Vikan - 30.03.1961, Blaðsíða 17

Svipmyndir úr
UNGHJÓNAKLÚBB
Reykvisk unghjón hafa með sér samtök, sem einkum munu til
þess ætluð að stytta þeim sjálfum stundir á einstaka síðkvöldum.
Ljósmyndari Vikunnar lenti af tilviljun á einni af þessum skemmt-
unum Unghjónaklúbbsins, sem haldin var í Klúbbnum. Þar var
glaumur og gleði, og unghjónin virtust skemmta sér konunglega að
vanda, og Baldur Hólmgeirsson, leikari og ritstjóri, stjórnaði af festu
og drenglyndi. Voru flest skemmtiatriði tilbúin á staðnum, og félagar
klúbbsins tóku þátt i þeim. Má þar til nefna rokkkeppni, sem tekið
var af miklum fögnuði, svo og sögkeppni, en keppendur skyldu halda
fyrir nefið. Ein frúin hlaut það verkefni að syngja óbundið mál úr
nýjasta blaði Vikunnar, — og var það út af fyrir sig mikil viður-
kenning á blaðinu af hálfu ritstjóra Heimilspóstsins. Hins vegar gekk
frúnni söngurinn heldur stirðlega, og Gamli Nói vildi ekki falla
sem bezt við lesmálið i blaðinu.
^Baldur Hólmgeirsson stjórnar einsöng af þrótti og nákvæmni.
Frúin hlaut það verkefni að syngja kafla úr Viknnni undir laginu
Gamli Nói.
<3 Allmörg pör kepptu í rokki, en þetta par þótti bera af og hlaut
verðlaunin.
V Unghjónin dansa, og spilarinn þenur nikkuna.
Það virtist erfitt að syngja
og halda fyrir nefið, enda
syngur víst hver maður
bezt með sínu nefi.
Það var efnt til happdrættis, og þessar fallegu
frúr hlutu verðlaun. Þær heita Þórunn Ólafs-
dóttir, tv., og Ragna I. Ragnarsdóttir.
Frú Regína Birkis og maður hennar, Jón Gunn-
laugsson, höfundur Unghjónaklúbbsins. Á milli
þeirra situr aldursforseti klúbbsins, Jón H.
Björnsson skrúðgarðaarkitekt. V
Takið þátt í því að finna
UNGFRU ÍSLAND 1961
og þér hafiB möguleika á því oð vinna flugferð til
Kaupmannahafnar, ef þér bendið á þá sem vinnur
í keppninni. Síðustu forvöb oð skila tillögum á morgun
V4KAN 17