Vikan - 30.05.1963, Blaðsíða 5
kurteisi, að karlmaðurinn gangi á
undan konunni inn í miðja bekkja-
röð í bíó eða leikhúsi. Sum okkar
halda því fram, að „damerne“ eigi
alltaf að vera „först“, en önnur
segja, að karlmaðurinn eigi í þessu
tilfelli að ryðja veginn.
Getur þú gefið okkur svar við
þessu mikla vandamáli?
Sex.
■— — — Karlmaðurinn á að
ryðja veginn. Það er mesti dóna-
skapur að láta konuna um að
trcðast áfram inn í miðja bekkja-
röð — hins vegar hefur mér virzt
sem svo, að sárafáir íslenzkir
karlmenn geri sér grein fyrir
þessari sjálfsögðu kurteisisskyldu
— og það er langt frá því, að
þetta sé eina afbrotið í þessum
efnum, sem þeir gera sig al-
mennt seka um. Það veitti ekki
af því að taka obbann af íslenzk-
um karlmönnum í „sjentil-
mennsku“-tíma. Sárast er að
horfa upp á rustaskap þeirra á
opinberum veitinga- og dans-
stöðum. Hvað ætli t. d. séu marg-
ir íslenzkir karlmenn, sem temja
sér þá sjálfsögðu kurteisi að
standa upp, þegar kona kemur
að borði, þar sem þeir sitja?
Fimm prósent?
Svar ...
til „Skvísu“, „Tveggja forvitinna“,
„K.K.K.“, „Lúllu“ og „Þreyttra ung-
meyja“: — Þið hefðuð alveg getað
sparað ykkur allt þetta ómak. Þið
fáið ekkert frekar bréf ykkar birt,
þótt þið sendið inn mörg bréf um
sama efni, reyndar með smávægi-
legum orðalagsbreytingum. Ég birti
helzt ekki bréf, nema mér finnist
innihald þeirra einhvers virði fyrir
lesendur — og þótt ég fengi þúsund
bréf um þetta efni, sem þið skrifið
um, myndi ég aldrei hafa fyrir að
birta svo mikið sem eitt þeirra. —
Þið skuluð láta laga Þ-ið á ritvél-
inni ykkar: Það kemur ekki nógu
greinilega fram.
Til hamingju ...
Kæri Póstur!
Ég ætla að vera stuttorður og
segi þess vegna aðeins: Til ham-
ingju með svar þitt til þess manns,
sem kvartar yfir því að píputóbaks-
dós sé dýr.
Tóbaksbindindismaður.
Kórar ...
Vika mín.
Ég stunda talsvert leikhús, og
yfirleitt umber ég allflest glappa-
skot, sem á sviðinu verða, og mætti
kannski segja, að þetta væri full-
mikið umburðarlyndi. Og yfirleitt
hef ég ekki fyrir því að kvarta yfir
smámistökum.
Þó er eitt, sem fer ósegjanlega
í taugarnar á mér, og má furðu
sæta, að jafnvel reyndustu leikstjór-
ar geri sig seka um slíkt. Við könn-
umst öll við það úr leikritum í
barnatímum útvarpsins, þar sem
viðvaningar eru að verki, að þegar
fleiri en einn er látinn tala í senn
og segja sömu setninguna, þá er
þessi setning sögð i einum kór, eins
og þetta sé þaulæfður kórsöngur.
Ef hinsvegar höfundur ætlast til,
að fleiri en ein setning sé sögð sam-
tímis, þá verður að segja eina
„replikkuna" fyrst, og svo koll af
kolli. Það er óneitanlega hörmuleg-
ur viðvaningabragur á slíku, en
maður getur líka sætt sig við
þetta hjá viðvaningum. En þegar
reyndir leikstjórar láta slíka tal-
kóra viðgangast, þá kastar fyrst
tólfunum. Auðvitað á þetta einstaka
sinnum vel við, en það heyrir und-
antekningum til. Þessir talkórar
skapa svo óraunverulegan blæ, að
stemningin fer gjörsamlega í rúst.
Þegar höfundur leggur fleirum en
einum sömu setningu í munn, á
hann ekki að þurfa að taka það
fram, að hún sé borin fram
„unisont". Hann tekur það hins
vegar fram, ef ætlazt er til þessa.
Sem sagt: f guðs bænum, burtu
með þessa hjákátlegu talkóra!
Leikhúsgestur.
Keflavíkurflugvöllur . . .
Kæri Póstur!
ísland er fagurt land, og margir
staðir, sem hafa það mikla náttúru-
fegurð upp á að bjóða, að börnin
okkar hefðu vafalaust ánægju af að
koma á einhvern þeirra.
En þið þarna hjá „Vikunni“, virð-
ast einblína svo á Keflavíkurflug-
völl, að þangað stormið þið með
blessuð börnin, ef þið ætlið að gera
þeim eitthvað til gamans.
Ég er sammála „Barnavini“, sem
skrifar í Póstinn 11/4, að það er
mjög ósmekklegt, svo ekki sé sterk-
ara til orða tekið.
Og hvernig þið svarið „Barna-
vini“. Það má segja að það sé ekki
smekklega gert. Leggið þið það að
líku, þó að börn horfi á kúreka-
myndir (sem ég þó ekki mæli með),
og að sjá öll þau drápstól, sem sjálf-
sagt eru til staðar á Vellinum. Og
þó að börn lesi dagblöðin, með
fréttum af atómsprengjum, eins og
þið komizt að orði, finnst ykkur það
sambærilegt? Fyrst og fremst held
ég að það sé ekki algengt, að börn
á þessum aldri, leggi sig niður við
dagblaðalestur, og í öðru lagi er
það, sem í dagblöðunum birtist,
ekki annar eins blettur á þjóðinni
eins og hersetan, og það sem af
henni leiðir á einn og annan hátt.
Og nóg annað skemmtilegra er til,
að beina athygli barnanna að en
hersetan á fslandi.
Kona í Hornafirði.
Fullkomin húð
— krefst daglegrar umönnunar
Créme á l orange
Verndar og mýkir þurrt, viðlwæmt hörund og lætur
hinum þurru og þyrstu húðfrumum næringarvökva í
té. Inniheldur fjörefnablöndu (A -f- C) úr appelsínum,
auk annarra lífrænna efna.
Crane Asírale
Þetta næringarmikla næturcrem inniheldur lífræn
efni og fjörefni (A -f- B). Síast djúpt inn í hörundið,
og veitir því þegar í stað nauðsgnlega næringu.
Cacta Creme
— crem-mjólk með orlddeu-fjörva. Hreinsar viðkvæm-
ustu húð og hefur um leið fegrunaráhrif. Skapar hið
rétta rakajafnvægi og heldur húðinni mjúkri.
Umboðsmenn í Reykjavík: Regnboginn — Tíbrá — Oculus —
Stella — Gyðjan Laugavegi 25. — Umboðsmenn úti á landi:
Akureyrarapótek, Akureyri — Straumur, ísafirði — Kf. Borg-
firðinga, Borgarnesi — Kf. Árnesinga, Selfossi — Silfurbúðin,
Vestmannaeyjum — Kyndill, Keflavík — Drangey, Akranesi.
vikan 22. tbi. — g