Vikan - 02.05.1963, Blaðsíða 4
/;y.
íýiíÝiiíáííi-í
AVON ILMKREM
Dásamleg ilmefni, bundin í mildum smyrslum.
Núið þeim létt á háls og arma ... umvefjið yður
ljúfasta ilmi, sem endist klukkustundum saman
... Um fimm unaðstöfrandi ilmkremategundir að
velja; ... dýrðlegan Topaz ... ástljúfan Here is
My Heart ... æsandi Persian Wood, ... hréssi-
legan Cotillion, og seiðdulan To a Wild Rose.
★ KYNNIÐ YÐUR AÐRAR AVON-VÖRUR:
★ VARALITI — MAKE-UP — PÚÐUR — NAGLALÖKK — KREM
SHAMPOO — HÁRLÖKK — SÁPUR o. fl.
Avon
LONDON
cosmetics
NEWYORK
EINKAUMBOÐ Á ÍSLANDI:
J. P. GUÐJÓNSSON H.F.
Pósthólf 1189. — Reykjavík.
Réttlæti ...
Ég fer oft í strætó og er nýlega
byrjuð að borga fullt gjald. En mér
finnst svolítið skrítið að ég skuli
ekki hafa eins mikinn rétt á sæti
og fullorðna fólkið. Mér finnst sjálf-
sagt að standa upp fyrir eldgöml-
um. gamalmennum. En þessar
bústnu og þriflegu frúr, sem geisla
af vellíðan eru að reka okkur þau
yngri úr sætum. Sjaldan hef ég orð-
ið það frökk að malda í móinn við
þessa kvenskörunga. Annars, ef það
yrði gert, myndi heimurinn líklega
farast. Ég held og hef alltaf haldið
og mun alltaf halda, að við krakk-
arnir gætum orðið jafn þreytt ef
ekki þreyttari en fullorðna fólkið
og þar af leiðandi jafn sætaþurfi
og það.
Ein dauðþreytt.
— — — Það verður vist ekki
fyrr en búið verður að finna upp
þreytumatsmaskínu eða réttlæt-
isapparat, að hægt verður að út-
kljá þetta sígilda þrætuefni.
Sjálfum finnst mér, að þær
bústnu og þriflegu séu naumast
nokkuð rétthærri en örþreyttir
og örvasa unglingar.
Ábyrgð og menntun ...
Greinin um ábyrgð og menntun
hefur greinilega komið við kaun-
in á mörgum og talað fyrir munn
enn annarra ef dæma má af þeim
bréfagrúa, sem blaðinu barst um
þetta efni. Hér fara á eftir nokkrar
handahófsglefsur úr nokkrum bréf-
anna:
... Vafalaust er margt rétt, sem
greinarhöfundur bendir á, ekki skal
ég draga það í efa. En óþarfi finnst
mér samt að vera að ráðast að okk-
ur veslings sjómönnunum. Þessi
dæmi, sem greinarhöfundur bregð-
ur upp um sjómenn, þó einkum
dæmið með kokkinn, eru öfgadæmi.
Þessi kokkur, sem minnzt er á, var
bara svo heppinn að hreppa happ-
drættisvinninginn á vertíðinni. Sjó-
mennska er og verður happdrætti,
og happdrætti er ekki hægt að reka
nema með hagnaði. Þess vegna eru
það aðeins örfáir, lánsamir ein-
staklingar, sem hreppa vinninga í
vertíðarhappdrættinu ...
Sjóli.
... Og hér er ég, langt kominn í
læknisfræðinni, búinn að sóa dýr-
mætum tíma og enn dýrmætari
peningum í nám, allt til þess að
þóknast þjóðfélaginu og fá fyrir
sanngjarna umbun. Svo fæ ég þær
upplýsingar framan í mig eins og
blautan klút, að kokkar, barþjónar,
ýtustjórar og „reddarar“ skjóti mér
algjörlega ref fyrir rass og safni
drjúgum meiri peningum á lífsleið-
inni en ég get nokkurn tíma látið
mig dreyma um að þéna.
Já, ég skal svei mér ekki vera
feiminn við að smyrja á, þegar ég
fer að skrifa upp resept handa
þessum fýrum ...
Medicus in spe.
... Það er þessi undarlega árátta
með íslendingum, að verða sífellt
að snobba niður á við ... Eðlilegt
verður að telja, að miða verði laun
manna við það, hversu mörg
prósent þjóðfélagsins geti sinnt
sómasamlega hinum ýmsu störfum.
Því færri prósent, sem unnið geta
visst starf, þeim mun meiri laun
fyrir starfið. En auðvitað er af og
frá, að svo sé, eins og svo réttilega
er bent á í greininni. Ætli það gæti
ekki svo til hver einasti læknir stig-
ið í fótspor barþjónsins með sín
40 þúsund á mánuði? No.
... En hvað er ekki þjóðfélagið búið
að punga út miklu í menntamenn
ina? Hvað ætli það kosti okkur
verkamennina að halda uppi mönn-
um í langskólanámi? Þeir hugsa
ekki út í það, þessir merkilegu
karlar. Yið verðum að blæða til
þess að þeir geti notið lífsins ...
Verkamaður.
... Hvað fékk hann G.K. annars
fyrir að skrifa greinina? Eða skrif-
aði einhver verkfræðingur greinina
fyrir hann? ... J. J.
Kaupmannahöfn, 4/17, ‘63.
... og kem þess vegna ekki heim,
fyrr en ástandið er orðið skárra uppi
á íslandi. Hér fá læknar það sem
læknum ber ... Ég vil eindregið
gera það að tillögu minni, að þessi
G.K. verði gerður að ráðherra,
launa- og kjaramálaráðherra.
Með kveðju heim,
X.
Atvinna óskast.
Sóknarprestur óskar eftir mann-
sæmandi atvinnu nú þegar, t. d.
sem ýtustjóri, síldarkokkur eða
reddari. Tilboð, merkt „kreppa“
sendist Vikunni hið fyrsta.
Glymur ... ?
Kæri Póstur.
Það er þetta með einn kunningja
okkar. Þetta er allra bezti strákur
og allt það, það er ekki það. Hann
er bara alveg óþolandi að einu leyti.
Hann er alltaf að segja manni
kvennafarssögur af sjálfum sér, en
við erum sko ekki vissir um, að þær
séu allar sannar. Þessar sögur eru
farnar að pirra okkur vini hans svo
gasalega, að við vitum ekki hvað
við getum eiginlega gert. Hvað
heldur þú eiginlega?
Svo er enn eitt. Okkur langar til
að verða geimfarar. Hvað getum
við gert? 3 á báti.
^ — VIKAN 18. tbl.