Vikan - 16.05.1963, Blaðsíða 6

Að ofan: Teiknistofa Húsnæðismálastofnunarinnar.
Frá vinstri: Sigurður Guðmundsson, iðnfræðingur
og Ingi Axeisson, iðnfræðinemi.
Til vinstri: Kristín Viggósdóttir, sem annast almenna
afgreiðslu og vélritun.
Að neðan til vinstri: Guðjón Benediktsson, sem
annast eftirlits- og skrifstofustörf.
Hér að neðan: Halldór Halldórsson, arkitekt, fram-
kvæmdastjóri Húsnæðismálastofnunarinnar.
g — VIKAN 20. tbl.
Herra Jón Jónsson giftir sig og eignast fjölskyldu. Fyrst í
stað þykist hann hafa himin höndum tekið, þegar hann fær
inni í dágóðri stofu með aðgangi að eldhúsi. En þegar hveiti-
brauðsdagarnir eru liðnir, þá sjá þau það, Jón og konan hans,
að slíkt dugar ekki til langframa, svo þau fara á stúfana. Eftir
mikil heilabrot komast þau að þeirri niðurstöðu, að vænlegast
verði að reyna að byggja. En þar sem Jón Jónsson hefur ver-
aldarauð ekki meiri en í meðallagi, þá sér hann, að hann má
ekki byrja of stórt. Tveggja herbergja íbúð væri æskilegust.
Hann kemst að raun um, að það eru allmargar tveggja her-
bergja íbúðir á markaðnum, en þær eru of dýrar svo það endar
með því, að Jón Jónsson skráir sig í byggingarflokk og fær
tveggja herbergja íbúð í blokk. Hann vinnur eins og berserkur,
slær efnaða kunningja og ættingja um smálán og gerir íbúðina
fokhelda á einhvern óskiljanlegan hátt. En þá er mikið eftir
eins og allir vita. Ennþá hefur hann ekki fengið neitt fast
lán, sem kallað er. Hann getur fengið lán út úr lífeyrissjóði,
en fróðir menn segja Jóni, að hann megi ekki binda fyrsta
veðréttinn; þá fái hann ekki Húsnæðismálastjórnarlán. Þetta
finnst Jóni flókið mál í fyrstu, en áttar sig á öllum króka-
leiðum; gengur í byggingasamvinnufélag og gefur út skulda-
bréf með ríkisábyrgð, sem lífeyrissjóðurinn kaupir. Þá á Jón
1. veðréttinn lausan. Hann sækir um lán hjá Húsnæðismála-
stofnun ríkisins og talar nokkrum sinnum við forráðamenn
þar, sem taka honum af vinsemd og skilningi, en segja, að
hann verði ef til vill að bíða í nokkra mánuði, því fjármagnið
sé takmarkað, en margar umsóknir. Jón er vongóður, slær