Vikan - 04.07.1963, Blaðsíða 5
neitt til síns máls, t. d. virðist
enginn hafa tekið eftir, hvað er
stærsta og vinsælasta efnið hjá
útvarpinu. Flestir telja það sin-
fóníur og svoleiðis, en það er
ekki rétt, langstærsta og tíma-
frekust er hin síendurtekna upp-
talning á dagskrá í föstum lið-
um eins og venjulega.
Og blessaðir minnkið þið aug-
lýsingarnar í blaðinu. Þær
skemma það alveg.
Ein að norðan.
Nunnur ...
Kæri Póstur.
Greinin ykkar um nunnurnar
var alveg skínandi. Ég hef oft
verið að velta því fyrir mér,
hvort ekki væri tilvalið fyrir mig
að ganga í klaustur, en eftir
þessa lesningu hefur mér alger-
lega snúizt hugur.
Ég trúi því ekki, að Guð al-
máttugur hafi nokkurn tíma ætl-
að mannabörnum svona ónátt-
úrulegt, mér liggur við að segja
óguðlegt líferni.
Ja, fyrr má nú rota . ..
Ung og hugsandi jónka.
Flugvöllurinn ...
Blönduósi 11/6 1963.
Kæri Póstur!
Leiðinlegt er að vita hve van-
þakklætið er mikið í þessum
heimi.
Þegar þið, af góðum hug bjóð-
ið sölubörnum Vikunnar suður
á Keflavíkurflugvöll í skemmti-
ferð, þá fáið þið bara skammir
frá „Barnavini" og Konu í Horna-
firði. Hvaða drápstól eru á
Keflavíkurflugvelli sem börnum,
eða fullorðnum eru sýnd, þegar
komið er þar í skemmtiferð? Ég
hef aðeins séð byssur hjá lög-
reglunni. Hvað sáuð þið?
Ekki trúi ég að börnin hafi
verið sett upp í sprengjuflugvél-
ar, ef þær eru þá til.
Vonandi sjá börn þessa fólks
aldrei varðskip, því þau eru með
fallbyssur og það hljóta að vera
drápstól.
Ég óska „Vikumönnum" góðr-
ar ferðar næst er þeir fara út úr
bænum með börnin, hvort sem
þeir fara til Keflavíkurflugvallar,
eða eitthvað annað.
Móðir.
Hótel Blönduós...
Til vikublaðsins „Vikan“, Rvk.
í 19. tbl. 9/5 birtist grein er
hét, „Með áfengi til Akureyrar“,
þar sem blaðamaður frá ykkur
tekur sér ferð með flutningabíl
til Akureyrar og hafði næturdvöl
á Hótel Blönduósi. Getur blm. þess
að hafa þegið þar gistingu fyrir
5—6 árum er hann fer síður en
svo góðum orðum um. En nú sé
tekinn við nýr hótelstjóri sem
býður þeim inn í eldhús, sem
búið er mjög góðum tækjum og
snyrtilegt í hvívetna. Að lokinni
næturdvöl sýnir hinn nýi hótel-
stjóri þeim aðra hluta hótelsins
og verður blm. mjög hrifinn af
sölum búnum nýtízku húsgöBn-
um og teppum, svo og herbergj-
um sem flest séu með einkabaði,
síma og útvarpi. Endar hann
þennan þátt greinarinnar með
þeirri yfirlýsingu að allt séu
þetta verk hins nýja eiganda.
En sannleikurinn er sá, að
þetta hótel er byggt upp af fyrr-
verandi eiganda þess, Snorra
Arnfinnssyni, er hafði rekið þar
hótel í 19 ár. Á hann og einnig
heiður af öllum þeim framan-
greindu þægindum, svo og ýms-
um öðrum er ég tel óþarfi að
geta. Hótel þetta byggði Snorri
1959—1961. Seldi hann Þorsteini
Sigurjónssyni það í apríl 1962.
Lét sá síðarnefndi múrhúða það
að utan og mála, svo sem alltaf
stóð til að gera.
Vil ég ennfremur leyfa mér að
efa, að rétt sé haft eftir núver-
andi stjórnanda þessa hótels að
hann hafi byggt það, enda hon-
um ólíkt að eigna sér það, sem
aðrir hafa afkastað.
Með ósk um skjóta birtingu.
Fyrrverandi starfsstúlka
á Hótel Blönduósi.
Hvorum megin ...
Kæri Póstur.
Ég ætla að fara að trúlofa mig,
en nú er ég í vanda staddur. Ég
veit nefnilega ekki á hvaða fingri
hringurinn á að vera. Ég sé þetta
ýmist á vinstri eða hægri hendi
og næstum hvaða fingri sem er.
Hver er reglan?
Spurull.
-----— Reglan er víst orðin hálf-
gerð óregla nú orðið. Ég er ekki
viss um, hver reglan var í upp-
hafi, en eitt er víst, að nú virð-
ist nokkuð sama í hvorri hendi
hringurinn er. Þó held ég, að al-
gengast sé, að hringurinn sé á
baugfingri.
R tJHt SlAw t<{
NN einu sinni býður
ORLANE - Paris
íslenzkum konum
aðstoð sína. Látið
sérfræðing okkar rannsaka
húð yðar og aðstoða yður við
val á réttum snyrtivörum.
Þjónusta þessi er yður al-
gerlega að kostnaðarlausu og
tekur aðeins fáeinar mínútur
og er framkvæmd til leiðbein-
ingar og hjálpar því fólki, sem
er annt um að halda fegurð
sinni og ungu útliti.
ORLANE
P A R I S