Vikan - 23.05.1963, Blaðsíða 28
„ÉG ER MESSÍAS“
/
„ÉG ER ÍSLENZK
MYNDLIST“
„ÉG ER FÆDDUR
SNILLINGUR“
«einnig á Museum of Modern Art í
New York. Einnig hefur mér verið
boðið að sýna í galleríum í Stokk-
'hólmi og Kaupmannahöfn, en ég
veit ekki, hvernig það verður.
— Hefurðu verið í Bandaríkjun-
;um?
— Nei, að undanförnu hef ég
■dvalið í Kaupmannahöfn. Þar náði
iég í konuefnið og ástkonuna.
— Ég hef heyrt, að þú hafir orð-
:ið snillingur mjög skyndilega árið
1958.
— Ég er fæddur snillingur. Allir
:snillingar eru fæddir með snilligáfu.
Ég var tiltölulega ungur, þegar ég
uppgötvaði, að ég var snillingur. Ég
hef aldrei efazt um það, að ég er
einn mesti snillingur tuttugustu ald-
arinnar. Ég kem til þess að frelsa
mannkynið.
— Þú ert Messías númer tvö?
— Já. Og ég vil eiginlega láta
titla mig samkvæmt því. T. d. yðar
Jheilagleiki.
— Hvernig gengur þér að fá því
framgengt?
— No, svona og svona. Ekki vel.
Mystik hefur ekki áhrif á íbúa
Sögueyjarinnar.
— Ertu mjög pornógrafískur?
— Fyrir mér er ekkert til, sem
heitir pornógrafía eða klám. Ég fæst
við að fá undirvitundina upp á yfir-
borðið, ég er súrrealisti, og erótík-
in er svo sterkur hlutur í skapandi
myndlistarmanni, að myndin hlýt-
ur að verða blönduð erótík. En klám
.er ekki til.
-— Notarðu módel eða fyrir-
myndir?
— Nei. Ég mála og teikna ein-
göngu mínar innri sýnir og vitranir.
— Til hvers ertu þá að læra?
— Það er nauðsynlegt að kynna
sér anatómíu og teknik. Það vita
hinir svokölluðu myndlistarmenn
ekki. Enda er íslenzk myndlist sorg-
lega lítil af mörkum. Það er í raun-
inni ekkert til, sem heitir myndlist
á íslandi nema ég. Ég er íslenzk
myndlist.
— Ertu montinn?
— Ég er kallaður montinn, af því
að ég skýzt ekki með húsveggjum
með uppbrettan kragann, eins og
hinir svokölluðu listamenn gera hér.
En ég skil þá svo vel, þessa kalla.
— Ferðu oft á sýningar?
— Nei. Það er ekkert eins niður-
drepandi og horfa á sýningar þeirra,
sem kalla sig listamenn. Þess vegna
er ég sjálfstæður listamaður. Ég tek
engan til fyrirmyndar.
— Ertu mikilvirkur?
— Ákaflega pródúktífur. And-
skoti pródúktífur.
— Hvað gerir þú við öll verkin
þín? Selur þau? Hendir þeim?
— Ég sel lítið. Hendi engu. Ég
get eiginlega ekki selt verkin mín.
Það er eins og að selja börnin sín.
Það er prostitusjón. Ég geymi þau
næstum öll. Þau sem ég hef ekki
selt. í koffortum, skúffum, undir
borði og undir dívan. Ég elska að
hafa þau í kring um mig.
— Ásamt konunum þínum.
— Já. og það er nauðsynlegt að
hafa tvær konur. Það ættu fleiri
kúnstnerar að gera. Jafnvel fleiri.
Framhald á bls. 51.
2g — VIK.AN U. tbL