Vikan - 25.07.1963, Blaðsíða 6
HVERT ER
LÍ FSKJARA-
MARK
ÍSLENDINGA?
íslendingar setja markið hátt og
gera háar kröfur til lífskjara. Yikan
hefur gert athugun á því, hvert er
lífskjaramark hjóna milli átján ára
og þrítugs og í öðru lagi, hvert er lífs-
kjaramark hjóna milli fertugs og
fimmtugs. Það birtist í Vikunni síðar.
Með orðinu lífskjaramark á Vikan
við ákveðin lífskjör, ekki endilega
þau lífskjör, sem allt fólk á þessum
aldri býr við, heldur það sem flest-
allt fólk hefur að takmarki og
finnst sjálfsagt að það nái.
Ef magasár stafar af áhyggjum og of mikilli
vinnu, mætti segja mér að það færi mjög í vöxt
hjá ungu fólki nú á næstunni. Að minnsta kosti
ef það ætlar að fylgjast með og vera fólk með
fólki; það er að segja skapa sér þau lífskjör,
sem nú á dögum eru talin nauðsynleg til þess
að vera ekki ver settur en gengur og gerist.
Slik kjör kosta nefnilega tæpa milljón fyrir
utan daglegar nauðsynjar eins og föt, mat,
bækur og blöð, ferðalög innanlands, vín, tóbak
og skemmtanir, en þessir kostnaðarliðir eru í
kring um hundrað þúsund á ári hjá hjónum
með eitt barn.
Það er sennilega til of mikils mælzt, að þið
trúið þessu, svona fyrst í stað. Ég gerði það
ekki heldur. Svo tók ég mig til og spurði og
spurði í þaula, og þau svör, sem mér þóttu
bitastæð, skrifaði ég niður. Þegar ég mundi
ekki lengur eftir neinu nýju til að spyrja um,
fékk ég lánaða samlagningarvél og lagði saman
— og blöskraði útkoman. Ég fór aftur á stúfana
og rannsakaði málið, en þegar ég fékk lækkun
á einum lið reikningsdæmisins, kom óðara til-
svarandi hækkun á annan. Svo næst þegar ég
fékk lánaða samlagningarvél var útkoman
næstum sú sama, svo það er ekki dæmið, sem
er vitlaust. Ef nokkuð er vitlaust, er það hlut-
fallið milli launa og kaupgetu eða þjóðin, sem
hefur sett lífskjaramarkið svona hátt.
í stuttu máli sagt er fyrsta lífskjaramarkið
— það er að segja það mark, sem hjón milli