Vikan - 29.08.1963, Blaðsíða 5

færri sem féllu. Því eins og mál-
tækið segir „þá leiðir eitt af
öðru“ og við erum víst ekki all-
ar jafn tilfinningalausar. Ef svo
væri þá mynduð þið ekki sækj-
ast eftir samveru við okkur
meyjarnar.
Kveðja frá einni sem féll!
P. S. Ég held að við hrífumst
mest af heiðvirðum strákum, en
ekki af svokölluðum bullum.
Mín reynsla er sú. Sú sama.
Hugleiðing ...
Kæri Póstur.
í þessu landi hvassviðranna,
varð okkur landsbúum kærkom-
ið það fjaðrafok, sem þið orsök-
uðuð á skáldskaparsviðinu. Vegna
offramleiðslu andans verka hef-
ur þar hangið yfir geispandi
drungi að undanförnu. Kemur
nú til álita, hvort 10% af ís-
lendingum vilji ganga í flokk
hinna 90% landa sem hlotið hafa
náðargáfu skáldanna, og hylla
þá sem slíka.
Ég myndi segja að enginn má
við margnum — eða er það ein-
hver ný bóla á íslandi, að lands-
menn séu skáld. Heldur fer þá
hrörnandi ef upp skýtur allt í
einu 10% þjóðarinnar sem and-
lega snauðum.
Annars þarf ekki þessa fá-
'dæma fordæmingu (hinna 10%
andlega snauðu?) á ritdómunum.
Ég trúi að hver okkar um sig
sfandi ábyrgur gagnvart sjálfum
sér um sinn eiginn innblástur —
og þurfi ekki góðkenningu rit-
dómara á afkvæmum hans; enda
eiga allir sinn þroskaferil fram-
undan. Jón Kári er bara efnileg-
ur; enda tvíefldur!
Ein af hinum 90%.
Hvor var í rétti ... ?
Pöstur kær.
Ég var að aka eftir fáfarinni
götu í gær, og á eftir mér ók
lítill bíll. Þá þurfti ég að nema
staðar, en hef víst gert það full
snögglega, því að bíllinn fyrir
aftan mig danglaði örlítið í minn
bíl, en þó var ekki að sjá neina
áverka á bílunum, og þess vegna
var lögreglan ekki kvödd á vett-
vang".
En þegar ég steig út úr bíln-
um, til þess að kanna, hvort ein-
hverjar skemmdir hefðu orðið á
bílunum, kom hinn bílstjórinn
askvaðandi og jós yfir mig óbóta-
skömmum, sagði, að það væri
vítavert að stanza svona snögg-
lega, að ég ætti ekki skilið að
hafa bílpróf og þar fram eftir
götunum, var sem sagt hinn
dónalegasti í alla staði.
Ég þóttist nú samt vera í mín-
um rétti, og sagði ég karli, að
hvernig sem á stæði, ætti hann
að geta stanzað bíl sinn, hversu
snögglega sem ég hemlaði, -en
karl vildi ekki fallast á það.
Ég hef ekki getað náð í um-
ferðarlögin, en ég þykist þó full-
viss um, að ég hafi haft á réttu
að standa. Ég skrifa þetta í
þeirri von, að bréf mitt verði
birt og bílstjórinn ósvífni (vona
ég) lesi úrskurðinn. Ef ég
hef hins vegar ekki verið í
fullum rétti, þá gæti þetta bréf
og góðfúslegt svar þitt, Póstur
góður, orðið til þess að leiða
sannleikann í ljós, því að ég er
sannfærður um, að margir eru
engan veginn vissir um rétt sinn
í slíkum tilfellum.
Þökk fyrir. Ökuþór.
-----—- Sá, sem ekur aftan á
næsta bíl, hversu snögglega sem
sá bill hemlar, er alltaf í órétti.
Bílstjórar verða ávallt að vera
viðbúnir hinu versta. Ég vona,
að þessi önugi bílstjóri lesi þessi
skrif og skammist sín.
Frjálsræði ...
Kæra Vika.
Ég tók eftir því í þessum við-
tölum, sem þið höfðuð við út-
lendinga, sem búsettir eru á
íslandi (prýðisgóð viðtöl), að
allir þeir, sem minntust á
drykkjusiði okkar fslendinga,
sögðu, að allt ófremdarástandið
stafaði einungis af of litlu frjáls-
ræði í þessum málum, of miklum
og ströngum höftum.
Ég hef alltaf verið þessarar
skoðunar og er það enn. Ég held,
að bindindispostular þessa lands
ættu að hugsa þetta mál vand-
lega. Úr því að þeir geta ekki
losnað við brennivínið fyrir fullt
og allt -— en auðvitað er það
fjarstæðukennd hugsjón — ættu
þeir þó að reyna að berjast fyrir
bættri brennivínsmenningu í
landinu í stað þess að verða bein-
línis til þess að auka drykkju-
skap — t. d. með því að banna
bjór og vínbúðir og þar fram eft-
ir götunum. Ég held, að þetta sé
staðreynd, sem hver meðalþöng-
ulhaus ætti að gera sér grein
fyrir. Bakk Uss.
Rí-'w.í
— krefst daglegrar umönnunar
Créme á l’orangt
Verndar og mýkir þurrt, viðkvæmt hörund og lætur
liinum þurru og þyrstu húðfrumum næringarvökva í
té. Inniheldur fjörcfnablöndu (A -j- C) úr appelsínum,
auk annarra lífrænna efna.
)
Crcmc Asiralc
Þetta næringarmikla næturcrem inniheldur lífræn
efni og fjörefni (A -j- B). Síast djúpt inn í hörundið,
og vcitir því þegar i stað nauðsynlega næringu.
Cacla Crcmc
—■ crem-mjólk með orkídeu-fjörva. Hreinsar viðkvæm-
ustu húð og hefur um leið fegrunaráhrif. Skapar hið
rétta rakajafnvægi og heldur húðinni mjúkri.
Fullkomin
ORLANE
PARIS
húð
Umboðsmenn í Reykjavík: Regnboginn — Tíbrá — Oculus —
Stella — Gyðjan Laugavegi 25. — Umboðsmenn úti á landi:
Akureyrarapótek, Akureyri — Straumur, Isafirði — Kf. Borg-
firðinga, Borgarnesi — Kf. Árnesinga, Selfossi — Silfurbúðin,
Vestmannaeyjum — Kyndill, Keflavík — Drangey, Akranesi
—t Verzlunin Perlan, Húsavík.