Vikan - 04.04.1963, Blaðsíða 21

Þessi litabók er handa fullorðnum bömum.
Allt sem þarf að gera til undirbúnings er að fá
sér liti. Litlu bömin eiga þá. Það er hverjum
manni nauðsyn að þroska með sér hina listrænu
hæfileika, sem allir íslendingar hafa — að
undanskildum þessum fáu listamönnum.
Gætið þess að fylgja leiðbemingunum nákvæm-
lega. Með vorinu getið þið svo farið að mála
sjálfstætt og haldið sýningu í haust.
Þetta er maðurinn, sem keypti fokhelt.
Hann er fluttur inn. Hann hélt að glerið hefði
verið með í kaupunum, en það var mis-
skilningur. Litið hann taugalausan, með rautt
nef og lungnabólgu. Konan fór í bankann
til að framlengja víxiISnn, sem féll í dag.
Húsgögnin eru fengin með afborgunum,
nema fötuna og kústinn fann hann í íbúð-
inni fyrir neðan. Múrarinn er ekki á
myndinni. Hann átti að koma í gær, en er
ókominn. Litið hann fjarverandi. Rafvirk-
inn skrapp í ríkið og kemur eftir viku — með
reikninginn. Á morgun á maðurinn að borga
kr. 100.000. Litið andrúmsloftið
samkvæmt því.
Þetta eru innheimtumenn frá ríkisútvarp-
inu. Þeir eru að leita að viðtækjum.
Þeir eru mjög alþýðlegir og skemmtilegir
(eins og útvarpsstjórinn). Frúin
er með transistortæki undir svuntunni.
Litið hana milli vonar og ótta. Á veggjunum
eru sjaldgæfar eftirprentanir frá Ragnari
Smára. Litið þær óþolandi. Þeir fundiij
engin viðtæki bak við myndirnar, né heldu
í vínskápnum. Næst spretta þeir sundur
sófanum og fara með köttinn í gegnumlýsingu.
VIKAN 14. tbl. — 21