Vikan - 11.04.1963, Blaðsíða 3

í NÆSTA BLAÐI
FEGURÐARSAMKEPPNIN: Nú birt-
um við myndir af öllum stúlkunum
saman til þess að hægara verði um
samanburð. Atkvæðaseðill fylgir með.
Það eru bæði myndir af þeim á sund-
fötum og andlitsmyndir í lit, prentaðar
á myndapappír.
BJARNI RIDDARI. Frásögn af því
hvernig ólæs bóndi austur í Selvogi
varð kaupmaður, frömuður í útgerð,
skipasmiður og fyrsti stóreignamaður
meðal íslendinga á síðari öldum. —
Jónas Guðmundsson tók saman.
HVAÐ Á AÐ GERA í KVÖLD? Smell-
in smásaga um þrjár ungar stúlkur.
VERÐLAUNAKVÖLD MEÐ SVAVARI
GESTS. Það var Iæknisfrú í Hafnar-
firði, sem vann þessi verðlaun í ára-
mótagetraun Vikunnar. Svavar heim-
sótti hana með hljómsveitina og við
segjum frá því í máli og myndum.
MÁ ÉG BJÓÐA YÐUR GULL? Vikan
sendi mann á stúfana með gullplötu,
sem kostar tíu þúsund krónur og hann
reyndi að selja hana á 100 krónur á
götum Reykjavíkur. Myndafrásögn af
því á fjórum síðum.
STÚLKAN, SEM VAR ÖÐRUVÍSI.
Smásaga eftir Ericku Tucker.
I ÞESSARI VIKU
Á BÖKKUM NÍLAR.
Þetta er síðasti þátturinn úr Austurlandaferð Útsýnar.
Hér er sagt frá heimsókn í frumlegan næturklúbb
úti í eyðimörkinni, viðureign við prangara, heimboði hjá
ríkum ilmvatnasala og ýmsu fleiru.
Greinin er eftir Gísla Sigurðsson, ritstjóra Vikunnar.
HVERS VIRÐI ER ÁBYRGÐ
OG MENNTUN?
Sú öfugþröun hcfur mjög verið á dagskrá aö undanförnu,
að ófaglærðir menn, sem enga áhyrgð hafa, geta borið
allt að helmingi mcira úr býtum en hinir, sem
!agt hafa í langt nám og hafa ábyrgðarstörf
með höndum. — Grein og myndir.
Á HELJARÞRÖM.
Fólk undrast það stundum að til skuli vera menn
sem hætti lífi og limum við það að klífa fjöll og
„sigra tinda“ eins og það er kallað. Einn frægasti fjall-
göngumaður heimsins er ítalinn Bonatti og hann
skilur þetta vel og finnst það heillandi sport.
Hér er sagt frá því, þegar Bonatti kleif síðasta
jómfrútind Alpanna.
FEGURÐARSAMKEPPNIN
heldur áfram og nú er það nr. sex í úrslitum og um leið
sú síðasta. Hún heitir Jóhanna Ingibjörg Pálsdóttir
og er úr Hafnarfirði. Nú hafið þið séð myndir
af öllum stúlkunum í úrslitum og í næsta blaði koma
þær allar saman — litmyndir meira að segja —
og atkvæðaseðiUinn þar með.
CflDCIfl AU Um páskana leggja menn leiðir sínar upp um heiðar og fjöll
rUHOBUASl Og ef til vUl leggur einhver það á sig að sigra brattann; ganga
á einhvern brattan tind og njóta útsýnisins. Að vísu er varla
um jafnerfiða tinda að ræða hér á tslandi og þann sem myndin sýnir, nema ef vera
skyldi Hraundrangi í Öxnadal. Því mennirnir tveir á forsíðumyndinni eru staddir á
einum brattasta tindi Alpafjalla. Við segjum frá leiðangri þeirra hér í blaðinu.
VIKAN 15. tbl. — g