Fréttablaðið - 22.12.2009, Blaðsíða 20
20 22. desember 2009 ÞRIÐJUDAGUR
nær og fjær
„ORÐRÉTT“
■ Enginn
flytjandi hefur
komið fleiri
lögum á topp tíu
bandaríska smá-
skífulistans en
Madonna, alls
37. Þeim árangri
náði hún 12.
apríl 2008 þegar
smáskífan „4 Minutes“ komst á
topp tíu. Þar með hrifsaði hún
36 ára gamalt met Elvis Presley.
Madonna er líka sá sólóflytjandi
sem hefur komið flestum lögum
í röð á Topp 20 breska smáskífu-
listans, alls 64.
FRÓÐLEIKSMOLI
MADONNA SKÁKAR
ELVIS
„Það sem ég verð mest vör við er að það er verið
að undirbúa helgihald í kirkjum landsins fyrir
jólin,“ segir Steinunn Arnþrúður Björnsdóttir,
verkefnisstjóri á Biskupsstofu, oftast kölluð Adda
Steina. Hún segir alltaf mikið að gerast í kirkjum
á þessum árstíma, bæði við að undirbúa helgi-
haldið á jólunum, en ekki síður við tónleika og
fleira sem tengist aðventunni.
„Það er mikið lagt upp úr jólahelgihaldi á
Íslandi, og það kemur ekki af sjálfu sér,“ segir
Adda Steina. Þannig séu prestar, organistar,
kirkjuverðir, kirkjukórar og barnakórar að
undirbúa helgihaldið. „Ég syng með kirkjukór
Grafarvogskirkju um jólin, og við erum farin að
æfa dagskrána. Það er ómetanleg tilfinning að
syngja jólasálmana,“ segir Adda Steina.
Kórinn mun syngja í messu klukkan 18 á
aðfangadagskvöld, aftur á jóladag, og svo í
hefðbundinni sunnudagsmessu þriðja í jólum. Til
viðbótar mun svo kórinn syngja á sjúkrastofnun
yfir jólin. „Það er mjög gaman að syngja um jólin,
þetta er svo hátíðlegt og alveg einstök tilfinning,“
segir Adda Steina.
Hún segir jólaundirbúninginn langt kominn
heima við, en í fjölskyldu eru auk
eiginmannsins tveir tánings-
piltar.
„Ég stressa mig nú ekki á
jólaundirbúningi. Við höfum
gaman af því að senda
jólakort svo við leggjum
alltaf mikla vinnu í það. Við
erum búin að baka fjórar sort-
ir, og tvær eru þegar búnar. Við
leggjum mest upp úr samveru á
aðventunni, og ætlum að fara
að höggva jólatré í Heið-
mörk,“ segir Adda Steina.
HVAÐ ER AÐ FRÉTTA: STEINUNN ARNÞRÚÐUR BJÖRNSDÓTTIR VERKEFNISSTJÓRI
Einstök tilfinning að syngja á jólum
Jökull Gíslason lögreglu-
maður var í níu vikna
skiptidvöl hjá lögreglunni
í Kaupmannahöfn á dög-
unum. Þar kynntist hann
gengjastríðum, starfsemi
Vítisengla, gagnsemi
lögregluhunda, mansals-
málum og fleiru. Hann tók
meðal annars þátt í áhlaupi
á Kristjaníu með dönsku
óreirðalögreglunni, sem
hann segir frá hér.
„Fjörið byrjaði með því að ég
fékk að vera með í áhlaupi á
Kristjaníu,“ segir Jökull Gíslason
lögreglumaður hjá lögreglunni á
höfuðborgarsvæðinu.
Jökull var í níu vikur í skipti-
dvöl hjá lögreglunni í Kaup-
mannahöfn og kynntist þar allt
öðru umhverfi en lögreglan á
Íslandi starfar í. Hann kynntist
gengjastríðum, rótgróinni starf-
semi Vítisengla. gagnsemi tuga
lögregluhunda, mansalsmálum
og svo mætti áfram telja.
„Óeirðalögreglan fer inn í
Kristjaníu tvisvar eða oftar í
mánuði,“ útskýrir Jökull. „Það er
þó nokkuð síðan íbúar svæðisins
misstu yfirráð sín yfir hass sölunni
og í dag eru þeir í samkeppni um
markaðinn við Vítisengla með til-
heyrandi ofbeldi.“
Þegar lögreglan kom inn á
svæðið, hurfu allir hasssalarnir
eins og hendi væri veifað, því þeir
hafa komið sér upp öflugu viðvör-
unarkerfi.
„Það gerði ekkert til, hundarnir
komu og þennan dag var lagt hald
á þrjú kíló af hassi sem fundust
falin um svæðið. Ég var ekki í
lögreglubúningi þennan dag og
ef heimamönnum er illa við lög-
reglumenn í einkennisfötum þá er
þeim enn verr við þá sem ekki í
búningi. Meðan ég dvaldi þar tóku
ýmsir af mér myndir þannig að ég
er lítið á leiðinni þangað í frítíma
mínum í framtíðinni.“
Skömmu síðar var farið í annað
áhlaup í Kristjaníu og í þetta sinn
klæddist Jökull íslenskum lög-
reglubúningi.
„Þótt ég væri í búningi nú þá
komu nokkrir heimamanna til mín
og sögðust muna eftir mér frá því
síðast og voru lítt hrifnir af þessu
„alþjóðlega“ samstarfi dönsku
lögreglunnar. Kona kom til mín
og sýndi mér þegar hún skrifaði
nafnið mitt í bók. Ég var ekkert að
leiðrétta hana þar sem hún taldi
að nafnið mitt væri „Lögreglan“
því augljóslega var Police vinstra
megin á búningnum og því hlaut
hitt að vera nafnið. Þannig að ein-
hvers staðar í Kristjaníu er skráð
að lögreglumaðurinn „Lögreglan“
hafi verið þar.
Jökull eyddi tveimur dögum
með hundadeild lögreglunnar ytra
og þótti mikið til koma.
„Ég fékk að fylgjast með
sprengiefnaleitarhundum og
fíkniefnaleitarhundum en mest
þótti mér til lögregluhundanna
koma. Þeir eru þjálfaðir til að
leita uppi fólk og sönnunargögn
og ná mönnum og yfirbuga þá.
Hundarnir finna allt og alla. Þeir
standa kyrrir meðan sá sem þeir
finna gerir það. Ef hann hreyfir
sig fara þeir samstundis í hann.“
jss@frettabladid.is
Æsilegt áhlaup á Kristjaníu
Í KRISTJANÍU Jökull í íslenska lögreglubúningnum í áhlaupi á Kristjaníu. Íbúi þar taldi
að nafnið hans væri vinstra megin á búningnum og skrifaði það vandlega niður.
LÖGREGLUHUNDAR Nær allir hundarnir
eru Scheffer og allir karlkyns. Það væri
ansi óheppilegt að vera með lóðatík á
vettvangi og lítið gagn í hundunum þá.
Erlendir skiptinemar á vegum AFS
hafa undanfarna daga unnið sem
sjálfboðaliðar hjá Mæðrastyrks-
nefnd Reykjavíkur. Ungmennin
langaði að leggja sitt af mörkum
til þess að aðstoða Mæðrastyrks-
nefnd við sín brýnu verkefni, enda
er hefð fyrir því að skiptinemar
sinni sjálfboðastarfi.
„Ég er aðallega búinn að vera að
setja kartöflur í poka í dag,“ segir
Carlos Alfredo Maneiro Merida,
en hann er einn skiptinemanna.
Hann er sautján ára gamall og er
frá Venesúela. Hann hefur áður
unnið sem sjálfboðaliði í heima-
landinu. „Í gær flokkaði ég ávexti
og nammi og fleira svoleiðis, þetta
er bara mjög gaman.“ Hann bætir
því við að skiptinemarnir gangi
eiginlega bara í þau störf sem
þurfi. Undantekningin hjá honum
sé að raða í poka. „Það er sett í
poka eftir listum og ég skil ekki
alveg hvað stendur á þeim.“
Ragnhildur G. Guðmundsdóttir,
formaður Mæðrastyrksnefndar
Reykjavíkur, segir algengt að
sjálfboðaliðar frá skólum, fyrir-
tækjum og félagasamtökum hjálpi
til. „Ég hef ekkert nema gott um
það að segja. Og þessir ungu
krakkar standa sig alveg ofboðs-
lega vel,“ segir Ragnhildur. „Þau
eru fljót að átta sig og læra og svo
eru þau blíðleg og hafa fallega
framkomu.“ Hún segir hjálpina
alls staðar að vera ómetanlega.
„Öðruvísi væri þetta ekki hægt.
Þegar allir leggjast á eitt að vinna
verkefni þá gengur það.“
- þeb
Hjálpa Mæðrastyrksnefnd
CARLOS Er vanur sjálfboðaliðastarfi frá
heimalandi sínu, Venesúela.
FRÁ ÚTHLUTUN Mæðrastyrksnefnd Reykjavíkur hefur úthlutað gjöfum í samstarfi við
Rauða krossinn og Hjálparstarf kirkjunnar fyrir jólin. FRÉTTABLAÐIÐ/VILHELM
Upplýsingar um útsölustaði á
www.raymond-weil.com
Merkilegur hæfileiki
„[Ég] teikna sjálfur eins og
tveggja ára sofandi barn.“
PÉTUR ÖRN GUÐMUNDSSON, TÓN-
LISTARMAÐUR Í BUFFINU, HEFUR
NÝLEGA TEKIÐ UPP Á ÞVÍ AÐ TEIKNA
SKOPMYNDIR.
Fréttablaðið 21. desember.
Að sjá tvöfalt
„Það var tvöfalt sjokk að
verða vitni að bílveltu þar
sem fólk virtist vera stórslas-
að og að sjá lögguna draga
það út og handtaka það.“
LÁRA BJÖRG BJÖRNSDÓTTIR VARÐ
VITNI AÐ GLÆFRAAKSTRI OG HAND-
TÖKU. Fréttablaðið 21. desember.
SKÓLABRÚ Potturinn og pannan opnaði
nýverið í húsinu við Skólabrú.
FRÉTTABLAÐIÐ/VALLI
FÓLK Veitingastaðurinn Potturinn
og pannan stefnir á að framreiða
800 kíló af skötu á morgun á Þor-
láksmessu.
Skatan verður framreidd við
Skólabrú en bæði verður hægt
að borða skötuna inni á staðnum
og fyrir utan, þar sem stóru
tjaldi verður komið upp. Einnig
verður gestum boðið að smakka
á selkjöti á staðnum, sem verður
opinn fram á kvöld. - þeb
Potturinn og pannan:
Með 800 kíló af
skötu á morgun