Vikan - 07.01.1965, Blaðsíða 9

Prinsinn er ekki góður
fjármálamaður.
Enski krónprinsinn prins Charles
er nú sextán ára og er í skóla í
Gordonstoune í Skotlandi. Alveg
eins og allir hans skólafélagar,
er fyrir hann lagt að skrifa stíla.
Fyrir nokkrum vikum síðan gat
þýzka stórblaðið Der Stern birt
fjóra af þessum skólastílum
prinsins. Þessir fjórir stílar voru
um ýmsa hluti og almennt álit,
blöð og útvarp, um stjórnmál,
um þjóðfélagsmál og ekki sízt
hið sígilda efni um hvað maður
mundi gera, ef maður væri
strandaður á eyðieyju.
Þetta varð geysimikið hneyksli.
Það var enginn efi á því að stíl-
arnir foru ófalsaðir, og að þeir
hefðu raunverulega verið skrifað-
ir af krónprinsinum. Hver stíll
var um það bil 250 orð.
Þetta varð geysimikið hneyksli
•—■ ekki vegna þess hvað í stíl-
unum stóð, heldur vegna þess
hvernig þetta komst í blaðið. Það
er nefnilega enginn efi á því, að
það var sjálfur krónprinsinn
Charles, sem seldi þá.
Síðan hann var í barnaskóla,
hefur prinsinn haft þann sið að
afla sér sjálfur peninga á ýmsan
hátt. Fyrstu tilraunirnar voru
vafasamar — hann seldi eigin-
handarskrift sína fyrir um 10
kr. íslenzkar til skólafélaganna,
sem síðan seldu þær aftur. Þetta
komst upp, prinsinn fékk skömm
í hattinn og var þvingaður til að
afhenda peningana aftur.
Nokkur ár liðu, og Charles var
ennþá í peningavandræðum, þótt
ótrúlegt sé. Gordonstoune er
mjög strangru skóli, og vasapen-
ingar verða ekki meiri hjá skóla-
drengjum en um 20 kr. á viku.
Prinsinn, sem alltaf var blank-
ur, hikaði lengi, en loks lét hann
slag standa og seldi einum skóla-
félaga sínum stílana fyrir tæpar
hundrað krónur.
Og nú komst peningakeðjan
fyrir alvöru í gang. Skóladreng-
urinn seldi einum fyrrverandi
skólapilti stílana fyrir 7—800
krónur. En sá gerði ennþá betri
verzlun. Hann seldi stílana ein-
hverjum blaðamanni, sem kallaði
sig Smith, fyrir um 10 þúsund
krónur.
Smith hugsaði málið. Hann gat
ekki selt brezku blöðunum stíl-
ana, vegna þess að milli brezkra
blaða og konungsfjölskyldunnar
er þegjandi samkomulag um það,
að láta einkalíf barna konungs-
fjölskyldunnar vera í friði. En
erlendi markaðurinn var op-
inn...
En um þetta leyti hafði vitn-
azt um málið, og saga um þetta
hafði komizt alla leið til Elisa-
betar drottningar. Drottningin
gerði allt sem hún gat til að fá
stílana til baka. Til Smiths
hringdu tveir menn, sem sögðust
vera umboðsmenn Parísarblaðs-
ins Le Figaro. Þeir vildu kaupa
stílana, og ákváðu stefnumót með
Smith á eyðilegum stað fyrir
utan London.
Smith mætti með bækurnar,
en mennirnir tveir tóku þær sam-
stundis af honum, jafnframt því
sem þeir sönnuðu að þeir væru
frá Scotland Yard.
En leynilögreglumennirnir
höfðu ekki heppnina með sér, því
sama morguninn hafði Smith lát-
ið gera ljósmyndir af bókunum.
Það einasta, sem þeir höfðu upp
úr krafsinu var, að nú var Smith
öldungis viss um að stílarnir
væru ófalsaðir.
Hann bauð réttinn til fyrstu
prentunar á stílunum, þrem stór-
um blöðum: Der Stern, Life og
Paris Match.
En það var Der Stern, sem
kom með hæsta boðið, um 120
þúsund íslenzkar krónur. Smith
hélt áfram að selja birtingarrétt-
inn eftir að Stern kom með fyrstu
birtingu, og fékk á skömmum
rúmlega sex hundruð þúsund kr.
Enska drottningin þjáist og
kvelst. Það einasta, sem hefur
heyrzt þaðan um málið er þetta:
„Það er mjög slæmt að stílar
skóladrengs skuli birtast opin-
berlega.“
Brezku blöðin eru ennþá treg
til að birta stíla prinsins, en hafa
samt sem áður skýrt frá því að
stílarnir beri vitni lýðræðislegs
hugsunarháttar. Umfram allt
hafa orð prinsins um pressuna og
prentfrelsi fallið í góðan jarð-
veg hjá blöðunum. Því til sönn-
unar má benda á að milljóna-
blaðið Daily Mirror hefur gert
prinsinn að heiðursáskrifanda allt
hans líf.

- AW,0Vf£)
WIXLMmW*',
UppÍýsingastöð C. D. Indicator á heimsþingi kvenna í London.
C. D. INDICATOR
hefur fariO sigupför um heimirm
Þúsundir kvenna um allan heim nota nú C. D. INDICATOR, svissneskt
reikningstæki, sem reiknar nákvæmlega út hina fáu frjóu daga í mán-
uði hverjum eftir Ogino-Knaus aðferðinni. Læknavísindi 56 landa ráð-
leggja notkun C. D. INDICATORS fyrir heilbrigt og farsælt hjónaband,
jafnt ef barneigna er óskað sem við takmarkanir þeirra.
C. D. INDICATOR er hin sjálfsagða eign hverri konu, jafn ómissandi
og nauðsynleg og armbandsúrið, sem sýnir henni tímann.
Hinn heimsfrægi japanski vísindamaður, Dr. Ogino, sem kerfi þetta hef-
ru verið nefnt eftir, skrifar: „Þetta litla tæki er að mínum dómi tæknilegt
undur, sem nákvæmlega og við allar aðstæður sýnir hina frjóu og
ófrjóu daga konunnar eftir kenningu Dr. Knaus og minni. Tækið er
svo snilldarlega útbúið, að ég lýsi því yfir eftir beztu samvizku, að
ég þekki ekkert hjálpargagn eða tæki, sem leysir verkefni þetta jafn
orugglega af hendi og C. D. INDICATOR".
Sendið eftirfarandi afklippu ásamt svarfrímerki til C. D. INDICATOR
Pósthólf 1238, Rvík, og vér sendum yður að kostnaðarlausu allar upplýsingar.
Heimilisf.
Fiiters
BILABUÐ
m
ARMULA