Fréttablaðið - 22.12.2009, Blaðsíða 42
22. DESEMBER 2009 ÞRIÐJUDAGUR6 ● fréttablaðið ● jólin koma
Bubbi Morthens heldur sína
25. Þorláksmessutónleika í Há-
skólabíói. Hann segist hafa séð
nokkur af sömu andlitunum á
öllum þessum tónleikum.
Þorláksmessutónleikar Bubba
Morthens verða nú haldnir í 25.
sinn, en þeir fyrstu fóru fram á
Hótel Borg árið 1985. Spurður
hvort hann finni fyrir því að tón-
leikarnir séu orðnir að föstum
lið í hátíðahöldum margra seg-
ist Bubbi ekki geta sagt til um
það. „Þetta byrjaði sem nokkurs
konar uppskeruhátíð hjá mér, sem
síðan vatt upp á sig. En jú, ég sé
oft sömu andlitin í áhorfendahópn-
um. Nokkra hef ég séð á hverjum
einustu Þorláksmessutónleikum,“
segir hann.
Tónleikunum hefur verið út-
varpað í beinni útsendingu frá
árinu 1990. Engin breyting verð-
ur gerð á þeirri venju í ár og geta
áhugasamir stillt á Bylgjuna til
að fá Bubba beint í æð. Nú bæt-
ist hins vegar við bein sjónvarps-
útsending á Stöð 2. Bubbi segir
efnistökin á tónleikunum jafn-
an ráðast af því í hvernig stemn-
ingu hann er hverju sinni. Oftar en
ekki ræði hann um árið sem er að
líða og það sem hefur gerst í þjóð-
félaginu. „Ef einhvern tíma hefur
verið ástæða til að skoða þessa
hluti þá er það núna. Það hlýtur
að vera hægt að gera það án þess
að maður sé stimplaður komm-
únisti, kapítalisti og útrásar- eða
innrásarsleikja. Það loðir dálítið
við umræðuna í dag að verið er að
klína alls kyns stimplum á fólk til
að gera það ótrúverðugt. Oftar en
ekki vita þeir sem það gera upp á
sig sökina og skömmina.“
Allt þar til um síðustu jól höfðu
Þorláksmessutónleikarnir verið
haldnir á hinum ýmsu stöðum í
miðbænum. Að sögn Bubba léku
drykkjuskapur og fleiri óþægindi
stórt hlutverk í þeirri ákvörðun að
færa tónleikana vestur í Háskóla-
bíó. „Ég hef séð fólk moka kóki í
nefið á sér beint fyrir framan mig
þar sem ég er að spila. Fyrir tveim-
ur árum mætti eitthvert gengi og
fór að berja fólk, sem hafði ekk-
ert til saka unnið annað en að vera
á tónleikum með Bubba. Þarna
var meðal annars fólk með börn,
og svona löguðu nenni ég ekki að
standa í. Nú bíð ég auðvitað eftir
því að geta haldið mínu fyrstu Þor-
láksmessutónleika í nýja tónlistar-
húsinu,“ segir söngvarinn.
Söngkonan Hafdís Huld sér
um upphitun á tónleikunum og
Bubbi lofar slatta af nýjum lögum
í bland við þau eldri og þekktari.
Á aðfangadag heldur Bubbi svo á
Litla-Hraun þar sem hann leik-
ur og syngur fyrir fangana eins
og hann er vanur. Hafdís Huld og
Einar Már Guðmundsson rithöf-
undur verða með í för.
- kg
Byrjaði sem uppskeruhátíð
Bubbi var í Garðheimum að sækja sér jólatré þegar ljósmyndari Fréttablaðsins hitti á hann. Hann segir Þorláksmessutónleikana
hafa byrjað sem uppskeruhátíð sem síðan vatt upp á sig. FRÉTTABLAÐIÐ/STEFÁN
Jólin eru handan við hornið og heimilið er á hvolfi.
Tíminn flaug og aldrei gafst stund til að þrífa eld-
hússkápana eða dusta rykið af bókunum í bókahill-
unum. Það sem verra er að ekki gafst heldur tími til
almennra þrifa, því það var í of mörg horn að líta.
Hins vegar er hægt að kippa því í liðinn á örskammri
stund. Til þess þarf þvottakörfu, ruslapoka, ryksugu
og tuskur.
1. Leggðu áherslu á að þrífa eldhúsið og stofuna, þar sem
flestir eru á jólunum. Taktu allt dót sem liggur á lausu,
eins og föt, leikföng, tímarit og fleira og settu í stóra
þvottakörfu eða kassa. Fáðu börnin til að hjálpa og gera
slíkt hið sama í herbergjunum sínum.
2. Tíndu til allt rusl og settu í ruslapokann.
3. Safnaðu saman glösum og diskum og farðu
með í eldhúsið.
4. Þurrkaðu af borðum og hillum, sérstaklega
þar sem skíturinn er sýnilegur.
5. Farðu í eldhúsið og safnaðu óhreinu
leirtaui í vaskinn eða í uppþvottavélina.
Settu rusl í ruslapoka og þurrkaðu af.
6. Farðu inn á bað og helltu smá hreinsilegi
(helst umhverfisvænum) ofan í klósettið og
leyfðu því að standa í smá stund og sturtaðu
svo niður. Safnaðu öllu lauslegu í þvottakörfu
og þurrkaðu af.
7. Ryksugaðu gólfin og ef tími gefst
skaltu moppa gólfin og þá helst í
stofunni og eldhúsinu.
8. Ef tími leyfir skaltu ganga frá
hlutunum sem þú safnaðir í þvotta-
körfuna, eða settu það inn í herbergi
sem er ekki notað og gakktu frá því
við fyrsta tækifæri.
9. Dragðu úr rafmagnsljósum og
kveiktu á kertum.
Þrif á síðustu stundu
Með nokkrum einföldum ráðum er hægt að gera allt
glansandi og flott á örskammri stundu.