Vikan - 28.01.1965, Blaðsíða 48
\
Það er ákaflega vinsælt erlendis, að
eiga peysu og sokka í sama lit og
mynztri. Hér hefur enn sem komið
er fengizt lítið af þessum blúndu-
sokkum, sem alls ráðandi eru í
París í vetur, hvað þá að á boðstól-
um hafi verið þannig sett - peysa
og sokkar. Þessi klæðnaður er á
myndunum no. 1 og 2 úr mjög fín-
gerðri ull og auðvitað með opnu
prjóni. Allt er notað úr prjónaefni
núna og flest svona opið og mynztr-
að. í Frakklandi er þetta dýr fatn-
aður, peysur eins og þessar kosta
á miíli eitt og tvö þúsund krónur og
sokkarnir frá fimm hundruð og upp
í þúsund - en þetta er sem sagt
úr ull og ekki sambærilegt við
venjulega bómullarblúndusokka,
sem t. d. í Svíþjóð kosta ekki meira
en sex krónur sænskar. Þótt pilsið
sjáist lítið á þessum myndum er
það auðvitað til staðar, og venju-
lega er það haft í sama lit og peys-
an og sokkarnir. Á mynd 3 er miklu
grófari fatnaður, en í síðasta blaði
sýndum við mikið af grófum sokk-
um, en hér er peysan höfð eins.
Teiknaða myndin no. 4 sýnir svo
stúlku, sem hefur notað hugmynda-
flugið og komið sér upp fallegum
og tízkulegum fatnaði fyrir lítið
verð. Hún keypti bara tvenna
blúndusokka, gerði sér ermar úr
öðru parinu - en gekk auðvitað
vandlega frá saumunum í sárið.
Á mynd no. 5 er svo grófprjónaður
eða heklaður dökkur kjóll með opnu
gatamynztri, en hann er allur fóðr-
aður.
VIKAN 4. tbL
2
#11