Vikan - 17.10.1963, Blaðsíða 15

HUS FRA QRUNNI
ÞAÐ STÓÐ Á
GLUGGUNUM
í SEX VIKUR
Nú eru sex vikur liðnar frá því við sögðum síðast frá fram-
kvæmdum við einbýlishúsið í Garðahreppi, sem Vikan hefur
fylgzt með, síðan fyrstu framkvæmdir hófust. Fyrsti hluti þessarar
frásagnar birtist 8. ágúst, annar hlutinn 22. ágúst og þriðji
hlutinn 5. september. Þá var svo komið sögu, að búið var að
steypa í sökkulinn og meira að segja byrjað að slá utan af
sökklinum. Það tók ekki langan tíma. Nú á enginn kjallari að
vera undir þessu húsi, svo það var að sjálfsögðu fyllt upp
innan í sökkulinn. Það er möl þarna undir mjög þunnum
jarðvegi og hún var notuð til uppfyllingar í sökkulinn
Mótatimbrið var komið á staðinn og allt tilbúið fyrir það að
slá upp fyrir veggjunum. Aðeins vantaði eitt veigamikið atriði:
gluggana. Þeir eru látnir innan í mótin, steyptir fastir um leið
og veggirnir eru steyptir. Eigandi hússins, Haukur Sævaldsson,
átti að sjá um að hafa þá tiltæka, en þá brá svo við að hvergi
reyndist unnt að fá smíðaða glugga. Þetta olli hvorki meira
né minna en sex vikna töf á verkinu. Það bregður skíru ljósi yfir
það ástand, sem er í byggingamálum hjá okkur núna og
margir hafa rekið sig á. Allar trésmiðjur, sem Haukur talaði við
höfðu þegar meira en nóg á sinni könnu, svo ekki var á
bætandi. Það leið og beið og að lokum fékk Haukur gluggana
smíðaða suður í Keflavík. Þetta er nokkuð sem enginn
reiknar með, sem leggur af stað með húsbyggingu. Menn gera
ráð fyrir því sem sjálfsögðum hlut, að hægt sé að fá gluggana
rekna saman í fljótheitum. Svo reynist það líkt og að vinna í
happdrættinu, að fá einhvern, sem fyrir mikla náð getur unnið
verkið einhvem tíma í framtíðinni.
Og á meðan er ekkert hægt að gera — eða mjög lítið.
Haukur notaði tímann til að gera járnateikningar af stein-
steyptum bekkjum, sem koma utan við þakbrún hússins,
eins og vel sést á útlitsteikningunni. Hún birtist 22. ágúst.
Haukur hefur líka unnið að því að sjóða saman þessi járn, sem
eiga að styrkja þakbrúnarbekkinn.
VIKAN 42. tbl.
15