Vikan - 14.03.1963, Blaðsíða 4

Alltaf fjölgar Wolkswagen
Volkswagen
er ætíð ungur
„BREYTINGAR“ ti!l þess eins „AÐ BREYTA TIL“
hefir aldrei verið stefna Volkswagen, — og þess
veffna getur Volkswaken elzt með árunum en
þó haidist í háu endursöluverði. Engu að
síður er Volkswagen í fremstu röð, tækni-
lega, því síðan 1948 hafa ekki færri en
900 gagnlegar endurbætur farið fram á
honum OG NÚ SÍÐAST NÝTT HITUN-
ARKERFI. Gjörið svo vel að líta inn
og okkur er ánægja að sýna yður
Volkswagen og afgreiða hann
fyrir vorið.
W O L K SVAGEN
er einmitt framleiddur fyrir yður
HEILDYERZLUNIN HEKLA H.F.
Laugavegi 170—172 — Reykjavík — Sími 11275.
Hækkar ekki...
Kæri Póstur.
Hvernig stendur á því að þið
auglýsið: Vikan stækkar án þess að
hækka. Og svo fær maður rukkun
upp á 250.00 kr arsþriðjunginn.
Annars líkar mér vel við Vikuna
að öðru leyti.
Ég vona að þú svarir þessu i
dálkinum þínum.
Svo óska ég Vikunni gæfu og
gengis á komandi árum.
Einn á Norðurlandi.
Þú hlýtur að eiga heima langt
fyrir norðan, vinur sæll, úr því
þú spyrð svona. Frá og með 42.
tbl. 1962 hækkaði Vikan í lausa-
sölu úr 15 krónum í 20 krónur,
en í áskrift úr 200 krónum í 250
krónur ársþriðjungslega. Þetta
var nákvæmlega samskonar
hækkun og dagblöðin og flest
önnur blöð höfðu gert hjá sér
þá fyrir skömmu. Um áramótin
var Vikan svo stækkuð úr 44
síðum í 52 síður, en verðið hækk-
aði ekkert, þrátt fyrir þessa
miklu stækkun, og þess vegna
var auglýst: Vikan stækkar án
þess að hækka. Við vonum, að
þér hafi ekki verið stækkunin á
móti skapi og eins hitt, að þu
viðurkennir að við höfum ekki
verið að leika á þig með þessari
auglýsingu.
Framhaldsleikrit...
Kæra Vika mín.
Þakka þér fyrir allar ánægju-
stundirnar og sérstaklega fyrn
framhaldssögurnar sem koma sér
mjög vel og sérstaklega í svéitinni.
Eg er nú ein af þessum sveitakon-
um sem hef líka gaman af að hlusta
á útvarpið. Er ekki hægt að koma
því á framfæri fyrir mig að hafa
þessi framhaldsleikrit hálftíma
seinna. Því alltaf þarf að mjólka
blessaðar kýrnar. Og það tekur
sinn tíma eins og annað. En ég hef
mjög gaman af því að hlusta á leik-
rit. Vertu svo blessuð og sæl. Lifðu
vel og lengi.
Sveitakona.
Blekkingar ...
Ég er einn af þeim, sem sækja
kvikmyndahúsin að staðaldri, og
eftir margra ára reynslu er ég loks
ins farinn að átta mig á því, að það
þýðir hreint ekkert að taka nokkurt
mark á kvikmyndaauglysingum
blaðanna — þær gefa nær ávallt
ranga hugmynd um myndina. En ég
er líka sannfærður um, að margir
í mínum sporum eru ekki búnir að
átta sig á þessu enn. Svívirðilegast
finnst mér samt, þegar auglýstar
eru ,,nýjar“ myndir, sem reynast
svo vera hundgamlar. Auk þess
hættir þessum ágætu bíóauglýsend-
um svolítið til að sleppa því að aug-
lýsa endursýningar á myndum, og
er hörmulegt til slíks að vita. Ef
mynd, sem sýnd er, er ekki alls-
kostar ný af nálinni, þá er reynt
með alls kyns brögðum að láta líta
svo út sem hún sé splunkuný eða
svo til. Til dæmis skrapp ég í bíó
um daginn og sá mynd, sem reynd-
ist þegar til kom mesti forngripur
— ágæt mynd, en það er ekki aug-
lýsendunum að þakka. En eina um-
sögnin, sem myndin fékk í auglýs-
ingunni, var, að leikstjórinn hefði
fengið verðlaun á kvikmyndahátíð
árið 1959. Þetta getur allt saman
verið satt, en tilgangurinn með því
að birta þetta endilega í sambandi
við þessa mynd er augljós. Svo að
þið sjáið, að jafnvel rútíneraður
bíógestur eins og ég getur látið
blekkjast af öllu skruminu.
Það á að vera krafa bíógesta, að
fá miða sína endurgreidda, og
kannski vel það, ef bíóauglýsendur
hafa í frammi blekkingar í blaða-
auglýsingum sínum.
Takk fyrir. Bíbí.
Stórbréf til
Skarphéðins Douglas
Rasmussen ...
Sæll og blessaður.
Farðu nú aldeilis gráskjóttur.
Koma beint úr eigin nös, vélindaður
af hakkamaskínu dobbeltheimsk-
unnar á Akureyri, eins og þú sért
nákvæmlega einn af þeim ösnum.
En vert þú eigi að gelta saman
gullnum smáskýjum yfir sjálfs
höfði, þótt ég spjalli við póststjóra
Vikunnar, jafn þekkingar- og
reynslulaus og þú hefir neyðzt til
að verða, svo skikkanlegur snáði
að uppruna. Veit ég vel, að Skarp-
héðinn hljóp yfir Markarfljót,
Douglas er marghöfðaður og Ras-
mussen barnaði eskimóa. Ekkert af
þessu getur þú. Þess vegna trúi ég
því, að gorið í þér taki að gutla
heldur spæleggslega, ef ætti að
fara að yfirheyra þig í heimspeki
Vesturlanda. Yfirborðið á tungu
þinni snýr niður, að hætti atóm-
skálda, en enginn varnagli sleginn,
svo að allri öfuguggalegri nýtízku-
spekis-kverkaslyddu ættir þú að
geta ælt um víðara lærdómsgat, en
gáfum þínum hefir hingað til veitzt.
Eigi getur þú þó það víkkað án
mergs þeirra heimspekinga sem
hugsað hafa af einlægni og alvöru.
Og eigi heldur nema auka þér sjálf-
ur sjón yfir deildarhringi mann-
legrar tilveru. Nema eigi spéspegla
atómskálda og dobbeltheimskunnar
á Akureyri lengur en að þeirri
stund sem leið í gær. í dag og á
morgun bíða opnir vegir ungs
manns, er vill endurfæðast úr yfir-
drifinni vitleysu fúaspreka upp-
lausnarinnar, sem að öðrum kosti
leiðir til hengingar með fjala-
strengjum í einskisverðu núlli
þeirra ævistunda, er skilja eftir
eyðimörk í aldaröðum framtíðar-
innar, sem heldur áfram á réttum
kili, þótt garpar eins og lærifeður
þínir hafi lifað.
Þökk fyrir skemmtunina.
Akureyri, 20. febrúar 1963.
Athugull.
Mig langar til að vita hvort þú
getur ekki hjálpað mér. Þannig er
mál með vexti að mig langar svo
geysilega mikið til að verða brún
á hörundið en háfjallasólir eru bara
svo dýrar að það er ekki fyrir hvern
sem er að kaupa þær. Þess vegna
langar mig til að vita hvort þú veizt
ekki um einhverjar stofur, þar sem
maður getur fengið að fara í sól-
bað undir svona háfjallasólarlömp-
um.
Ég vona að þið getið hjálpað mér
sem allra fyrst.
Með fyrirfram þökk.
Hvíta Skotta.
Ps. Ef maður þarf að borga fyrir
að fá svona nokkuð birt í blaðinu,
þá bið ég ykkur að láta mig vita
um leið og svarið kemur og þá skal
ekki standa á mér að senda ykkur
greiðslu. H. S.
------ — Ég er búinn að segja
það: „Pósturinn“ er enginn aug-
lýsingadálkur. En í símaskránni
eru nöfn á nokkrum ljósa- og
snyrtistofum, sem þú getur leitað
til. Annars eru allar líkur á því,
að þú losnir ekki í bráð við þessa
brúnkuþrá þína, svo að líklega
margborgar það sig fyrir þig að
fá þér einkasól. — Birting bréfa
kostar hreint ekki neitt, en birt-
ing auglýsinga kostar vænan
skilding.
Misræmi ...
Heiðraði Vikupóstur!
Vegna greina, sem birzt hafa í
tveim síðustu blöðum, undir nafn-
inu aðeins fyrir karlmenn, setjumst
við niður og ritum þér nokkrar
línur.
Þar sem við erum nú kvenmenn
og þar af leiðandi forvitnar eins og
þeim er flestum eiginlegt, þá lásum
við þessar greinar með mikilli at-
hygli, og veltum þeim lengi vel
fyrir okkur, og gættum að, hvort
þar væri ekki nokkur sannleiks-
korn í að finna, og við komumst
að þeirri niðurstöðu að þessi (ágæti)
kvennamaður hafði margt til síns
máls. Við ætlum ekkert að fara að
hallmæla greinum hans.
En hafið þið karlmenn litið í
ykkar eiginn barm, þið viljið, að
allar stúlkur séu ykkur undirgefn-
ar og eftirlátar, en viljið þó, að sú
útvalda sé hrein og óspjölluð mey!
Með fyrirfram þakklæti fyrir
birtinguna.
Þrjár veraldarvanar.
---------- Margar eru útvaldar, en
aðeins sárafáar uppfylla ströng-
ustu skilyrði. Annars er ég
hræddur um, að þið skiljið orð-
in „eftirlátsemi“ og „undirgefni“
í fullróttækri merkingu. — Lík-
lega dreymir flesta karlmenn um,
að sú útvalda sé hrein og óspjöll-
uð meyja. En þeir vita líka, að
slíkar kvinnur eru ekki á hverju
strái, svo ekki sé meira sagt. Það
er því hlutverk hverrar „útval-
innar“ að telja maka sínum trú
um, að hann sé fyrsti karlmað-
urinn, sem hún svo mikið sem
gefur hýrt auga. Óskhyggja
karlmannsins skipar honum svo
að trúa þessum þvættingi, og þá
eru allir ánægðir — karlmaður-
inn eigandi þessa dyggðadrottn-
ingu og kvenmaðurinn eigandi
þennan auðtrúa einfeldning.
Vandræði ...
Kæri Póstur.
Ég er í mestu vandræðum. Ég á
tvö börn, stúlku 6 ára og dreng eins
árs. Dóttir mín hefur verið hið
mesta fyrirmyndarbarn, bráðþroska
og skýr, en svo brá við, þegar litli
kútur kom í heiminn, að hún fór
að haga sér eins og smábarn, og nú
er hún farin að pissa undir á hverri
nóttu. Hvað í ósköpunum á ég að
gera við þessu? Mamma.
--------Þetta er ekki óalgengt
fyrirbæri og stafar slíkt yfirleitt
af því, að elldra barninu finnst
gengið framhjá sér og nýja
barninu sinnt fullmikið. Það fer
því að reyna að haga sér eins
og smábarn til að fá meiri um-
hyggju. — Oft getur það verið
af líkamlegum orsökum að barn
pissar undir, en mér virðist allt
benda til þess, að í þessu tilfclli
eigi þetta sér fyrst og fremst sál-
rænar orsakir. -— Þú skalt sem
fyrst bera þetta undir góðan sál-
fræðing — oft er hægur vandi
að kippa slíku í lag með réttri
sálarmeðferð. En ef ekki er ráðin
bót á þessu fljótlega, getur hún
dóttir þín beðið talsvert sálar-
tjón af, því að auðvitað dauð-
skammast hún sín fyrir þetta.
JACKIE
skyrtublússan
er komin í f jölbreyttu úrvali í verzlanir.
Heildverzlun:
Þórhallur Sigurjónsson h.í.
Þingholtsstræti 11. — Símar 18450 og 20920.
VIKAN II. tbl. — g