Vikan - 19.09.1963, Blaðsíða 4
brjóstahöld og mjaðmabelti
í fjölbre/ttu úrvali.
vörur eru þekktar
um allan heim f/rir gæði.
Viðvörun.
Kæri Póstur.
Umferð er víst alltaf að auk-
ast í henni Reykjavík og með
henni slysin. Jafnframt þessari
sífelldu aukningu hefur verið
komið upp nýjum umferðamerkj-
um úti um hvippinn og hvappinn,
og er það vel. Á hverjum degi
— er mér næst að halda — eru
sett upp ný umferðamerki, sem
eiga að bæta umferðina og draga
úr ákeyrslum og slysum.
Eitt af þessum merkjum er
biðskyldumerkið, sem táknar, að
sá sem kemur að slíku merki
verði að víkja fyrir umferð bæði
til vinstri og hægri. Þessi merki
eru á öllum götuhornum, sem
liggja að aðalbrautum, eins og
gefur að skilja, en auk þess við
hin og þessi hættuleg horn.
Nú er smám saman verið að
koma þessum merkjum fyrir á
stöku hornum, enda þótt ekki sé
um aðalbraut að ræða. Ekkert
er við þessu að segja, nema gott
eitt.
En maðurinn er nú einu sinni
þræll vanans og áttar sig ekki á
því, þegar allt í einu er komið
slíkt skilti á hornið, þar sem
maður er vanur að aka í þeirri
sælu trú, að maður eigi rétt-
inn.
Ég vil því gera það að tillögu
minni, að lögreglan tilkynni það
í útvarpi og blöðum, þegar slík
skilti eru sett upp á ólíklegum
stöðum. Það gæti komið í veg
fyrir alls kyns leiðindi.
Svo þakka ég áheyrnina.
Svaraðu mér nú ekki, að allir
bílstjórar eigi að vera vel á verði
og taka eftir öllum skiltum —
ég veit það mætavel. Það er bara
mannlegt að yfirsjást hitt og
þetta.
Góðir við gæsina.
Kæri Póstur.
Hvernig í ósköpunum stendur
á því, að við íslendingar erum
svona góðir við gæsina, þessa
bölvuðu plágu? Ég kem varla
svo upp í sveit, þegar líða tekur
á sumar, að ég heyri ekki bænd-
urna bölva gæsinni og það
hressilega.
Gæsin kvað gera mikinn usla
í öllum gróðri og spilla mjög
uppskerunni. Svo erum við að
friða gæsina næstum allt árið,
bara til þess að Bretar geti feng-
ið að gamna sér við að skjóta
hana í matinn. Að vísu finnst
mér sök sér, að gæsin sé friðuð
meðan hún er í sárum — en
svo ekki meir.
Ég veit það, að hverjum ein-
asta bónda er meinilla við gæs-
ina, og úr því verið er að skjóta
hana á annað borð, því þá ekki
að skjóta meira? Henni fer hvort
eð er sífjölgandi — sem er allt
annað en upplífgandi staðreynd
fyrir blessaða bændurna.
Svo kvað álftin ekki vera
skömminni skárri — og mætti
að skaðlausu skjóta nokkrar
álftir.
Það er stundum skringileg
þessi mannúð okkar.
Kær kveðja,
Byssukarl og bændavinur.
Bílpróf.
Getur maður fengið bílpróf,
ef maður er litblindur, Póstur
minn?
Gæi.
--------Þess munu engin dæmi,
að menn hafi ekki fengið bíl-
próf hér sakir Iitblindu. Hins
vegar gæti slíkt hent sig.
Flug.
Póstur minn.
Mig langar til að leita upplýs-
inga hjá þér, af því að þú ert
svo margfróður.
Hvenær var flugvöllurinn tek-
inn í notkun á ísafirði?
Hvernig var áður en flugvöll-
urinn tók til starfa? Var þá ekk-
ert flug þangað?
Var aldrei flogið til Siglufjarð-
ar á sjóflugvél?
Með beztu kveðju og þakklæti.
Ófróð.
--------Flugvöllurinn var tek-
inn í notkun árið 1961 — árið
þar áður flaug Tryggvi Helga-
son þangað á sjúkraflugvél sinni,
en þá hafði flugið legið niðri
um tíma, eða frá því að síðustu
Katalínu Flugfélags fs’nnds var
lagt.
Til Siglufjarðar var flogið á
Kötlunni meðan hún entist.
Fyrirgefðu hvað svarið kemur
seint.
— VIKAN 38. tbl.