Hann velti stóru spýtunni á Bakkanum eða mikla rokið fyrir þremur ár-
um, þegar nærri lá að Jtessi eða hinn báturinn væri hér um bil fokinn, og eru
sammála um að h'klega ætli Hann að verða ívið hvassari núna en veðrið muni
að öllum líkindunt standa eilítið skemur en þá. Að öðru leyti séu veðrin eins.
12. stig: Fjörðurinn liggur allur í hvíta roki.
13. stig: Menn koma inn og hafast vel við í bænum, segja dálítið ljótt á meðan
þeir eru að koma útidyrahurðinni að stiifum en eru að öðru leyti í góðu skapi,
VEÐRIÐ — 59