Fréttablaðið - 22.12.2009, Blaðsíða 6

6 22. desember 2009 ÞRIÐJUDAGUR
DÓMSTÓLAR Lögreglustjórinn á
höfuðborgarsvæðinu hefur ákært
karlmann á fimmtugsaldri fyrir
fíkniefnabrot og vopnalagabrot.
Maðurinn er ákærður fyrir að
hafa haft 164 grömm af kókaíni í
hjólhýsi við Yrsufell. Efnin fundu
lögreglumenn við leit.
Aftur var maðurinn tekinn, nú
í Hafnarfirði, með 1,63 grömm af
amfetamíni, sem hann framvísaði
við leit. Þar fundu lögreglumenn-
irnir einnig haglabyssu af gerðinni
Benelli og skammbyssu af gerð-
inni Bruni Mod 92. Maðurinn hafði
ekki skotvopnaleyfi fyrir þeim. Þá
ábyrgðist hann ekki vörslu þeirra
með þeim hætti að óviðkomandi
næði ekki til þeirra og án þess að
geyma haglabyssuna og haglaskot
í aðskildum og læstum hirslum á
heimili sínu.
Enn fremur fann lögreglan riffil
af gerðinni Marlin og haglabyssu
af gerðinni Breda. - jss
Karlmaður á fimmtugsaldri:
Með byssusafn
og fíkniefni
DÝRAHALD „Undirrótin að öllum
þessum látum er sú að vissir menn
vilja okkur héðan í burtu,“ segir
Stefanía Inga Lárusdóttir, bóndi á
Stórhóli í Djúpavogshreppi.
Málefni hennar hafa verið
mikið til umfjöllunar að undan-
förnu í kjölfar sáttar sem full-
trúi sýslumanns á Eskifirði gerði
við hana í framhaldi af ákæru
um vanhöld í fjárbúskap á jörð-
inni. Stefanía segir að þau klögu-
mál og í sumum tilvikum ósann-
indi sem þar hafi komið fram séu
fyrst og síðast sprottin af hrein-
um illvilja og óvild í garð heimilis
hennar, sem staðið hafi um árabil.
Allt hafi verið tínt til, til þess að
klekkja á því.
Stefanía segir að aldrei hafi
skepna verið svelt á Stórhóli.
„Við gefum tvisvar á garðann
á dag og gefum vel. Nú erum við
búin að koma okkur upp sjálf-
fóðrun, sem léttir vinnuna við féð
geysimikið.“
Spurð um dauða og vanhöld í
kindum í fjárhópnum segir Stef-
anía ástæðu fyrir þeim.
„Það hefur einstaka kind verið
að deyja úr eins konar lungnaveiki
undanfarið. Í fyrrahaust óskaði ég
eftir að sprauta féð en var þá bent
á, af dýralækni, að samkvæmt
sænskri rannsókn borgaði það
sig ekki því þetta væri rándýrt og
afar fáar kindur dræpust úr þessu,
sem er rétt. Sjö kindur af öllum
hópnum eru nú ekki stórt hlutfall.
En ég hefði betur haldið bólusetn-
ingunni til streitu vegna þess að
þetta stendur fénu fyrir þrifum.
Þá hefur borið á jaxlaveiki í kind-
unum, sem þýðir að þær nýta ekki
fóðrið. Bæði lungnaveikin og jaxla-
los eru þekkt í Álftafirði.“
Aðspurð segir Stefanía að til
hafi staðið að fækka fénu, sem er
nú á annað þúsund talsins.
„En ég hefði viljað breyta því
sem ég ætla að breyta án þess
að til þessara leiðinda þyrfti að
koma,“ segir hún. „Og vissulega
eru þau ekki hvetjandi til breyt-
inga.“
Stefanía segir að sýslufulltrú-
inn hafi lagt fram áttatíu þúsunda
króna sáttatillögu og hún hafði
gengið að henni.
„Ég samþykkti hana, því helst
af öllu vil ég fá að vera í friði og
ekki í stríði við neinn. Ég tel að
með henni hafi ég verið að kaupa
mér frið,“ segir hún. „En það
breytir því ekki að það er afar sárt
hvernig búið er að fara með okkur
á margan hátt og hvernig búið er
að vega að mannorði mínu á röng-
um forsendum.“ jss@frettabladid.is
Segir reynt að hrekja
sig af landareigninni
Stefanía Inga Lárusdóttir, bóndi á Stórhóli í Álftafirði, segir að vissir menn
vilji hana burtu af jörðinni. Það sé undirrót ákæru vegna fjárbúskapar hennar.
Lungnaveiki og tannlos í fé orsaki að veikar kindur geti ekki nýtt fóðrið.
DÓMSMÁL Rúmlega þrítugur
maður hefur verið ákærður
fyrir Héraðsdómi Reykjavíkur.
Honum er meðal annars gefið að
sök að hafa stolið greiðslukorti og
kardimommudropum.
Maðurinn stal úr fimm versl-
unum, samkvæmt ákæru. Í þrem-
ur tilvikum stal hann matvöru
fyrir innan við þúsund krónur.
Einu sinni stal hann fyrir á þriðja
þúsund krónur. Í tveimur tilvik-
um stal hann kardimommudrop-
um. Loks stal hann debetkorti í
Lyfju í Lágmúla. - jss
Karlmaður um þrítugt:
Stal korti og
kardimommu
VANHÖLD Í FÉ Stefanía segir hafa
borið á lungnaveiki og jaxlaveiki í
kindunum, sem þýðir að þær nýti
ekki fóðrið.
HEILBRIGÐISMÁL Það sem af er
þessu ári hafa þrettán manns
greinst með HIV-sýkingu á
Íslandi. Af þeim eru þrír karl-
menn og tíu konur. Ein kvennanna
greindist með alnæmi, lokastig
sjúkdómsins, og einn karlmaður
lést af völdum hans á árinu.
Af þeim sem greindust eru sex
Íslendingar, fjórar konur á aldr-
inum sautján til 48 ára og tveir
karlmenn á aldrinum 21 til þrjátíu
ára. Allar konurnar og annar karl-
maðurinn eiga sögu um fíkniefna-
neyslu með sprautunotkun í æð.
Hin átta sem greindust með
HIV-sýkingu eru af erlendu bergi
brotin og teljast hafa smitast með
kynmökum. - shá
Þrettán greindust með HIV:
Einn karlmaður
lést af alnæmi
DÓMSMÁL Þrír karlmenn voru
dæmdir fyrir líkamsárásir í gær.
Hinn fyrsti var dæmdur í eins
mánaðar skilorðsbundið fang-
elsi fyrir að ráðast á mann í
Vestmanna eyjum og kýla hann
tvisvar í andlitið.
Sá næsti var dæmdur í tveggja
mánaða skilorðsbundið fangelsi
fyrir að ganga í skrokk á manni
á Selfossi og slá hann í andlit og
höfuð.
Hinn þriðji var dæmdur í eins
mánaðar skilorðsbundið fangelsi
fyrir að ráðast á konu í Hvera-
gerði. Hann kýldi hana í andlitið.
Öll fórnarlömbin hlutu talsverða
áverka. - jss
Þrjár líkamsárásir:
Ráðist á konu
og tvo menn
Fyrsta sveinsprófið í 18 ár
Átta nemendur útskrifuðust með
sveinspróf í húsasmíði frá Mennta-
skólanum á Ísafirði á laugardag. Þetta
var í fyrsta sinn í átján ár sem sveins-
próf er haldið á Ísafirði. Síðustu árin
hafa nemar þurft að fara ýmist suður
eða norður til þess að þreyta próf.
ÍSAFJÖRÐUR
FILIPPSEYJAR Tugþúsundum hefur
verið fyrirskipað að yfirgefa
heimili sín á Filippseyjum en vís-
indamenn reikna með því að eitt
stærsta eldfjall landsins fari að
gjósa á næstu dögum. Fleiri en
níu þúsund fjölskyldur, tæplega 45
þúsund manns, hafa verið fluttar í
búðir sem reistar hafa verið í hæfi-
legri fjarlægð frá fjallinu Mayon.
Sumir íbúar í nágrenninu kjósa þó
heldur að halda sig heima og óttast
margir að þjófar fari ránshendi um
heimili þeirra yfirgefi þeir þau.
Fjallið er í um 500 kílómetra
fjarlægð frá höfuðborg Filipps-
eyja, Manila. Það hefur gosið oft í
gegnum tíðina en árið 1814 létust
rúmlega 1.200 manns og lögðust
nokkur þorp í eyði. Síðasta stóra
gos í fjallinu var árið 1993.
Eldfjallið Mayon á Filippseyjum:
Búist við gosi á
næstu dögum
DÓMSMÁL Rúmlega tvítug kona sem
stakk fimm ára stúlku í brjóstið í
Reykjanesbæ í lok september var
í gær sýknuð af ákæru um tilraun
til manndráps. Kemst dómurinn að
þeirri niðurstöðu að konan sé ósak-
hæf sökum geðklofa og atferlisrask-
ana af völdum kannabisneyslu. Hún
var dæmd til vistunar á stofnun.
Konan játaði strax við skýrslu-
tökur hjá lögreglu að hafa bankað
á útidyrnar á heimili stúlkunnar
og stungið stúlkuna þegar hún kom
til dyra. Sagðist hún hafa farið að
heimilinu í þeim tilgangi að skaða
heimilisföðurinn, sem hefði hótað
henni líkamsmeiðingum, en síðan
ákveðið að stinga stúlkuna. Hún
gat ekki gefið skýringar á því hvers
vegna hún veittist að barninu.
Konan gekkst undir skoðun
tveggja sálfræðinga sem komust
að þeirri niðurstöðu að hún ætti
við alvarlega geðræna kvilla að
stríða. Hún væri erfið í samskipt-
um og hefði neytt kannabisefna
nær daglega í lengri tíma. Þá hefði
hún verið misnotuð kynferðislega
af fósturföður sínum frá miðju ári
2002 til ársloka 2003.
Fimm ára stúlkan kemur til með
að ná sér að fullu, en árásarkonan
er þó dæmd til að greiða henni 900
þúsund krónur í skaðabætur. Skaða-
bótakröfu fyrir hönd ellefu ára
systur stúlkunnar sem varð vitni að
árásinni var vísað frá vegna van-
reifunar. - sh
Ung kona sem stakk fimm ára stúlku sýknuð af ákæru um manndrápstilraun:
Árásarkonan í Keflavík talin ósakhæf
AF VETTVANGI Konan var handtekin á
heimili sínu og streittist á móti lögreglu
við handtökuna. FRÉTTABLAÐIÐ/VILHELM
KJÖRKASSINN
Borðar þú skötu á Þorláks-
messu?
Já 46%
Nei 54%
SPURNING DAGSINS Í DAG:
Ert þú búin(n) að kaupa allar
jólagjafir?
Segðu skoðun þína á visir.is.