Vikan - 11.04.1963, Blaðsíða 14
Árshátíð Blaðamannafélags íslands var haldin
laugardaginn 2. marz s.l., í nýju salarkynnunum
að Hótel Sögu, sem þá voru jafnframt
opinberlega opnuð.
Salurinn er stór og glæsilegur og sá fegursti
sinnar tegundar hér á landi, og þótt víðar
væri leitað. Þar munu komast fyrir um 400
manns, og veitti ekki af að þessu sinni,
því þar var hvert sæti skipað. Salurinn er
skeifumyndaður og eru miklir og stórir
gluggar til vesturs en í innri hring skeifunnar,
sem snýr inn að miðju hússins, er komið
fyrir hljómsveitarpalli og dansgólfi, sem hægt
er að hækka upp frá gólfi þegar skemmtikraftar
koma þar fram. Stór og fallegur vínbar er
í öðrum enda salarins, rétt við uppganginn.
Hátíðin hófst klukkan sjö með veglegu
borðhaldi. Var matseðillinn á frönsku, en upp-
lýsingar voru gefnar á móðurmálinu um það
að maturinn samanstæði af (blaðamanna-)súpu,
(letur-)humar og (anda-)steik, sem átti einkar
vel saman og reyndist gómsætt mjög, og ekki
spillti eftirrétturinn, ,,Bombu“-ís skreyttur
listaverkum höggnum úr glærum ís.
Að skemmtiatriðum loknum hófst dansinn
og hjálpuðust þar allir að til að gera kvöldið
sem eftirminnilegast, og ekki lá Svavar
Gests á sínu frekar en vant er. Raddlausir sungu,
fótalausir tvistuðu og templarar drukku.
Fór skemmtunin mjög vel fram og varð öllum
til sóma og óblandinnar ánægju.
Myndimar tók Birgir Thomsen íyrir Vikuna.