Vikan - 04.04.1963, Blaðsíða 8

— Það er venjan, að þær fari
heim á áttunda degi.
— Ekki eru þær allan þann
tima í bólinu?
— Nei, þær fara fram úr á
þriðja degi.
— Mig minnir, að ég hafi heyrt,
að segulbandið þarna á hillunni
fyri aftan þig gegni sínu hlutverki
hér á Fæðingarheimilinu.
— Já. Við setjum það í sam-
band við útvarpskerfi hússins á
hverjum degi, og útvörpum
þannig ca. þriggja kortéra þætti.
Á því eru leikfimisæfingar, sem
konurnar eiga að gera, mismun-
andi, eftir því hve langt er liðið
á sængurleguna. Þar eru líka
fræðsluerindi um hagnýt efni,
svo sem meðferð ungbarna og
fleira. Svo er puntað upp á með
léttri, klassískri músík. Ástæðan
til ])ess, að við tókum þetta upp
er sú, að við viljum að konurnar
hafi sem mest gagn og ánægju af
dvöl sinni hér, auk hvíldarinnar,
og þetta er eitt skref í þeirri við-
leitni. Þegar við fórum þess á leit
að fá tækið, mætti það miklum
skilningi hjá okkar yfirmönnum,
bæði borgarlækni og eins for-
stjóranum okkar, Hauki Bene-
diktssyni.
Svo höfum við hér annað tæki.
Það er sýningarvél. Við sýnum
konunum myndir, svokallaðar
„slides“ (litskuggamyndir),
sænskar, ameriskar og íslenzkar,
sem sýna ýmislegt heppilegt og
gagnlegt fyrir mæðurnar og hvað
gerist á meðgöngutímanum og við
fæðinguna. Þetta hefur mælzt vel
fyrir, og það ikemur fyrir, að
konur spyrja strax og þær eru
búnar að fæða, hvort þær fái ekki
að sjá myndirnar.
A
Það var til rúm, þegar þessi kona veiktist. Þjálfaðir sjúkra-
Uðsmenn bera hana inn í birtuna og öryggið á Fæðingar-
heimiiinu.
NÝR
EINSTAKLINGUR
í HEIMINN
— Segðu mér eitt að lokum,
Hulda: Er þetta ekki alveg sér-
staklega skemmtilegt starf?
— Jú, mjög, svaraði Hulda og
brosti. — Sérstaklega skemmti-
legt og lifandi starf. sh.
Á pabbaherberginu.
g — VIKAN 14. tbl.
<
Hann lítur eftir líkamlegri velferð barnanna: Gunnar
Biering, barnalæknir.
Hér sefur nýjasta kynslóðin sætt og vært.
Það er mörgum konum kærkomin hvíld að dvelja á
Fæðingarheimilinu í eina viku eftir barnsburð. og það
er hugsað vel um þær.