Fréttablaðið - 22.12.2009, Blaðsíða 18

18 22. desember 2009 ÞRIÐJUDAGUR
Peysa, maskari og gloss
Tuttugu og fjögurra ára Reykvíkingur
hefur verið kærður fyrir að hafa um
miðjan október stolið úr Hagkaup-
um við Smáralind peysu, maskara
og glossi að andvirði 10.973 krónur.
Í ákæru kemur fram að verslunin
krefjist 4.999 króna skaðabóta.
Málið fer fyrir dóm í janúarlok.
Stal rakspíra
Átján ára gamall Reykvíkingur var
staðinn að því að stela glasi af
rakspíra sem kostaði 6.299 krónur
í verslun Hagkaupa við Smára-
lind undir lok október. Krafist er
refsingar og skaðabóta upp á 6.299
krónur. Málið fer fyrir Héraðsdóm
Reykjavíkur í lok janúar.
DÓMSMÁL
UMHVERFISMÁL Skemmdarverk eru
víða unnin á heimilum á Íslandi
þegar til þess ófaglærðir menn
aftengja lögbundnar rafbindingar,
svo íbúðirnar uppfylla ekki leng-
ur staðla um raföryggi. Rafkerf-
ið verður stórhættulegt og segul-
svið getur rokið upp úr öllu valdi.
Svo segir í ábendingu frá Guðlaugi
Kristni Óttarssyni öreindafræð-
ingi og kennara, sem hann sendi
Neytendastofu á dögunum.
Til að kóróna ofangreint selji
þessir menn síðan íbúum verð-
lausa kopargreiðu á 55.000 krónur
svo hún dragi í sig rafmengunina.
Guðlaugur telur að þessi starfsemi
Kletts ehf. sé hættuleg og hrein
svik við neytendur.
„Ég er sífellt að rekast á ný til-
felli þar sem búið er að selja fólki
þennan töfrabúnað,“ segir hann og
bætir við að efniskostnaður slíkr-
ar kopargreiðu sé undir þúsund
krónum.
Garðar Bergendal er eigandi
Kletts. Hann segist aldrei eiga
við rafkerfi í húsum nema hafa til
þess bæran rafvirkja með sér. „Ég
kannast ekkert við þetta. Ég hef
ekkert leyfi til að rífa jarðbind-
ingar úr sambandi. Ég er bara að
mæla rafsegulsvið í húsum,“ segir
hann. Öðru nær, komi hann að slík-
um húsum, bendi hann íbúum á
hættuna.
Garðar kannast heldur ekki við
að selja kopargreiður. „Ég veit
ekkert hvað maðurinn er að tala
um einu sinni,“ segir hann.
Hann var þá spurður um aug-
lýsingu á heimasíðu sinni, þar sem
segir:
„Rafbylgjur eru allt í kringum
okkur, og geta valdið [...] ýmsum
kvillum hjá fólki og dýrum. Besta
leiðin til að koma í veg fyrir þetta
er að umpóla tenglum, og koma
fyrir rafbylgjutæki í jörðu sem
stöðvar neikvæðar bylgjur.“
Um þetta segir Garðar: „Jú, ég
sel rafbylgjutæki, ég kannast við
það.“
Spurður úr hverju tækin séu
smíðuð segist hann ekki hafa hug-
mynd um það. Hann selur þau á
milli fimmtíu og sextíu þúsund
krónur, en veit ekki hvað þau kosta
í framleiðslu. Hann selji tækin við
sama verði og hann kaupi þau á.
„Hvernig kemur mönnum til
hugar að þetta sé svindl?“ spyr
Garðar og vísar til jákvæðra
umsagna fólks á heimasíðu sinni.
klemens@frettabladid.is
Varar við
verðlausu
rafmagnsdóti
Kennari í rafeindatækni hefur sent Neytendastofu
erindi um að Klettur ehf. selji fólki verðlaust drasl
til að minnka rafmengun. Að fyrirtækið fremji
skemmdarverk á rafkerfum. „Ég sel rafbylgjutæki,“
segir eigandi Kletts.
GUÐLAUGUR KRISTINN ÓTTARSSON Gaumgæfir hér kopargreiðu, sem hann segir
selda á 55.000 krónur. Hana kosti skamma stund og innan við þúsund krónur að
búa til. FRÉTTABLAÐIÐ/PJETUR
KOPARGREIÐAN SJÁLF
BANDARÍKIN, AP Demókratar í öld-
ungadeild Bandaríkjanna telja nú
nánast öruggt að frumvarp um
nýja skipan heilbrigðistrygginga
verði samþykkt í deildinni fyrir
jól.
Tveir óháðir þingmenn greiddu
atkvæði með demókrötum um
málsmeðferð snemma í gær, og
var þar með komið í veg fyrir að
repúblikanar geti haldið uppi mál-
þófi til að tefja frumvarpið svo
lengi sem þeim sýnist.
Verði frumvarpið samþykkt í
öldungadeild á þingið samt eftir
að samræma það frumvarpi um
sama mál sem fulltrúadeild þings-
ins samþykkti í nóvember.
Töluverður munur er á frum-
vörpum deildanna. Meðal annars
eru ákvæði um fóstureyðingar
mun strangari í frumvarpi full-
trúadeildarinnar en í þessu frum-
varpi sem öldungadeildin hefur nú
til meðferðar.
Endanleg útgáfa frumvarpsins
verður síðan send Barack Obama
Bandaríkjaforseta til undir-
ritunar.
Megintilgangur frumvarpsins
er að tryggja nánast öllum Banda-
ríkjamönnum sjúkratryggingar,
sem hefur verið eitt helsta baráttu-
mál demókrata í Bandaríkjunum
áratugum saman.
- gb
Demókratar í öldungadeild koma í veg fyrir málþóf um heilbrigðislög:
Samþykki nú nánast öruggt
HARRY REID Leiðtogi meirihluta demó-
krata í öldungadeild Bandaríkjanna.
FRÉTTABLAÐIÐ/AP
DÓMSMÁL Tveir menn um þrítugt
hafa verið ákærðir fyrir kanna-
bisræktun.
Þeim er gefið að sök að hafa
laugardaginn 28. mars 2009 að
Freyjubrunni 3 og 5 í Reykjavík
haft í vörslum sínum í sölu- og
dreifingarskyni rúmlega tvö
kíló af maríjúana og 181 kanna-
bisplöntu. Jafnframt að hafa um
nokkurt skeið fram til þess dags
ræktað kannabisplöntur.
Krafist er upptöku á 23 gróð-
urhúsalömpum, tuttugu spennu-
breytum, tuttugu perum, einu
flúorljósi, fimm viftum og tveim-
ur mótorum sem hald var lagt á.
- jss
Tveir ræktendur ákærðir:
Með tvö kíló af
maríjúana
SAMGÖNGUR Nafngift á nýjum og
breyttum Djúpvegi vefst fyrir
Vegagerðarmönnun og heima-
mönnum, að því er fram kemur í
nýjasta tölublaði Framkvæmda-
frétta Vegagerðarinnar. Vegurinn
liggur frá Hólmavík til Gilsfjarð-
ar um Arnkötludal og Gautsdal og
kemur í stað þess er lá um Trölla-
tunguheiði. G. Pétur Matthíasson,
upplýsingafulltrúi Vegagerðar-
innar, segir í pistli að Vegagerð-
in hafi nefnt veginn Djúpveg um
Arnkötludal og einnig Djúpveg um
Þröskulda en sá heitir hæsti hluti
vegarins sem þarf helst þjónustu
að vetri til. Arnkötludalur liggur
norðan Þröskulda en Gautsdalur
að sunnanverðu.
Pétur bendir á að hægt væri að
tala um Djúpveg um Gautsdal,
Þröskulda og Arnkötludal og nota
viðeigandi örnefni eftir því við
hvaða hluta vegarins er átt. Hann
segir Vegagerðina óska eftir sjón-
armiðum heimamanna en bendir á
að þeim sem vinna við veginn líki
best við Þröskuldarnafnið. - sbt
Vegagerðina vantar veganafn:
Vandræði með nafn
á nýjum Djúpvegi
BLÁTT JÓLATRÉ Þetta bláa jólatré með
silfurkúlum stendur á götu í Sjanghaí
í Kína, þar sem fyrirtæki og stjórnvöld
hafa verið iðin við að skreyta.
NORDICPHOTOS/AFP
Ég hef
ekkert
leyfi til að rífa
jarðbindingar
úr sambandi.
Ég er bara að
mæla rafsegul-
svið í húsum.
GARÐAR BERGENDAL
EIGANDI KLETTS