Vikan - 30.03.1961, Blaðsíða 5
Heimsókn í Hamragil
Þannig eru aðstæður íslenzkra
skíðamanna. Skíðamótið fór fram
í fönninni, sem örin bendir á
(1). ÍR-skálinn stendur á hjall-
anum, sem hin örin bendir á (2).
Neðri myndin: Þetta er allt og
sumt. Á þessari fönn varð að
halda Reykjavíkurmeistaramót í
svigi, því annað betra var ekki
um að ræða.
I
Odrepandi áhugi —
erfiöar aðstæöur
Einhvern tíma á útmánuðum var haldið Reykjavíkur-
meistaramót í svigi í Hamragili við Kolviðarhól. Lítið
var um snjó eins og endranær í vetur og gerir þetta
snjóleysi skíðamönnum okkar afar erfitt um vik að ná
fullkomnun í íþróttinni. En þeir sem stunda þessa
íþrótt láta sér ekki allt fyrir brjósti brenna og mótið
var haldið í gilinu eins og til stóð. Talsverður strekk-
ingur var þarna í gilinu og ekki bætti úr að sólarlaust
var. Það bjargaði Vikumönnum að þeim var boðið
upp á forláta kaffi í Í.R.-skálanum áður en haldið var
í gilið. Furðumargt var þarna samankomið og það
vakti athygli okkar, að þarna voru þrír smástrákar,
sem brunuðu og sveigðu af mikilli snilld. Fáeinum metr-
um frá marki var urð og þótti okkur allglannalegt er
kapparnir renndu sér á mikilli ferð alveg niður að
urðinni og snarbeygðu, þegar ekki voru nema einn eða
tveir metrar eftir af fönninni. Svigkeppnin gekk ákaf-
lega hægt, svo að jafnvel frjáisíþróttamótin ganga í
loftköstum á móti þvi. Þetta stafar af því, að skiða-
lyftu vantar í Hamragil, en hennar er von áður en
langt um líður, sögðu þeir okkur. Þeir tróðu braut-
ina á leiðinni upp og voru óratima að fikrast upp fjalls-
hlíðina og áhorfendur biðu þolinmóðir, ca fimm að
tölu. Þeim tókst yfirleitt vel í sviginu og liðu mjúk-
lega milli stanganna, en fyrir kom, að jafnvægið rask-
aðist og þeir felldu þá hverja stöngina af annarri. Þá
er auðvitað komið i óefni með tímann, en sannir
iþróttamenn láta það ekki á sig fá að klifra þolin-
móðir til baka, þar til Þeir hafa náð staðnum, þar
sem kúnstin brást ■— og þar byrja þeir aftur eins og
ekkert hefði komið fyrir.
Jóakim Snæbjörnsson hefur unnið einna mest að
byggingu ÍR-skálans í Hamragili.
<3 Eldhúsið er ekki innréttað að
fullu, en kaffið er heitt og gott
og nauðsynlegt fyrir skíða-
mennina, áður en þeir halda
út í kalsann.
Það er beðið eftir því, að mót-
ið hefjist: Farið í úlpur,
númerin fest á og skíðin
smurð. Myndin er tekin í ÍR-
skáianum. Uppi á pallinum,
sem sést á myndinni er svefn'-
loftið.
V