Fréttablaðið - 22.12.2009, Blaðsíða 70
54 22. desember 2009 ÞRIÐJUDAGUR
sport@frettabladid.is
SUND Ljósmynd Sævars Geirs
Sigurjóns sonar „Super Challeng-
ing“ sem tekin var á Gullmóti KR
2009 er sundmynd ársins að mati
evrópska Sundsambandsins og
þessi 42 ára Akureyringur fékk að
launum ferð lífsins „Þetta er það
stærsta sem ég hef lent í. Þetta
var alveg svakalega flott ferð og
ég á ekki von á því að lenda í svona
aftur,“ segir Sævar um ferðina
fyrr í þessum mánuði.
„Þetta var eins og í bíómynd-
unum þegar ég lenti því það beið
mín maður með skilti á flugvell-
inum.Ég var leiddur út í míni-
Limmósínu. Maður var keyrður
á fimm stjörnu hótel þar sem ég
var í góðu yfirlæti. Það var allt
borgað fyrir mig og ég fékk síðan
passa þar sem ég komst meira eða
minna um allt sundsvæðið,“ segir
Sævar.
„Ég mátti taka myndir og þurfti
bara að sýna passann því þá var
vitað að ég væri gestur keppninnar.
Ég hef aldrei upplifað annað eins
og leið bara eins og ég væri prins,“
segir Sævar sem fékk verðlaunin
afhent í sérstökum galakvöldverði
þar sem öll sundelítan var saman-
komin.
„Ferðin var náttúrlega verðlaun
númer eitt, tvö og þrjú en síðan
fékk ég Mont Blanc penna. Þetta
er rosalega flott viðhafnarútgáfa
af þessum penna. Hann er tölusett-
ur og það liggur við að það kosti
1.500 kall að taka eitt strik,“ segir
Sævar og skellihlær.
Katrín Malmquist, þjálfari og
innanbúðarkona hjá sundfélag-
inu Óðni, hvatti Sævar til þess að
senda myndir sínar í keppnina.
„Hún sagði við mig, Sævar minn
þú átt alveg haug af myndum sem
þú hefur verið að taka og mér sýn-
ist að þú eigir alveg fyllilega skilið
að taka þátt í þessu,“ segir Sævar.
„Hver mátti senda tíu myndir
og ég valdi úr tíu myndir hjá mér
sem voru síðan allar samþykkt-
ar inn í keppnina. Það kom mér
þokkalega á óvart. Svo var svoköll-
uð vinsælda kosning fyrst þar sem
almenningur um allan heim gat
kostið. Þar endaði þessi sigurmynd
í níunda sæti. Síðan var það sund-
elítan sem velur vinningsmyndina.
Þegar þessi vinsældakosning var
búin þá var ég mjög ánægður að
þessi mynd mín náði svona langt,“
segir Sævar en hún átti eftir að ná
enn lengra.
„Karen hringdi í mig og þá var
hún búin að fá tölvupóst frá Len,
Sundsambandi Evrópu, um að
þessi mynd hefði unnið og mér
væri boðið á Evrópumeistaramótið
í Tyrklandi,“ segir Sævar.
„Þessi mynd er tekin á Gull-
móti KR árið 2009. Þarna voru
nokkrir erlendir keppendur, þar
á meðal einhverjir frá Helsingör
í Danmörku. Átta bestu komast í
úrslitasund sem kallast „Super
Challenge“. Þá eru ljós og tónlist
í aðalhlutverkum og ægileg disk-
ó stemning. Það er mjög erfitt að
mynda, menn ná ekki nema einni
og einni mynd og þá er hún yfir-
leitt svört,“ segir Sævar, sem getur
verið ánægður með að hafa náð
svona frábærri mynd við svona
erfiðar aðstæður.
Sigurmyndin er af ungri danskri
sundkonu en ekki var strax ljóst
hver væri á myndinni.
„Við vildum reyna að komast að
því hvaða sundmaður þetta væri.
Þá kom í ljós að þetta var Dani sem
var að synda í þessu sundi. Þeir
urðu alveg vitlausir við að heyra
þetta og það fór allt á annan end-
ann í þessu litla sundfélagi í Dan-
mörku að frétta af því að þeirra
sundmaður væri á þessari vinn-
ingsmynd,“ segir Sævar.
„Mamma stelpunnar hafði sam-
band við mig og spurði mig hvort
hægt væri að fá myndina í meiri
gæðum en hún var á netinu. Að
sjálfsögðu varð ég við þeirra
beiðni,“ segir Sævar.
Sævar er stoltur af myndinni
sinni og má líka vera það. „Þessi
mynd er mér mjög kær og mér
finnst hún alltaf vera betri og
betri. Ég ákvað að setja hana á
striga fyrir jólin, svona fyrir sjálf-
an mig. Ég hef ekkert verið rosa-
lega mikið að flíka mínum mynd-
um en ég held ég fari bara að gera
það í kjölfarið á þessu,“ sagði
Sævar. ooj@frettabladid.is
Leið eins og prins á EM
Ljósmynd Akureyringsins Sævars Geirs Sigurjónssonar bar sigur úr bítum í ljós-
myndasamkeppni evrópska Sundsambandsins fyrir árið 2009. Sævari var boðið
á EM í Tyrklandi þar sem hann tók við verðlaunum sínum við sérstaka athöfn.
SIGURMYNDIN Mynd Sævars Geirs var valin sundmynd ársins af evrópska sundsambandinu. MYND/SÆVAR GEIR SIGURJÓNSSON
SÆVAR OG VERÐLAUNIN Sævar Geir Sigurjónsson fékk viðhafnarútgáfu af Mount
Blanc pennanum. Hér sýnir hann myndin og pennann. MYND/SÆVAR GEIR SIGURJÓNSSON
Logi Geirsson lék lítið með Lemgo þegar liðið tapaði óvænt fyrir
Hannover Burgdorf. Fréttir um að Logi væri aftur orðinn meiddur
fóru sem eldur í sinu um netheima. Það hefði verið mikið áfall
fyrir skyttuna ef hann væri meiddur á ný enda nýkominn á ferðina
eftir sex mánuði á hliðarlínunni vegna axlarmeiðsla.
„Fólk þarf ekkert að hafa áhyggjur. Það er í fínu lagi með
mig. Ég var aðeins slappur í kálfanum en ekkert til þess að
hafa áhyggjur af. Það var ákveðið að láta mig spila lítið út
af því en ég verð með á móti Flensburg á Þorláksmessu,“
sagði Logi, sem hefur fengið nóg af endalausum
meiðsla fréttum um sjálfan sig og hlakkar til að láta ljós
sitt skína á nýjan leik. Hann ætlar að byrja á því á Þor-
lák gegn Alexander Petersson og félögum í Flensburg
en leikurinn verður í beinni á Stöð 2 Sport.
„Íslendingar fá að sjá mig í stuði. Það er kominn
tími til að gera eitthvað af viti og ég stefni á að bjóða
upp á skemmtileg fögn og svona,“ sagði Logi brattur
en leikurinn er báðum liðum afar mikilvægur. Lemgo
er í sjötta sæti deildarinnar en Flensburg í því þriðja.
Samt munar ekki nema tveim stigum á liðunum.
Gengi Lemgo í vetur hefur verið skrykkjótt og Logi segir að
stemningin hjá félaginu hafi oft verið betri.
„Það á greinilega að fara að spara. Það verður ekki endurnýj-
að við landsliðsmarkvörðinn Lichtlein og svo er Mimi Kraus
væntanlega að fara til Rhein-Neckar Löwen. Það er ekki
alveg nógu góð stemning hérna og mórallinn oft verið
betri,“ sagði Logi, sem vill meina að sóknarleikmenn
liðsins hafi ekki staðið undir væntingum í vetur.
„Vörnin og markvarslan hefur verið frábær
en sóknarleikurinn sveiflukenndur. Kraus og
Glandorf í skotkeppni og þeir spila annað
hvort í heimsklassa eða 3. deildarklassa,“
sagði Logi.
Jólaundirbúningur var á fullu hjá honum í Þýskalandi í
gær og Logi sagðist vera kominn í jólaskap.
„Við fáum sent hangikjöt að heiman og svo var ég að
kaupa hamborgarhrygg; verð með humarsúpu og hrygg í
matinn. Það verður afar ljúft,“ sagði Logi kátur.
LOGI GEIRSSON: FRÉTTIR AF NÝJUM MEIÐSLUM ERU STÓRLEGA ÝKTAR OG VERÐUR KLÁR GEGN FLENSBURG
Íslendingar fá að sjá mig í stuði á Þorláksmessu
> Valsstúlkur styrkja sig
Topplið Vals í N1-deild kvenna mætir enn sterkara til
leiks á nýju ári því Valur hefur gert samning við skyttuna
Nínu K. Björnsdóttur. Nína skrifaði undir
eins árs samning við Val. Nína hefur
undanfarin ár leikið með Haukum
og fyrsti leikur hennar með Val
verður einmitt gegn Haukum þann
9. janúar en hún fær leikheimild
tveim dögum áður. Nína hefur leikið
með Stjörnunni, ÍBV og Haukum og
verið með sterkari leikmönnum deild-
arinnar. Kvennalið Vals verður því enn
illviðráðanlegra eftir áramót en Valsstúlkur
hafa ekki enn tapað leik í vetur og aðeins gert
tvö jafntefli.
Stapahrauni 7
220 Hafnarfjörður
FÓTBOLTI Það kom fáum á óvart
að Argentínumaðurinn Lionel
Messi og hin brasilíska Marta
skyldu í gær vera krýnd besta
knattspyrnufólk heims árið 2009
af FIFA.
Messi er fyrsti Argentínu-
maðurinn sem hlýtur þessi verð-
laun en Marta var að vinna fjórða
árið í röð, sem hefur aldrei gerst
áður.
„Ég vil þakka öllum félögum
mínum hjá Barcelona. Þetta eru
verðlaun fyrir okkur alla. Án
þessara leikmanna hefði ég aldrei
náð þessum árangri. Þetta hefur
verið ótrúlegt ár fyrir Barce-
lona og mig sjálfan,“ sagði Messi
er hann tók á móti verðlaunum
sínum. Cristiano Ronaldo átti
mark ársins 2009. Það var markið
sem hann skoraði með Manchest-
er Unitedd gegn Porto á útivelli í
Meistaradeildinni.
Einnig var lið ársins til-
kynnt og það lítur svona út að
þessu sinni: Iker Casillas (Real
Madrid), John Terry (Chelsea),
Nemanja Vidic (Man. Utd), Patr-
ice Evra (Man. Utd), Dani Alves
(Barcelona), Xavi (Barcelona),
Andres Iniesta (Barcelona), Ste-
ven Gerrard (Liverpool), Lion-
el Messi (Barcelona), Cristiano
Ronaldo (Real Madrid), Fernando
Torres (Liverpool). - hbg
Tilkynnt um val á besta knattspyrnufólki heims:
Messi og Marta best
BEST Í HEIMI Messi og Marta með verðlaunin sín í gærkvöldi. NORDIC PHOTOS/AFP